Aquino, mimando sa NHC pagdokumento sa kasinatian ug sugilanon sa mga tawo panahon sa balaod-militar

Ni Alfonso T. Ruda

DIPOLOG CITY, SEPT. 22(PIA)---Gimanduan ni Presidente Benigno Aquino III ang National Historical Commission (NHC) nga magmugna ug komiti nga tahasan aron i-dokumento ang tanang kasinatian ug sugilanon sa mga tawong nabuhi panahon sa balaod-militar ug masiguro nga matuod lamang ang ma-imprinta sa mga librong gamiton sa mga magtutungha.

Sa iyang pagpakigpulong atol sa paghandum sa anibersaryo sa Martial Law nga giulohan ug “Remembering Martial Law and the Struggle for Freedom and Justice” nga gipahigayon sa Bantayog ng mga Bayani sa Diliman, Quezon City, ang Hepe Ehikutibo nagkanayon nga gi-isyo niya ang direktiba aron masiguro nga ang tanang impormasyon nga ipasa sa mga estudiante nakabase lamang sa matuod nga nahitabo sa kasaysayan.

“Gusto natong masiguro nga kamatuoran lamang ang mga impormasyon nga nakasulat sa mga libro sa mga estudiante-ug dili lamang sa gipangtapot-tapot nga mga bakak gikan sa mga propagandista, dili sa mga retaso sa pagpanglimbong sa mga rebisyonista,” matod pa sa Presidente.

Panahon sa pagsaulog nga dunay temang,”A Tribute to Martial Law Heroes and Martyrs” misaad usab ang Presidente nga ipadayon ang away nga gisugdan sa iyang amahan nga si Benigno Aquino Jr., ug sa mga bayani ug mga martir panahon sa rehimen sa Balaod-Militar sa ilang pagpaningkamot nga madala ang tiunay ug malungtarong demokrasya sa Pilipinas.

Nanawagan siya sa tanang mga Filipino nga dili pasagdan nga masayang na usab  ang atong katungod ug kagawasan.

“Dili ako makatugot nga mapasa na usab sa sunod nga henerasyon ang pagkasayop sa kasaysayan. Atong hatagan ug bili ang atong napanunod ug pagtulun-an sa Balaod- Militar. Katungdanan sa usag-usa nga ampingan kini, gamit ang pagsalig sa usag-usa, pagmahal sa kamatuoran, ug labaw sa tanan, pag-ila ug paghatag ug bili sa pagsakripisyo sa atong mga bayani. Dili nato sayangon ang ilang gipakig-away,” matod pa ni Presidente Aquino.

Gipahinumdoman usab ni Presidente Aquino ang katawhan nga ang tibuok nasod nga Filipinhon malampusong mipalagpot sa diktador sa malinawong paagi ug mitapos sa Balaod-Militar pinaagi sa pagtoo ug pagsalig sa usag-usa.

“Gusto nakong klarohon. Nabawi nato ang Demokrasya, dili tungod sa asasinasyon sa akong amahan. Nabawi nato kini tungod sa gatusan ka katawhang misugal sa ilang kinabuhi aron ipakig-away ang katungod sa mga dinaug-daog; tungod kay daghan pang mipalag aron lumpagon ang nagpari-hari; tungod kay duna nay dili na gustong magpaulipon sa kagustuhan sa diktador ug mibarog para sa katungod sa ilang isig-katawo; tungod kay duna pay ubang mga martir nga milingkawas sa tanikala sa rehimeng Marcos, bisan ug nasayod silang kinabuhi nila ang nakataya,” matod pa niya.

“Katungdanan sa usag-usa nga ampingan kini, gamit ang pagsalig sa usag-usa, pagmahal sa kamatuoran ug labaw sa tanan, pag-ila ug paghatag ug bili sa mga sakripisyo sa atong mga bayani. Dili nato usikan ang ilang gipakig-away., Dili nako gustong masinatian ninyo ang nasinatiang  kalisdanan  ug sakripisyo sa akong amahan ug sa uban pang nahimong biktima sa Balaod-Militar,” matod pa sa Presidente.

Nanawagan usab ang Presidente sa mga Filipino nga maghiusa nga korehian ang bawog nga prinsipyo ug pagtoo sa matarong nga dalan.

Gikorehian nato ang bawog nga prinsipyo ug pangisip aron mas labaw pang mapahinumdom ang kabililhon sa demokrasya ug kagawasan, ingon man ang matuod nga kabayanihan sa mga Filipinong nakipag-away sa diktadorya.

“Kamatinud-anon ug kamatuoran lang ang butong dalan nga atong subayon. Bisan kanus-a, dili na kita mahisalaag ug ang bugtong ipapanunod namo kaninyo, sa atong mga kabataan mao ang usa ka mahayag, gawasnon, ug makatarunganong nasod,” matod pa niya.(ATR/PCOO/PIA9-Zambo Norte)Ni Alfonso T. Ruda

DIPOLOG CITY, SEPT. 22(PIA)---Gimanduan ni Presidente Benigno Aquino III ang National Historical Commission (NHC) nga magmugna ug komiti nga tahasan aron i-dokumento ang tanang kasinatian ug sugilanon sa mga tawong nabuhi panahon sa balaod-militar ug masiguro nga matuod lamang ang ma-imprinta sa mga librong gamiton sa mga magtutungha.

Sa iyang pagpakigpulong atol sa paghandum sa anibersaryo sa Martial Law nga giulohan ug “Remembering Martial Law and the Struggle for Freedom and Justice” nga gipahigayon sa Bantayog ng mga Bayani sa Diliman, Quezon City, ang Hepe Ehikutibo nagkanayon nga gi-isyo niya ang direktiba aron masiguro nga ang tanang impormasyon nga ipasa sa mga estudiante nakabase lamang sa matuod nga nahitabo sa kasaysayan.

“Gusto natong masiguro nga kamatuoran lamang ang mga impormasyon nga nakasulat sa mga libro sa mga estudiante-ug dili lamang sa gipangtapot-tapot nga mga bakak gikan sa mga propagandista, dili sa mga retaso sa pagpanglimbong sa mga rebisyonista,” matod pa sa Presidente.

Panahon sa pagsaulog nga dunay temang,”A Tribute to Martial Law Heroes and Martyrs” misaad usab ang Presidente nga ipadayon ang away nga gisugdan sa iyang amahan nga si Benigno Aquino Jr., ug sa mga bayani ug mga martir panahon sa rehimen sa Balaod-Militar sa ilang pagpaningkamot nga madala ang tiunay ug malungtarong demokrasya sa Pilipinas.

Nanawagan siya sa tanang mga Filipino nga dili pasagdan nga masayang na usab  ang atong katungod ug kagawasan.

“Dili ako makatugot nga mapasa na usab sa sunod nga henerasyon ang pagkasayop sa kasaysayan. Atong hatagan ug bili ang atong napanunod ug pagtulun-an sa Balaod- Militar. Katungdanan sa usag-usa nga ampingan kini, gamit ang pagsalig sa usag-usa, pagmahal sa kamatuoran, ug labaw sa tanan, pag-ila ug paghatag ug bili sa pagsakripisyo sa atong mga bayani. Dili nato sayangon ang ilang gipakig-away,” matod pa ni Presidente Aquino.

Gipahinumdoman usab ni Presidente Aquino ang katawhan nga ang tibuok nasod nga Filipinhon malampusong mipalagpot sa diktador sa malinawong paagi ug mitapos sa Balaod-Militar pinaagi sa pagtoo ug pagsalig sa usag-usa.

“Gusto nakong klarohon. Nabawi nato ang Demokrasya, dili tungod sa asasinasyon sa akong amahan. Nabawi nato kini tungod sa gatusan ka katawhang misugal sa ilang kinabuhi aron ipakig-away ang katungod sa mga dinaug-daog; tungod kay daghan pang mipalag aron lumpagon ang nagpari-hari; tungod kay duna nay dili na gustong magpaulipon sa kagustuhan sa diktador ug mibarog para sa katungod sa ilang isig-katawo; tungod kay duna pay ubang mga martir nga milingkawas sa tanikala sa rehimeng Marcos, bisan ug nasayod silang kinabuhi nila ang nakataya,” matod pa niya.

“Katungdanan sa usag-usa nga ampingan kini, gamit ang pagsalig sa usag-usa, pagmahal sa kamatuoran ug labaw sa tanan, pag-ila ug paghatag ug bili sa mga sakripisyo sa atong mga bayani. Dili nato usikan ang ilang gipakig-away., Dili nako gustong masinatian ninyo ang nasinatiang  kalisdanan  ug sakripisyo sa akong amahan ug sa uban pang nahimong biktima sa Balaod-Militar,” matod pa sa Presidente.

Nanawagan usab ang Presidente sa mga Filipino nga maghiusa nga korehian ang bawog nga prinsipyo ug pagtoo sa matarong nga dalan.

Gikorehian nato ang bawog nga prinsipyo ug pangisip aron mas labaw pang mapahinumdom ang kabililhon sa demokrasya ug kagawasan, ingon man ang matuod nga kabayanihan sa mga Filipinong nakipag-away sa diktadorya.

“Kamatinud-anon ug kamatuoran lang ang butong dalan nga atong subayon. Bisan kanus-a, dili na kita mahisalaag ug ang bugtong ipapanunod namo kaninyo, sa atong mga kabataan mao ang usa ka mahayag, gawasnon, ug makatarunganong nasod,” matod pa niya.(ATR/PCOO/PIA9-Zambo Norte)