Kagamhanang Aquino nag-awhag sa mga stakeholders nga mohimo ug dayalogo sa DOJ aron pagsulbad sa mga suliran sa bag-o nga nahimo nga balaod nga Cybercrime Prevention Act of 2012

Ni Gideon C. Corgue

PAGADIAN CITY, October 4 (PIA) – Ang administrasyong Aquino miawhag  sa mga hingtungdan nga stakeholders nga mohimo ug panagdayalogo uban sa Department of Justice (DOJ) aron pagsulbad sa ilang mga suliran sanglit ang proseso paghimo sa Implementing Rules and Regulations (IRR) sa bag- nga nahimo nga balaod nga  Cybercrime Prevention Act of 2012 gitrabaho.

"Sa samang higayon kita nagtuo nga adunay kahigayonan sa panagsultihanay tali sa mga stakeholders ug Department of Justice. Atong giawhag ang hingpit nga pagsalmot ning maong proseso," si Presidential Spokesperson Edwin Lacierda nagkanayon sa iyang pamahayag atol regular press briefing sa Malakanyang ning Miyerkoles.

Si Lacierda ang subli nga mipahibalo sa baruganan sa administrasyong Aquino pagsunod sa civil liberties nga gimando sa batakang balaod isip tubag sa pag-angkon sa mga tigsaway ug sa pipila ka mga tawo kinsa mipangutana sa legalidad sa pipaila ka mga probisyon sa bag-o nga balaod.

"Ang atong batakang balaod tataw nga naghatag gibug-aton sa kagawasan sa civil liberties nga gihatag sa mga tawo. Sanglit ang balaod ang mga probisyon niiini wala gihilabtan o gikunhuran sa bisan unsa nga balaod nga ipasa ngadto sa Kongreso," matud pa ni Lacierda. 

"Ang administrasyon lig-on nga nagpatuman ning mga kagawasan nga atong gipahimuslan ug  gihatagan ug gibug-aton sa atong mga tawo. Sumala sa gipahayag sa Presidente ning nakalabay nga Septyembre 27, ang panagbaylo sa mga panahum mao ang sumbanan sa demokrasya nga nag-awhag sa mga wala makauyon nga dili modaugdaug sa uban," matud pa ni Lacierda.

Ang Cybercrime Prevention Act kinsa gihimo nga balaod sa Kongreso aron pagsulbad sa mga lehitimo nga mga suliran mahitungod sa criminal behavior sa Internet ug ang mga  epekto sa abusado nga batasan sa tawo, matud pa ni Lacierda.

Si Lacierda ang mitumbok nga walay buhatan sa  kagamhanan nga mokutlo sa access sa internet sa  matag-usa o mopugong sa civil liberties nga gihimo online."

"Gani ang nahitabo mao nga ang mga hackers kinsa miangkon nga mga tigsaway sa Cybercrime Act mao ang mihimo sa online vandalism, miputol sa dako nga access sa katawhan sa mga gikinahanglan nga impormasyon ug mga serbisyo online," matud pa niya.

Si Lacierda nanawagan sa mga kritiko nga ang Cybercrime Act ang mopadayag batok sa online vandalism sanlgit sila ang mipadayag sa ilang pagsupak sa mga probisyon sa balaod.  (GCC/PCOO/PIA9-ZamboSur)