Kapin sa 1.7M ka mga kabataan sa day care mobenepisyo sa Supplementary Feeding Program sa DSWD

Ni Claro A. Lanipa

PAGADIAN CITY, 29 April – Matod pa ni Social Welfare and Development Secretary Dinky Soliman ning bag-o lang nga 1,755,034 ka mga kabataan sa 45,389 day care centers sa tibuok nasud ang mobenepisyo  sa Supplementary Feeding Program (SFP) sa DSWD alang sa tuig tingtungha 2013-2014.

Sa 2013 pondo sa DSWD, migahin kini kapin sa P2.9 bilyon alang sa maong programa nga naglangkob sa tanang 17 ka mga rehiyon  lakip ang Autonomous Region in Muslim Mindanao (ARMM).

Gipasabot ni Secretary Soliman nga ang SFP mao ang paghatag ug pagkaon isip dugang sa regular nga pagkaon ngadto sa mga kabataan nga nagtungha sa day care centers ug sa gitawag supervised neighborhood play (home-based) sulod sa 120 ka mga adlaw.

“Mao usab kini ang tampo sa DSWD ngadto sa Early Childhood Care and Development (ECCD) nga programa sa kagamhanan,” miingon si Soliman.

Ang matag bata, gikan sa 3 ngadto sa 4 ka tuig ang pang-edaron, nga motungha ning tuig, pagahatagan sa mainit nga pagkaon nga gikantidad sa P13 matag bata matag adlaw, lima ka beses matag semana. Ang mga ginikanan maoy moandam sa pagkaon, samtang ang recipes o gisugyot nga menu sa matag adlaw pagahatagan sa Dietary Nutritionist sa DSWD.

Dugang niini, ang DSWD motimbaya usab sa Rural Health Unit alang sa regular pagtimbang, pagpanambal batok sa bitok, ug ubang mga kinahanglanon medikal alang sa mga kabataan. (DSWD/CAL/PIA9)

Malakanyang dili mabalaka sa water shortage karong tag-init; miingon init karon madala pa

By Mary May A. Abellon

DIPOLOG CITY, April 29 (PIA) - - Wala nabalaka ang malakanyang nga kung unsa ka taas ang temperatura nga nasinati karon sa nasud mahimong  rason sa water shortage, miingon nga gi laraw sa Philippine Atmospheric Geophysical and Astronomical Services Administration (PAG-ASA) nga ang ting-init mu lungtad ikaduhang semana sa Mayo.

Sa usa ka panayam nga gisibya sa dzRB Radyo ng Bayan, usa ka istasyon sa radyo gipadagan sa gobyerno, miingon si Deputy Presidential Spokesperson Abigail Valte nga ang kainit ug humidity nga nasinati kay dili angay ikabalaka.

“Gumikan kay ting-init ug nakasinati kita ug taas nga temperatura, wala pa man pud nagfa-flag nga sa kining bahina atong ikabalaka,” butyag ni Valte samtang gi punto niya nga dili pareha sa mga nakalabay nga tuig nga ang state weather bureau nagpagawas na ug alarma sa kakulangon sa tubig ulan.

“Hinaot, misulti man pud ang PAG-ASA nga kining klase sa panahon kay gi laraw nga hangtod sa ikaduhang semana sa Mayo ug makasiguro na ta sa pagsugod sa tiig-ulan,” dugang pa niya.

“Mao hinaot pa, sa karong puntuha, ang kainit sa summer kay madala pa,” tinguha ni Valte. (MAA/PIA-Zamboanga del Norte)

Palasyo nanawagan sa mga lokal nga kandidato nga motabang pagsumpo sa ”extortion activities” sa NPA

Ni Alfonso T. Ruda

DIPOLOG CITY, APR., 24(PIA)--- Miapela ang Palasyo sa mga lokal nga kandidato nga tabangan ang gobyerno pagpangita ug impormasyon aron mahunong na ang mga illegal nga kalihokan sa New People’s Army, ilabi na ang ilang  “extortion activities.”

Niadtong Lunes, gimanduan ni Presidente Benigno Aquino III ang Armadong Kusog sa Pilipinas nga bungkagon ang tanang “roadblocks” nga gipahimutang sa NPA, ilabi na sa mga lugar nga kontrolado nila.

Sa press briefing nga gipahigayon sa Malakanyang niadtong Martes, gipahayag ni Deputy Presidential Spokesperson Abigail Valte, nga samtang nagtinguha ang gobyerno nga masumpo kining maong illegal nga kalihokan, ang AFP duna usay limitasyon ug kulang sa tawo nga mobantayan sa tanang mainit nga lugar sa nasod.

“Gumikan niining maong kakulangan sa atong Armadong Kusog nga dili nila mabantayan ang tanang lugar sa tanang higayon, among gipangayo ang kooperasyon sa mga lokal nga kandidato nga hatagan kita ug impormasyon nga makatabang sa atong operasyon,” matod pa ni Valte.

Bisan pa man niining maong limitasyon, matod pa ni Valte, padayon pa gihapong nagpahigayon ug operasyon ang Armadong Kusog  aron mapatunhay ang kahusay ug kalinaw sa maong mga lugar.  

Miapela usab ang Opisyal sa Palasyo ngadtp sa mga kandidato nga nangampanya para sa piniliay sa Mayo 13 nga balibaran ang gipangayo sa NPA nga permit-to-campaign fees.

“Sa kanunay, among gipangayo sa mga lokal nga kandidato nga dili magpadala sa dagkong kantidad nga gipangayo sa NPA ug naghangyo nga ireport kini sa DILG aron mahimoan gilayon kini ug tukmang aksyon ang nasangpit nga mga lugar,” matod pa niya.

Sumala pa sa taho, nangayo ang NPA ug dagkong kantidad gikan sa mga kandidato aron mahatagan ug pagtugot nga makapangampanya sa mga lugar diin naglihok ang rebelding grupo.

Gimando na karon sa gobyerno ang pagdeputize sa mga ahensiyang tigpatuman sa balaod, ingon man sa Armadong Kusog sa Pilipinas aron masiguro ang gawasnon, hapsay matinud-anon, ug malinawong nasudnon ug lokal nga eleksyon sa Mayo 13, 2013.(ATR/PCOO/PIA9-Zambo Norte)

Presidente Aquino mi-deklarar ang Mayo 13 isip special public (non-working) holiday sa tibuok nasud

Ni Claro A. Lanipa

PAGADIAN CITY, 24 April (PIA) – Gideklarar ni Presidente Benigno S. Aquino III ang Mayo 13, 2013 isip usa ka special public (non-working) holiday sa tibuok nasud aron sa paghatag ug higayon sa katawhan sa pagbansay sa ilang katungod sa pagboto.

Matod pa ni Presidential Spokesperson Edwin Lacierda ang Hepe Ehekutibo mipagawas sa deklarasyon pinaagi sa Proclamation No. 571 nga gipirmahan ni Executive Secretary Paquito N. Ochoa, Jr. kagahapon Abril 23.

Ang nasudnong ug lokal nga piniliay pagahimoon sa Mayo 13 kon adlaw’ng Lunes.

“Ang konstitusyon nagtudlo nga ang nasudnong ug lokal nga piniliay pagahimoon sa ikaduhang Lunes sa Mayo ug tungod sa gahum sa Proclamation No. 571, s. 2013, ang President nangandoy sa paghatag ug kahigayonan ang katawhang Pilipino aron sa pagbansay sa ilang katungod sa pagboto,” miingon si Lacierda.

“Atong gihangyo ang tanang adunay takus nga moboto aron gamiton ang non-working holiday sa paglambigit sa proseso sa eleksyon nga maoy nagporma sa tugkaran sa atong demokrasya,” gihatangan ug gimbug-aton ni Lacierda.

Ning milabay’ng Enero, ang Hepe Ehekutibo nagmando sa tanang ahensiya ug mga instrumendalidad sa kagamhanan nga nagpatuman sa balaod, lakip ang Armadong Kusog sa Pilipinas (AFP) aron segurohon sa luwas, hapsay, matarong, malinawon ug katoohan pagpahigayon sa Mayo 13 automated nasudnong ug lokal nga eleksyon. (PND/CAL/PIA9)

Presidente Aquino mipirma sa RA 10515 kon ‘Anti-Cable Television ug Cable Internet Tapping Act of 2013’

Ni Claro A. Lanipa

PAGADIAN CITY, 24 April (PIA) – Gipahibalo ni Presidential Spokesperson Abigail Valte kagahapon nga gipirmahan na ni Presidente Benigno S. Aquino III ang Republic Act No. 10515 kon ang “Anti-Cable Television ug Cable Internet Tapping Act of 2013” niadtong Abril 17, 2013.

Ang balaod nagdumili sa mga cable television ug internet tapping ug mosilot sa mga tagsala nga mabilanggo sulod sa duha ngadto sa lima ka tuig o multa sa P50,000 ngadto sa P100,000 o ang duruha, depende sa desisyon sa korte.

Kon ang tagsala usa ka korporasyon o asosasyon, ang president, manager, managing partner o si bisan kinsang opisyal sa korporasyon o partnership kinsa sa direktamente naglambigit sa paglapas sa maong Akta maoy mopahamtang sa maong silot.

Uban sa pagpirma sa Presidente sa balaod, illegal tapping sa signal nga gitanyag sa cable television (CATV) o cable internet system ug ang dautang binuhatan o pagtangtang sa kasamtangan CATV o mga pasilidades sa cable internet ang gidili.

Ang balaod nagdili usab sa recording, reproducing, distributing, importing o pagbaligya sa bisan unsa nga nasakmit o nadawat CATV system/network signals alang sa mga katuyuan patigayon nga walay pagtugot sa hingtungdan CATV o cable internet service provider.

“Ang estado nag-ila sa importanteng papel sa pribadong sekta, nagdasig sa private enterprise, ug nagtanyag sa mga insentibo sa nagkinahanglan ug pamuhunan. Pinasubay niini, ang akta gitumong sa pagpanalipod sa Cable Television ug Cable Internet Industries gikan sa mga pagpangawkaw,” miingon ang Presidente.

Sulod sa 60 ka mga adlaw human nga mopatuman kining balaod, ang National Telecommunications Commission (NTC) mopahigayon sa information dissemination campaign aron pagpahibalo sa publiko mahitungod sa maong balaodnon. (PCOO/PIA9/CAL)

Palasyo miawhag sa mga kandidatong lokal aron motabang sa kagamhanan sa pagsumpo sa pangukho sa NPA

Ni Claro A. Lanipa

PAGADIAN CITY, 24 April (PIA) – Gihangyo sa Malakanyang ang mga kandidatong lokal aron motabang sa kagamhanan sa pagkuha ug mga kasayuran sa pagsumpo sa ilegal operasyon sa New People’s Army (NPA), ilabi na sa mga kalihukang pangukho.

Ning Lunes, gimandoan ni Presidente Benigno S. Aquino III ang Armed Forces of the Philippines (AFP) aron motangtang sa mga gipang’abong sa kalsada nga gibutang sa mga NPA ilabi na sa mga dapit kontrolado nila.

Sa usa ka press briefing sa Malakanyang kagahapon, si Deputy Presidential Spokesperson Abigail Valte miingon nga samtang ang tumong sa kagamhanan mao ang pagsumpo sa mga ilegal nga mga kalihukan, ang AFP adunay mga limitasyon ug walay igong katakus sa pagbantay sa tanang mga delikadong lugar sa nasud.

“Tungod sa limitasyon sa atong armadong kusog, dili nila mahimong mobantay sa tanang mga lugar sa tanang oras, busa mohangyo kita sa koopersayon sa mga kandidatong lokal, aron hatagan kita ug inpormasyon nga makatabang sa atong operasyon,” miingon si Valte.

Taliwala sa mga limitasyon, ang puwersa sa seguridad sa atong nasud mopadayon sa paghimo sa ilang operasyon aron maseguro ang kalinaw ug kahusay nianang mga dapita, dugtong pa ni Valte.

Giawhag usab sa opisyal sa Palasyo sa  mga kandidato nga nagkampanya alang sa Mayo 13 nga piniliay aron ibasura ang gipangayo sa NPA nga bayran sila alang sa  “permit-to-campaign” fees.

“Kanunay kita mihangyo sa mga kandidatong lokal nga dili mohatag sa ilang gipangyo ug itaho kini ngadto sa DILG aron hatagan sa tukmang tubag nianang mga dapit,” miingon siya.

Matod pa sa mga taho ang NPA nangayo sa mga kandidato ubay-ubay nga kantidad aron tugotan sila sa pagkampanya sa mga dapit diin ang mga rebelde naglihok.

Gimandoan sa kagamhanan ang  mga ahensiya nga nagpatuman sa balaod lakip ang armadong kusog aron segurohon sa luwas, hapsay, matarong, malinawon ug katoohan nga pagpahigayon sa Mayo 13 automated nasyonal ug lokal nga piniliay. (PND/CAL/PIA9)

Kagamhanang Aquino midayeg sa Comelec chairman pagpabilin sa iyang katungdanan

By Gideon C. Corgue

PAGADIAN CITY, Abril 23 (PIA) –- Ang administrasyon ni Aquino midayeg sa hukum ni Commission on Elections (COMELEC) chairman Sixto Brillantes Jr. nga magpabilin sa iyang katungdanan atol sa mahinungdanon nga panahon, ang opisyal sa  Palasyo nagpahayag ning Lunes.

Si Presidential Spokesperson Edwin Lacierda mipagula sa iyang pamahayag atol sa regular press briefing sa Malakanyang ning Lunes human nga ang hukum ni Brillantes nga dili moluwat alang sa nasudnong interes ug sa katawhang Pilipino.

"Atong gidayeg si chairman Brillantes sa paghatag ug bili sa interes sa nasud ug paghatag kaseguruhan nga iyang tan-awon ang piniliay sa 2013," matud pa ni Lacierda.

Ning nakalabay nga Biyernes, si Presidente Benigno S. Aquino III nagkanayon sa interview nga iyang hangyoon si Brillantes nga magpabilin sa iyang katungdanan tungod kay ang nasud nanginahanglan sa Comelec chairman ning maong mahinungdanon nga panahon sa eleksyon.

“Siyempre, akong hangyoon ang atong chair. Medyo duol na sa tunga sa bulan ayha mag-eleksyon. Lisod ang magbutang ug bag-o nga chair," ang Presidente nagkanayon sa interview atol sa iyang pagduaw sa Sugbu. 

Hinoon, si Lacierda nagkanayon nga ang Malakanyang ang magpaabot nga makadawat sa impormasyon kung si Presidente Aquino ang nakasultihanay na ni Chairman Brillantes mahitungod niini. 

"Wala kami kasayuran kung sila ang nagkasultihinay. Apan si Chairman Brillantes nakahibalo nga ang Presidente mipahayag dihang siya ang gipangutana sa media. Tingali iyang naamguhan ug gipakisama ang mga gipamulong sa Presidente," matud pa ni Lacierda.

Si Brillantes sayo pa niini mipahayag nga siya ang moluwat sa iyang katungdanan human ang Korte Suprema mipakanog ug desisyon batok sa resolutions sa poll body. Siya ang nahiubos sa desisyon sa pinakataas nga hukmanan nga nagpahunong sa hukum sa COMELEC pagpatuman paglimit sa airtime sa political advertisements alang sa Mayo nga piniliay. (GCC/PCOO /PIA9-Pagadian City) 

Kagamhanan nag-ayuda sa mga wala madokumento nga mga trabahante sa Saudi Arabia

By Gideon C. Corgue

PAGADIAN CITY, Abril 22 (PIA) –- Ang kagamhanang Aquino nagpadayon pagtabang sa mga wala madokumento nga mga trabahante sa Kingdom of Saudi Arabia (KSA) kinsa nagtukod ug tolda gawas sa Philippine consulate sa Jeddah, ang opisyal sa Palasyo nagkanayon ning Domingo.

Si Deputy Presidential Spokesperson Abigail Valte nagkanayon sa interview sa radyo nga ang Department of Foreign Affairs (DFA) nagsugod paghimo sa mga lakang aron pagtabang sa mga wala madokumento nga OFWs kinsa nanginahanglan ug tabang.

"Sama sa gipahayag sa DFA, gikinahanglan nato nga tan-awon usa’g-usa ang ilang mga kaso tungod kay nakabalo kita nga ang pag-adto sa KSA, adunay requirement na exit visa ug kinahanglang ipatin-aw ang tanan nila nga mga paperwork sa dili pa sila hatagan niini," matud pa ni Valte.

si Valte nagkanayon nga ang Department of Labor and Employment (DOLE) ang nag-ayudad sa mga gikinahanglan sa mga wala madokumento nga  OFWs kinsa naapektuhan sa paggukod sa KSA sa illegal ug overstaying migrants.

Matud pa sa mga taho, si King Abdullah sa KSA mimando sa Ministries of Interior and Labor aron paghatag sa mga wala madokumento nga mga trabahente sa KSA ug tulo ka bulan aron pagtul-id sa ilang mga trabaho ug residency status.

Ang Philippine Overseas Labor Office (POLO) uban sa pakig-alyon sa tukma nga otoridad sa  Saudi aron pagtabang sa mga kwalipikadong OFWs kinsa buot nga ma-legalize ang ilang pagpuyo pinaagi sa pagkuha sa Iqama ug residency permits. Ang POLO nagtabang usab sa mga OFWs kinsa gusto nga mouli sa nasud.

"Ang atong DFA, ‘ang atong POLO, ‘ang atong DOLE—‘ang atong mga labor attaché  didto ang naglihok na aron nga matabangan ang atong mga kaigsoonan didto," matud pa ni Valte.

Mokabat sa 1,450 nga wala madokumento nga mga Pilipino kinsa naghangyo alang sa dinalian nga pagpabalik sa nasud ang nagtolda sa Philippine Consulate building sa Jeddah sa kahadlok nga dakpon sa Saudi police. (GCC/PCOO /PIA9-Pagadian City) 

DepEd nangandam para sa Balik Eskwela sa tuig tinguha, 2013-2014

Ni Alfonso T. Ruda

DIPOLOG CITY, APR. 20(PIA0)---Nangandam na karon ang Department of Education para sa Operation Balik Eskwela(OBE) karong umaabot nga Mayo 27 ngadto sa 31, 2013, ingon man ang Public Assistance Station(PAS) aron masiguro ang hapsay nga pagbukas sa klase sa tuig tingtungha 2013-2014 karong Hunyo.

Ang OBE ug PAS tinuig nga gihimo sa tinguha nga matubag ang mga problema nga kalagmitang motumaw sa pagbukas sa klase ug masiguro nga ang mga bata naa  sulod sa mga lawak-tunghaan ug nagtoon sa ilang leksyon sa unang adlaw sa klase.

Usa sa mga bahin sa OBE mao ang paghiusa sa mga ahensiya sa gobyerno aron masiguro nga mahatagan ug pagtagad ang unsa mang problemang dunay kalabutan sa pagbukas sa klase.

Ang Oplan Balik Eskwela Inter Agency Task Force gilangkuban sa Department of Trade and Industry(DTI), Department of National Defense(DND), Dept. of Interior and Local Government (DILG), Dept. of Public Works and Highways (DPWH), Dept. of Health (DOH), Phil. National Police (PNP), Phil. Atmospheric, Geophysical and Astronomical Services Administration (PAGASA), ug Metro Manila Development Authority(MMDA).

Lain pang mahinungdanong bahin sa OBE mao ang pagmugna ug Information and Action Center (IAC) sa Bulwagan ng  Katarungan ug DepEd Central Office nga magsilbing  “Communication hive” sa  problemang dunay kalabutan sa pagbukas sa klase.(ATR/PCOO/PIA9-Zambo Norte)

Presidente Aquino nalipay nga nalakip sa 100 Most Influential People in the World niining tuiga sa Time Magazine

By Gideon C. Corgue

PAGADIAN CITY, Abril 19 (PIA) –- Si Presidente Benigno S. Aquino III ning Biyernes nagkanayon nga siya ang nalipay nga nalakip sa dungganon nga TIME Magazine ning tuiga nga listahan sa "100 Most Influential People in the World."

Ang Presidente nagkanayon nga iyang giisip nga utang kabubut-on ang maong dungog sa daghan nga katawhang Pilipino kinsa padayon nga nagsuporta sa mga programa sa iyang administrasyon nga tataw nga nagtabang sa nasud.

“Usa kini nga dungog. Pero sa samang higayon atong gipahinumdum nga daghan kitang nahimo pero dili lang ako ang mihimo niini. Tataw alang kanako nga kaya nako na himoon kini tungod kay naa sa likod nako ang katawhang Pilipino," matud pa sa Presidente.

"Kung nagduhaduha ako sa suporta sa matag lungsod—kung atong gipakigbatokan ang korupsyon, kung atong giusab ang naandan nato nga sistema ug proseso— tingali mawad-an kita ug kadasig nga gukdon ang angay nga gukdon," dugtong pa niya.

"Pero tungod kay naa ang katawhan, sila ang naghatag kanako ug kahigayonan, sila ang mibulig hangtud sa kasamtangan, ug maora nga akong gidawat ang maong pasidungog para sa ilaha ug dili para sa akoa,” si Presidente Aquino nagkanayon.

Ang listahan sa The TIME 100 gipailawom sa lima ka kategorya: Titans, Leaders, Artists, Pioneers ug Icons. Si Presidente Aquino niining tuiga nga listahan sa mga pangulo mao ang iyang una nga pagkaila samtang siya ang nangatungdanan sa iyang buhatan.

Si Presidente Aquino nagkanayon nga ang pasidungog sa kinatibuk-an nga nasud sa Pilipinas mahinungdanon alang kaniya. “Ako ang dagway , ako ang una nga iasdang sa problema ug dawat nako kini. Pero kung aduna usab kalampusan, kalampusan nato kini nga tanan,” matud pa niya. (GCC/PCOO /PIA9-Pagadian City) 

Pilipino nakalinya sa mga patyonon gitanyagan pasaylo sa Saudi Arabia, matud pa sa Malakanyang

By Gideon C. Corgue

PAGADIAN CITY, Abril 18 (PIA) –- Ang kagamhan sa Saudi Arabia mihatag sa ikaduha nga higayon sa tagal pagbayad sa blood money sa kaso ni Joselito Zapanta isip tubag sa hangyo ni Presidente Aquino, ang Malakanyang nagpahayag ning Huwebes.

Sa press statement, si Presidential Spokesman Edwin Lacierda nagkanayon nga ang Department of Foreign Affairs mipahibalo sa Palasyo nga ang kagamhanan sa Saudi mitanyag ug tagal gikan sa Marso 12 ngadto sa Nobyembre 3, 2013 kinsa mihaum sa katapusan sa kasamtangan nga  Islamic year.

“Ang lugway nga nagtugot sa pamilyang Zapanta sa dugang panahon nga mangita ug pundo nga gikinahanglan sa mga heredero sa biktima,” matud pa ni Lacierda samtang siya ang nagpasalamat ni King Abdullah sa Saudi Arabia ug ang kagamhanan sa Saudi pagtabang sa kagamhanan sa Saudi ngadto sa pamilyang Zapanta.

Si Lacierda ang mihatag kaseguruhan nga ang Department of Foreign Affairs padayon nga motanyag ug gikinahanglan nga tabang ni Zapanta ug ang iyang pamilya.

Sa kasamtangan, ang kagamhanan sa Pilipinas ug ang pamilyang Zapanta nakapangita na sa kuwarta nga  512,066.35 Saudi Arabian Riyals (SAR) kon P5.6 milyones, gikan sa SAR 4 milyones nga gipangayo sa mga heredero sa biktima kinsa adunay equivalent nga P44 milyones, matud pa ni Lacierda.

Sa samang higayon, ang opisyal sa Palasyo ang naghangyo sa mga adunay malumo nga kasing-kasing nga mga tawo pagtabang pagpangita nagpabilin nga kantidad gikinahanglan ni Zapanta pagbayad sa blood money.

Si Zapanta ang miadto sa Saudi Arabia niadtong 2007 aron pagtrabaho isip tile-setter. Sa tuig 2009 iyang giangkon nga iyang gipatay ang iyang Sudanese landlord ug human sa court trial siya ang gihukman sa kamatayon. (GCC/PCOO /PIA9-Pagadian City) 

Presidente Aquino mosalmot sa 22nd ASEAN Summit sa Brunei Darussalam

By Gideon C. Corgue

PAGADIAN CITY, Abril 18 (PIA) –- Si Presidente Benigno S. Aquino III mouban sa iyang mga counterparts sa 22nd Association of Southeast Asian Nations (ASEAN) Summit nga ipahigayon sa Brunei Darussalam gikan sa Abril 24 ngadto sa 25, ang Department of Foreign Affairs (DFA) nagpahibalo ning Miyerkoles.

Sa briefing sa Malakanyang, si DFA Spokesperson Raul Hernandez nagkanayon nga kini nga Summit, kinsa nagsaulog sa 46 ka tuig nga pagkahimugso sa ASEAN’magsilbi nga follow up sa 21st ASEAN Summit and Related Summits sa Phnom Penh, Cambodia gikan sa Nobyembre 17 ngadto sa 20, 2012.

Tipik sa mga pagahisgutan nga ang Pilipinas padayon nga mosuporta sa Summit naglakip sa maritime security ug kooperasyon, ang hingpit nga pagpatuman sa Declaration of the Conduct of Parties sa South China Sea, ang sayo nga pagtapos sa legal ug mahinungdanon nga Code of Conduct ug review sa ASEAN Charter “uban ang tinguha sa pagpalig-on sa trabaho ug panagtigum sa ASEAN,” matud pa ni Hernandez.

Matud pa niya nga ang matong Summit magsugod sa gabii sa Abril 24 uban ang working dinner nga gitanyag sa iyang kamahalan nga si Sultan Haji Hassanal Bolkiah sa Brunei Darussalam. Ang sunod nga adlaw mao ang Retreat Session sa Summit diin maghisgot sa mga butang hilusgutanan ning mosunod: ang ASEAN community 2015; ASEAN’s central role ug regional architecture; ASEAN’s future direction; ug pagbinayloay sa regional ug international issues.”

Gawas sa Summit, ang Presidente gilauman nga makigtagbo sa mga pangulo sa Brunei, Indonesia, Malaysia nga naglangkub sa East ASEAN Growth Area alang sa 9th BIMP-EAGA Summit.  (GCC/PCOO /PIA9-Pagadian City)