Paglunsad sa Sajahatra Bangsamoro nagpadayag sa sinseridad ug pagkamatinuuron sa kagamhanan alang sa ‘angay ug malungtarong’ kalinaw sa Mindanao - Malakanang

Ni Claro A. Lanipa

PAGADIAN CITY, 11 Feb (PIA) – Ang paglunsad sa Sajahatra Bangsamoro, usa ka socio-economic initiative gitumong sa pagpalambo sa panglawas, edukasyon ug kahimtang sa panginabuhian sa mga komunidad sa Moro Islamic Liberation Front (MILF) karong adlawa (Lunes) nagpadayag sa sinseridad ug pagkamatinuuron ni Presidente Benigno S. Aquino III ug ang kagamhanan  sa paghulma sa angay ug malungtarong kalinaw sa Mindanao,” matod pa sa usa ka opisyal sa Palasyo.

Si Presidente Aquino mouban sa mga representantes sa kagamhanan ug ang MILF alang sa usa ka makasaysayanong paglunsad nga pagahimoon sa Bangsamoro Leadership and Management Institute compound sa lungsod sa Sultan Kudarat sa Maguindanao.

Ang seremonyal paglunsad gilangkoban sa pag’apod-apod sa health insurance sa Philippine Health Insurance Corporation (PhilHealth); pag-upgrade sa community-based health services pinaagi sa Dpeartment of Health (DOH); college scholarships ug technical-vocational training pinaagi sa Commission on Higher Education (CHED) ug Technical Education and Skills Development Authority (TESDA); educational assistance ngadto sa madras (Islamic schools) ug mga pribadong tulunghaan gikan sa Department of Education (DepEd), pagtantiya sa mga kinahanglanon sa mga piniling komunidad sa Bangsamoro; ug Cash for Work Program, pinaagi sa Department of Social Welfare and Development (DSWD), tali sa uban.

Sa usa ka interview sa DZRB Radyo ng Bayan, si Deputy Presidential Spokesperson Abigail Valte midayeg sa paningkamot sa duha ka partido  aron makab-ot ang dakong kahitaboan.

“Oo, unsa nga matang sa mensahe nga gusto ipadangat sa Presidente? Una, matinud-anon ang kagamhanan aron makab-ot ang angay ug malungtarong kalinaw sa Mindanao, miingon si Valte.

Ang Bangsamoro Framework Agreement, nga gipirmahan niadtong Oktubre 2012, moay mohatag ug dalan sa pag-establisar sa bag-ong autonomous political entity, ang Bangsamoro, nga maoy mohulip sa Autonomous Region in Muslim Mindanao.

Ubos sa maong kasabutan, ang duha ka mga partido miuyon aron sa pagpalapad sa mga tinguha pangkalamboan sama sa rehabilitasyon, rekonstruksyon ug pagpalambo sa Bangsamoro, ug magmugna ug mga programa aron motubag sa kinahanglanon sa mga MILF combatants, nawad-an ug panimuyo ug mga probreng komunidad. (PCOO/CAL/PIA9)

Pwersa sa GPH ug MILF magbantay sa pagbisita sa Presidente sa Mindanao

By Gideon C. Corgue

PAGADIAN CITY, February 11 (PIA) –- Sa unang higayon sa kasaysayan, ang pwersa sa  kagamhanan sa Pilipiinas ug Moro Islamic Liberation Front (MILF) nagkahiusa paghatag ug seguridad sa pagbisita ni Presidente Benigno Aquino III karong adlawa Lunes paglusad sa  "Sajahatra Bangsamoro" program.

Sa hinusa nga security operation nga gipahigayon ning Sabado sa karaan nga Maguindanao Provincial Capitol sa Sultan Kudarat, ang mga sundalo sa kagamhanan ug Bangsamoro Islamic Armed Forces (BIAF) sa MILF naghiusa aron pormal nga magpanghimatuod sa ilang panaghiusa sa malahutayon nga kalinaw sa rehiyon sa gubot nga rehiyon sa Mindanao.

"Sumala sa ilang giingon, adunay kahayag sa tumoy sa tunnel. Atong makab-ot na gyud ang kalinaw nga dugay na natong gidamgo," matud pa General Gilberto Jose Roa, chair sa Coordinating Committee on the Cessation of hostilities (CCCH) sa iyang pamhayag.

Si Commander Gordon Zaipullah sa MILF Central Mindanao Task Force, sa iyang kabahin mihubit sa panagtigum sa duha ka mga amradong pwersa nga makasaysayanon.

Ang pwersa sa kagamhanan ug MILF fighters naglamano sa ilang mga kamot, naggakos sama sa dugay na nga mga higala ug nangaon sa usa ka lamesa nga maora ug wala gayud sila naggubat.

Si Major General Caesar Ronnie Ordoyo, ang commanding general sa 6th Infantry Division mihatag gibug-aton sa panginahanglan pagtimaan sa panaghiusa samtang kita ang nagagikan sa sama nga nasud."

"Kita ang usa ka dugo, usa ka kolor. Kita ang gibuhat sa usa ka kaliwat sa Malayo nga ang matag-usa kanato ang angay magpasigarbo,” matud pa niya.
"Kini usa usa ka mahinungdanon nga okasyon ug ako ang naglaum nga makopya nato kini," dugtong pa niya.

Si Sultan Kudarat Mayor Tucao Mastura kinsa usan anaa sa maong panagtigum nagpadayag sa iyang garbo pagpahigayon sa maong makasaysayanong kalihokan sa ilang lungsod. (GCC/PCOO/PIA9-Pagadian City)

Palasyo mipahayag nga ang mga taho pagpabalik ni Amalilio gikan sa Malaysia dili tukma

By Gideon C. Corgue

PAGADIAN CITY, February 11 (PIA) –- Ang Malakanyang ning Domingo mipatin-aw sa mga taho nga ang pagdala ug balik sa lider sa investment scam nga si Manuel Amalilio ang gisalindot sa Malaysia sanglit kini ang miseguro nga ang kagamhanan nagtrabaho pagpadala ug balik niini sa atong nasud.

Si Deputy Presidential Spokesperson Abigail Valte nagkanayon nga ang Pilipinas dili moundang paghimo kang Amalilio nga manubag sa iyang mga biktima sa nasud bisan ug ang Malaysia mupogos pagpugong sa suspetsado sa pagpangilad hangtod nga iyang masilbihan ang duha ka tuig nga sentensya pagkabilanggo tungod paghupot sa peke nga pasaporte.

“Adunay mga dili tukma nga taho sa pipila ka mga pamantalaan karon nga ang hangyo pagpabalik ang gisalikway,” si Valte nagkanayon sa interview sa gipanag-iya sa kagamhanan nga radio station nga  Radyo ng Bayan.

“Dili kana tukma, una sa tanan moadto pa ang state counsels sa DOJ (Department of Justice) aron pormal nga magsugod sa proseso sa extradition,” dugtong pa niya.

Ang opisyal sa Palasyo nagkanayon nga ang Pilipinas makapahimulos sa proseso sa extradition bisan kung ang nasud walay extradition treaty sa Malaysia.

“Bisan ug wala kitay extradition treaty sa Malaysia, ang balaod sa Malaysia nagtugot sa  extradition ilawom sa proseso. Moadto pa ang atong state counsels didto aron sugdan ang pormal nga proseso sa extradition,” dugtong pa niya.

Si Valte mikonpirma  nga ang mga otoridad sa Malaysia mipugong sa mga assets ni Amalilio basin sa hangyo sa Piipinas ilawom sa Association of Southeast Asian Nations (Asean) Mutual Legal Assistance Treaty.

Ang pagkabilanggo ni Amalilio sa Malaysia sayo nga nakita isip babag kaniya nga moatubang sa mga kaso sa syndicated estafa dinhi sa korte sa  Pagadian samtang ang Kuala Lumpur mipakisama kaniya nga usa ka Malaysian citizen sukwahi sa giangkon sa Department of Justice nga siya usa usa Filipino.

Ang DOJ mipahayag nga si Amalilio pagadad-on sa nasud bisan ug dili pa matapos ang iyang duha ka tuig nga pagkabilanggo.

Usa ka Malaysian attorney general ang mihatag kaseguruhan nga ang mga otoridad sa Pilipinas ug mga  prosecutors makaduol kang Amalilio bisan naa siya  bilanggoan. (GCC/PCOO/PIA9-Pagadian City)