By Gideon C. Corgue
“Wala gayud kausaban ang relasyon sa
“Walay kadaut sa atong relasyon sa Malaysia. Atong giila nga kini mao ang pagsulay sa pipila lamang nga dili maka-apektar sa atong kinatibuk-an nga relasyon.”
Si Lacierda ang mitubag sa mga pangutana kung ang kagubot ba sa Sabah nakaapekar sa relasyon tali sa duha ka mga nasud. Ang armadong kusog sa Malaysia miatake sa grupo sa mga Pilipino nga nag-angkon nga ang Sabah kabahin sa Sulu Sultanate.
Ang kagubot miresulta sa gatosan ka mga Pilipino nga nagpuyo kon nagtrabaho sa Sabah ang mipauli aron paglikay sa kagubot ug paggukod sa mga otoridad sa Malaysia.
Sa samang higayon, si Lacierda mihimo sa kaseguruhan nga ang kagamhanan sa Pilipinas nagpadayon pagtabang sa mga Pilipino nga naapektuhan sa maong kagubot.
“Kung sila nanginahanglan ug tabang, ato sila hatagan; kung nanginahanglan sila ug trabaho, ato silang tabangan; kung gusto nila nga mobalik sa Sabah, ato sila hatagan ug legal nga mga dokumento sa mga buot mobalik sa Sabah,” iyang pahayag sa mga tigbalita sa Malakanyang.
Dihang gipangutana kung ang kagamhanan makatanyag ba ug mga trabaho sa liboan ka mga returnees gikan sa Sabah, si Lacierda nagkanayon nga ubay-ubay ka mga ahensya sa kagamhanan ang nagtrabaho aron pagsulbad sa ilang suliran.
Samtang ang kagamhanan dili makatanyag ug mga trabaho sa mga nawad-an ug panimalay nga mga Pilipino sa usa ka adlaw, ang mga ahensya sama sa Technical Education and Skills Development Authority (TESDA), Department of Social Welfare and Development (DSWD) ug ang Overseas Filipinos Welfare Administration (OWWA) mihimo sa iyang tanang mahimo aron pagtabang sa mga Pilipino nga nawad-an sa ilang mga trabaho sa Sabah. (GCC/PCOO /PIA9-Pagadian City)
