Ni Alfonso T. Ruda
DIPOLOG CITY, APR.
3(PIA)--- Gikalipay
ug dako sa Malakanyang ang labing ulahing survey sa Social Weather Station nga
nagpakita nga 4 sa matag 5 ka mga Filipino ang dunay katagbawan sa ilang
kinabuhi, sumala pa sa usa ka opisyal sa Palasyo.
Gumikan
niini, gipasalamatan sa Administrasyong Aquino ang mga Filipino sa ilang
makabungog nga pagsalig, kompiyansa ug suporta sa gobyerno, matod pa ni
Presidential spokesperson Edwin Lacierda.
95
porsiento sa nasurvey nga naa ilalom sa Class ABC, kontento sa ilang kinabuhi,
sumala pa sa survey. Ang survey nagpakita sa kataas sa “rate” sa ilang
katagbawan nga naa sa 84 porsiento sa Class D ug 74 porsiento sa Class E.
Ang
survey nga gihimo sa ika-upat nga quarter sa 2012 ngadto sa 1,200 ka mga
hamtong sa tibuok nasod gikan sa Disyembre 8 ngadto sa 11, nagpakita nga 81
porsiento ang “Very Satisfied” ug 48
porsiento ang “fairly satisfied,” matod pa sa SWS.
“Sa
inyong nahibaw-an, padayon ang pagpaningkamot sa gobyerno nga mapatuman ang
maayong pang-gobyerno, ingon man ang pag-alagad sa katawhan,” nagkanayon si
Lacierda.
“Lakip
na siguro niini ang pagpalambo sa atong ekonomiya, pagpalambo sa negosyo, ug pag-angkon
ug kahigayonan sa mga negosyante nga mapalambo ang ilang patigayon ug
pag-angkon usab ug panginabuhian sa atong mga kaigsoonan, mao kana ang atong
nakita,”dason pa ni Lacierda.
Matod
pa ni Lacierda, nakahimo na ug mahinungdanong lakang ang gobyerno padulong sa
damgong labi pang mapalambo ang kahimtang sa mga Filipino.
Sa
katapusan, naangkon sa Pilipinas ang gitawag nga “much-coveted grade status”
gikan sa Fitch Group, usa sa tulo ka nag-unang international credit rating
agencies nga naglantaw sa kapabilidad sa gobyerno pagbayad sa ilang utang ug
kahigayonan nga dili makabayadsa ilang utang.
Ang
labing ulahing investment grade upgrade
maoy usa ka butang nga positibo alang kanato ug naglaum kita nga kini
magbunga ug dugang direktang pagbubo ug puhonan sa nasod. Uban sa pormal nga pagpahibalko
sa investment grade status, naglaum usab kami ug dugang pagubo ug puhonan gikan
sa gawas, ingon man sa mga lokal nga magpapatigayon nga mopahimulos sa ubos nga
interest rates,” matod pa ni
Lacierda.(ATR/PCOO/PIA9-Zambo Norte)