Ni Claro A. Lanipa
PAGADIAN CITY, 18 Feb (PIA) – Masaligong gipadayag sa Malakanyang nga ang Commission on Elections
(COMELEC) mahimong mopatuman sa mando niini aron sa pagpahigayon sa luwas ug malinawong
nasyonal ug lokal nga piniliay karong bulan sa Mayo.
Sa usa ka interview sa dzRB Radio ng Bayan, si Deputy
Presidential Spokesperson Abigail Valte miingon ang COMELEC mao ang bugtong
constitutional body nga adunay takus sa pagpatuman niining mando.
“Niining higayona naglaom kita nga makapatuman sa
COMELEC ang ilang mando alang sa luwas ug malinawong piniliay sa Mayo ug ato
kining gibilin kanila kon unsaon nila sa pagpatuman sa mando sa pinaka maayong
pamaagi, miingon si Valte.
“Mao kini ang atong gilaoman mahitabo ug ang publiko
diha kanila : himoon nila ang tanan nga posible aron maseguro sa hapsay ug
limpyo nga eleksyon sa Mayo,” dugtong pa niya.
Ang COMELEC, pinaagi sa Chairman niini nga si Sixto
Brillantes, mihatag sa kasegurohan nga ang pagpahigayon sa automated elections
karong Mayo, base kini sa taho sa Technical Evaluation Committee (TEC), nga gitahasan sa Akta Republika 9369 aron sa
pagsusi ug sa pagmatuud kon ang sistema sa automated election, gipanghimatuud
pinaagi sa mock polls nga gipahigayon sa 20 ka mga voting centers sa napulo ka
mga dapit sa nasud.
Ang TEC gilangkoban sa COMELEC, Department of Science
and Technology (DOST) ug ang Commission on Information and Communications
Technology. (PCOO/CAL/PIA9)