“Ang administrasyon miduyog sa international community pagtanyag sa halawom nga pagsimpatiya sa mga namatyan sa ilang mga minahal sa pagbomba sa Boston Marathon,” si Deputy Presidential Spokesperson Abigail Valte nagkanayon sa iyang pamahayag.
“Ning taknaa, ubay-ubay ang gitambalan sa ilang mga samad diin pipila kanila ang anaa sa malisod nga kahimtang. Atong gitanyag ang atong mga pag-ampo alang sa ilang recovery,” dugtong pa niya.
Naalinggatan ni Valte nga ang Boston Marathon usa ka tinuig nga kasaulugan sa tawhanon nga diwa, mahigalaon nga panagtigi ug selebrasyon sa komunidad.”
“Atong gikondenar ang maisugon nga mihimo ning maong pagpabuto sa bomba kinsa nagdulot sa pagkamatay ug pag-antos sa dakbayan sa Boston ug ang kinatibuk-an nga Estados Unidos,” dugtong pa niya.
Si Valte nagkanayon nga ang Presidente linawas nga mihatag sa iyang mensahe sa halawom nga pagsimpatiya, pagpakabana, ug panaghiusa uban sa mga katawhan sa Boston diin siya ug ang iyang pamilya ang nagtago panahon sa Martial Law.
“Ang Boston usa ka dakbayan sa kaisog, pagbukas ug kagawasan: Kining trahedya dili makausab sa mahinungdanon nga kamatuoran ug ang mga punto sa garbo alang ning maong maanindot nga dakbayan,” si Valte nagtapos sa iyang pamahayag. (GCC/PCOO /PIA9-Pagadian City)
