Presidente Aquino miawhag sa Bangsamoro Transition Commission pagpadali pagpanday sa Bangsamoro Basic Law

By Gideon C. Corgue

PAGADIAN CITY, January 31 (PIA) –- Si Presidente Benigno Aquino III ning Huwebes miawhag sa Bangsamoro Transition Commission (BTC) pagpanday sa Bangsamoro Basic Law aron nga kini ang maaprobahan ug mapatuman sa tukma nga panahon alang sa 2016 elections.

Ang Presidente nakigtagbo sa mga ginsakpan sa BTC sa Malacañang Palace ning Huwebes, si Presidential Adviser on the Peace Process Teresita Deles nagkanayon.

"Ang Presidente miawhag sa BTC pagpadali pagpanday sa draft Bangsamoro basic law (BBL) aron pagseguro nga kini ang maduso ug maaprobahan sa tukma nga panahon aron paghingpit sa tahas sa transition nga ipahaum sa 2016 elections," matud pa ni Deles.

Dugtong pa niya ang Presidente mihatag gibug-aton sa BTC nga transparent ug mapadangat ang tanang mga hingtundang sektor lakip na ang mga misupak sa bag-o nga political entity.

Ingon man si Presidente Aquino mihatag kaseguruhan sa commission sa nasudnong kagamhanan nga hingpit nga suportang teknikal ug political, giya ug tambag, ingon man ang budget.

Matud pa ni Deles nga ang Presidente miingon kaniya nga siya ang mogahin sa iyang panahon isip gikinahanglan.

Iyang gihubit ang palibot sa panagtigum ning Huwebes nga relax," diin ang BTC mihatag update sa Presidente sa trabaho nga ilang gihimo ug mga suliran nga ilang giatubang.

Ang BTC gimugna niadtong Desyembre 2012 aron nga maoy mopanday sa Bangsamoro Basic Law nga mohatag agianan alang sa katukuran sa Bangsamoro region sa 2016.

Kini ang adunay 15 ka mga miyembro nga gipili sa Presidente, walo niini ang girekomenda sa Moro Islamic Liberation Front ug pito ang girekomenda sa kagamhanan. (GCC/PCOO/PIA9-Pagadian City) 

Presidente Aquino nanghingusog nga makab-ot ang solusyon sa visa sanction sa Hongkong

By Gideon C. Corgue

PAGADIAN CITY, January 30 (PIA) –- Ang Malakanyang ning Huwebes mihatag kaseguruhan nga ang nasudnong kagamhanan nagpadayon pagpaningkamot pagkab-ot sa solusyon mahitungod sa sanction sa visa sa Hongkong alang sa mga diplomats ug officials sa Pilipinas.

Ang Hongkong sagad nga nagtugot sa visa-free entry hangtud nga ipahibalo ang sanction ning nakalabay nga Miyerkoles.

Ang maong lakang gihimo sa Hongkong isip resulta sa wala pa masulbad nga panagbangi sa duha ka mga nasud humans a Manila bus hostage taking incident sa 2010 nga miresulta sa kamatayon sa 8 nga Hongkong residents.

Ang Department of Foreign Affairs (DFA) mopakanaog pa sa opisyal nga pamahayag kalabot sa maong panghitabo apan ang Malakanyang nagpadangat na sa iyang reactions.

Si Presidential Communciations Operations Office Secretary Herminio Coloma Jr. sa briefing sa Palasyo nagkanayon nga ang visa sanction ang dili hingpit nga makaapekto sa mga Pilipino sa Hongkong.

“Ang visa sanction lang adunay limitado nga epekto. Ang atong mga overseas Filipino workers sa Hongkong dili lamang naghupot sa diplomatic kon official passports, si Coloma nagkanayon.

Ang sanction sa Hongkong ang nag-require ug visa entry alang sa mga diplomats ug officials, samtang ang mga ordinary nga Pilipino ang gawasnon pa sa gihapon nga makabiyahe sa Hongkong nga walay visa. (GCC/PNA /PIA9-Pagadian City) 

Presidente Aquino mipahayag nga ang pagbalik sa silot sa kamatayon gikinahanglan ug dugang pagtuon

By Gideon C. Corgue

PAGADIAN CITY, January 29 (PIA) –- Bisan pa man sa mga pagsabot sa nag-uswag nga kriminalidad, ang kagamhanan gikinahanglan ug makuting pagtuon sa mga plano pagbalik sa silot sa kamatayon, si Presidente Benigno Aquino III nagkanayon ning Miyerkoles.

Sa interview sa media sa dakbayan sa Muntinlupa, ang President e nagpadayag sa iyang pagpakabana nga ang tawo nga mahukman sa kamatayon dili makapahimulos sa tanang mga kahigayonan pagmatuod  sa iyang pagkawala’y sala tungod sa kakulangon sa ssistema sa hustisya.

" Ang pangutana, nahatag ba ang tanan niya nga mga katungod nga mapanalipdan ang iyang kaugalingon sa korte? Makaseguro ba kita nga ang dili mahukman nga sad-an? Subo palandongon, apan kana ang lihokonon pa," matud pa niya.

"Hangtud nga dili kita makaseguro nga nahatagan tanan sa hingpit nga katungod aron nga panalipdan ang iyang kaugalingon,kung kita ang mahukman sa kamatayon , dili na pwede nga bakwion kini," dugtong pa niya.

Ang Presidente nakaalingat nga ang Public Attorney's Office gibahaan sa mga daghang trabaho ug walay panahon kon kahinguhaan nga marepaso ang kaso sa tawong napahamtangan sa sala.

Usa ka balaodnon ang gipasaka sa Senado aron pagpabalik sa silot sa kamatayon bisan pa man sa mga serye sa kasamtangan nga high-profile heinous crimes.

"Sa akong pagtuo, gikinahanglan nga tun-an pag-ayo kini,"matud pa ni  Presidente Aquino.

Sa pikas nga bahin, ang Presidente nagkanayon nga ang silot sa kamatayon ang dili lamang nga makapahadlok sa krimen sanglit ang pagdakop ug ang pagsilot ang makahimo sa mga tawo nga maghunahuna sa makaduhang higayon sa dili pa mohimo sa krimen. (GCC/PCOO /PIA9-Pagadian City) 

Bisan pa sa kagubot uban sa breakaway group, ang Palasyo malaumon nga walay seryoso nga pagkabalda sa proseso sa kalinaw

By Gideon C. Corgue

PAGADIAN CITY, January 28 (PIA) –- Bisan pa man sa gikataho nga kasamtangan nga kagubot nga nahitabo tali sa tropa sa kagamhanan ug breakaway secessionist rebels, ang Malakanyang ning Martes nagpadayag sa iyang paglaum nga walay seryoso nga pagkabalda sa proseso sa kalinaw.

Si Presidential Communications Operations Office head Herminio Coloma Jr. nagkanayon nga sa nakalabay nga semana nga kagubot isip kabahin sa paningkamot aron paghatag kaseguruhan sa Moro Islamic Liberation Front communities gikan sa Bangsamoro Islamic Freedom Fighters.

"Ang kagamhanan malaumon nga uban pagsuporta sa katawhan walay seryoso nga pagkabalda sa proseso sa kalinaw sanglit kini ang hapit na nga hingpit nga magbunga," si Coloma nagkanayon sa media briefing.

Sa nakalabay nga Sabado, ang kagamhanan sa Pilipinas ug ang MILF mitimaan sa upat ka mga annexes nga mohatag agianan alang sa komprehensibo nga kasabutan sa kalinaw.

Si Coloma miingon nga sa online news reports sa nakalabay nga semana nagtumbok sa BIFF spokesperson nga nagkanayon nga ang splinter group dili mosabotahe sa proseso sa kalinaw.

Samtang sa pikas nga bahin, si Coloma subli mipahayag nga ang kagamhanan nagpabilin nga bukas sa iyang inputs gikan sa uban nga mga grupo sama sa Moro National Liberation Front alang sa draft bill sa Bangsamoro basic law.

"Ang panglantaw sa kagamhanan nga mahilakip ang tanan ning maong proseso," matud pa niya. (GCC/PCOO /PIA9-Pagadian City) 

Palasyo bukas sa sugyot nga ubos sa FOI Bill ang kita sa usa ka opisyal ipahayag sa hingpit

Ni Claro A. Lanipa

PAGADIAN CITY, Jan 28 (PIA) – Gipahayag sa Malakanyang karong adlawa (Martes) nga bukas kini sa mga sugyot nga ang Freedom of Information (FOI) Bill nga sa pagka-karon nagpadayon ang deliberasyon sa Kongreso pagalangkoban sa usa ka amendment nga magpilit sa mga opisyales sa kagamhanan nga ipahayag ang ilang kita ug aron mahibaw-an usab kon pila gayud ang ilang kita.

Si Senador Miriam Defensor-Santiago nagduso sa usa ka amendment ngadto sa FOI Bill nga nagmando sa tanang opisyales sa kagamhanan nga ipadayag ang tanang tinubdan sa iyang kita.

Sa usa ka press briefing sa Malakanyang si Presidential Communications and Operation Office Secretary Herminio Coloma, Jr. miingon ang kagamhanan naghulat sa desisyon sa mga mambabalaod niining sugyot ug mopatuman niini. 

“Atong hulaton ang pagpasar sa Senate Committee on Public Information ug ang katimbang niini sa Kamara. Hulaton nato ang kinatibuk’ang balaod tungod ang pagpanday sa maong balaod gihatagan unang pagtagad sa mga mambabalaod,” miingon si Coloma.

Atong hatagan tukmang panahon ang atong mga mambabalaod aron sundon ang mga aspeto sa balaod,” dugtong  pa ni Coloma. (CAL/PCOO/PIA9)

CSC mopahigayon ug pasulit alang sa career service sa 2014

Ni Claro A. Lanipa

PAGADIAN CITY, Jan 27 (PIA) – Ang Civil Service Commission (CSC) nagpahibalo sa schedule sa mga pasulit sa 2014.

Ang Career Service Examination – Paper and Pencil Test (CSE-PPT) alang sa Professional ug Sub-Professional levels gitakda pagahimoon sa Abril 6 ug Oktubre 26.

Filipino citizens kinsa dili mominus sa 18 anos ang pang-edaron, walay sapayan kon unsay nakab’ot nga edukasyon mahimong mokuha sa CSE-PPT.

Ang CSC motugot sa usa ka indibiduwal aron mokuha sa susamang ang-ang sa pasulit bisan makapila na siya napakyas. Apan, ang susamang ang-ang sa pasulit dili mahimong mokuha ug balik sulod sa tulo ka mga bulan. Kining tulo ka bulan nga lagda wala’y labot ang mga aplikante kinsa nangandoy nga mokuha sa lain ang-ang sa pasulit gawas sa gikuha niya kanhi.

Mga interesadong aplikante alang sa maong pasulit mahimong mosubmitir sa ilang application sa CSC Regional o Field Office  hangtod Pebrero 20, 2014. (CAL/PCOO/PIA9)

Palasyo mipahayag nga gipatuman ang reporma sa GOCC system aron pugngan ang mga bonus sa executives nga modako pag-ayo

By Gideon C. Corgue

PAGADIAN CITY, January 23 (PIA) –- Ang Malakanyang ning Miyerkoles mihatag kaseguruhan sa katawhan nga ang mga reporma sa kalagdaan pagpadagan sa government-owned and controlled corporations (GOCCs) makapugong sa mga bonus ug uban pang mga insentibo sa mga ehekuthbo sa GOCC nga modako pag-ayo.

Si Presidential spokesman Edwin Lacierda nagkanayon nga ang GOCCs ang dayag na kaayo sanglit sila ang gimandoan paglista sa detalye sa mga bonus nga gihatag sa mga opsiyal sa ilang websites.

"Kung imong ikmupara ilawom sa kanhi administrasyon, ang pinakadako nga imong makuha mao ang gikan sa  P1.8 ngadto sa P13.5 milyones. Ilawom ning maong administrasyon, ang balaod sa GCG (Governance Commission for GOCCs) ang pinakadako nga  incentive mao lamang ang  P3 milyones," si Lacierda nagkanayon sa media briefing.

Dugtong pa niya nga ang GCG nagpadayon pagpalambo sa iyang reglamento tubay sa impormasyon ug mga reklamo gikan sa katawhan.

Giingon pa niya nga ang gipanag-iyahan nga website sa GCG makahatag sa publiko ug panahum sa incentives ug bonuses nga madawat sa GOCC executives.

"Dili sekreto sa katawhan ning tanan nga gimantala nga mga bonus ug incentives. Adunay kitay basehan kung pila ang madawat sa matag-director," matud pa niya. (GCC/PCOO/PIA,Pagadian City) 

Kagamhang Aquino migahin sa ug P1.4 trilyones alang sa pagpauswag sa kinabuhi sa mga Pilipinos, matud pa ni Coloma

By Gideon C. Corgue

PAGADIAN CITY, January 22 (PIA) –- Ang kagamhanang Aquino aktibo nga naghimo ug mga lakang aron pagpalambo sa kinabuhi sa mga Pilipino pinaagi sa pagmugna ug ekonomikanhon nga mga oportunidad alang sa mga Pilipinos pinaagi paggahin sobra sa P1.4 trilyones alang sa social ug economic services niining tuiga nga nasudnong budget, si Presidential Communications Operations Office Secretary Herminio “Sonny” B. Coloma Jr. nagkanayon.

Matud pa ni Coloma sa regular press briefing sa Malakanyang ning Martes nga ang kagamhanan nagsugod paghimo ug mga lakang aron pagsulbad sa mga suliran nga gipaabot sa pinakabag-o nga survey sa Pulse Asia Research.

Sa 2014 national budget nagahin ug pundo alang sa social ug economic services sa tinguha nga mapalambo ang kinatibuk-an nga kaledad sa kinabuhi sa mga Pilipino, ang Communications Secretary nagkanayon.

"Ang kantidad nagrepresentar sa 63.4 porsiyento sa kinatibuk-an nga P2.265 trilyones nga budget nga naglakip sa P62.6 bilyones alang sa Conditional Cash Transfer program, ang P35.3 bilyones alang sa National Health Insurance Program ug ang P10.7 bilyones alang sa technical support services para sa mga mag-uuma," matud pa niya.

Si Coloma nagkanayon nga ang budget ning tuiga naglakip sa P100 bilyones alang paggahin sa Rehabilitation ug Reconstruction sa mga komunidad nga naapektuhan sa linog sa Bohol ug bagyong Yolanda sa Visayas region nga nakatala sa pinakadako nga kausaban sa pagsabot sa mga Pilipino nga gi-interview sa Pulse Asia sa kaledad sa kinabhi atol sa katapusang quarter sa tuig 2013. (GCC/PCOO/PIA,Pagadian City) 

Palasyo mipahayag nga ang open data initiative nagpadayag nga ang administrasyong Aquino walay sekretong gitago sa publiko

By Gideon C. Corgue

PAGADIAN CITY, January 21 (PIA) –- Ang pagtukod ug website nga nagtanyag sa "open data" mao ang dugang ebidensya nga ang administrasyong Aquino wala nagtago ug sekreto gikan sa katawhang Pilipino, matud pa sa Malakanyang ning Lunes.

Si Presidential spokesman Edwin Lacierda nagkanayon nga ang executive branch nagpakita sa tanang datus aron nga ang publiko maka-analyze niini ug makagamit niini pagsulbad sa ilang mga problema.

"Wala kita mahadlok sa bisan unsa nga mga sekreto. Kita ang bukas kaayo niini. Mao kini ang administrasyon diin kamo ang makakita sa gidaghanon sa mga kasayuran nga mogawas, ang PDAF (Priority Development Assistance Fund) ug ang DAP (Disbursement Acceleration Program), ang tanang mga nasudnong suliran, dili kita maulaw nga mopakita niini sa katawhan nga publiko ug wala kita nagtago sa mga kasayuran nga ang publiko angay nga masayud," si Lacierda nagkanayon sa media briefing.

Apan mahitungod sa Freedom of Information bill, si Lacierda nagkanayon nga adunay mga suliran sa legislative branch nga angay nga susihon una.

Dugtong pa niya nga si Presidente Benigno Aquino III maampingon nga mogamit sa iyang gahum lakip na ang certification sa mga balaodnon nga gipakasama nga dinalian.

"Sama kang Secretary (Herminio Jr.) Coloma sa Presidential Communications Operations Office miingon nga ang Presidente maampingon sa iyang gahum pagdeklarar sa balaodnon nga mahinungdanon," matud pa ni Lacierda.

Samtang, si Lacierda miawhag sa mga hackers nga dili mo- attack sa Open Data website kinsa iyang giingon nga usa ka lakang ngadto sa transparency.

"Atong giawhag kadtong buot nga motangtang sa Open Data Philippines kinsa kini usa ka lakang ngadto sa transparency ug accountability. Unta dili nila kini himoon," matud pa niya. (GCC/PCOO/PIA,Pagadian City) 

Palasyo mipahayag nga ang National Day of Prayer alang sa mga biktima sa bag-o nga kalamidad, dili paghinumdum sa EDSA-2

By Gideon C. Corgue

PAGADIAN CITY, January 20 (PIA) –- Ang National Day of Prayer nga pagahimoon karong adlawa Lunes alang sa mga biktima sa kalamidad ug dili paghinumdum sa EDSA-2 revolt nga naghatag gahum ni kanhi  Bise Presidente Gloria Arroyo sa pagka-Presidente sa 2001, pahayag sa Malakanyang ning Domingo.

Si Presidential Communications Operations Office Secretary Herminio “Sonny” Coloma Jr. nagkanayon nga ang petsa sa pag-ampo ug ang anniversary sa EDSA-2 ang tsamba lamang.

"Tataw nga walay kalabutan pagpahigayon sa adlaw sa pag-ampo. Nahimutang nga ang petsa nga napili sa okasyon," matud pa ni Coloma sa interview sa dzRB Radyo ng Bayan.

Ning Lunes, si Presidente Benigno S. Aquino III mangulo sa nasud pagtanyag sa mga pag-ampo alang sa mga biktima sa nakalabay nga tuig nga mga katalagman.

Kini ang nalakip sa napakyas nga pag-atake sa dakbayan sa Zamboanga niadtong Septyembre, ang makusog nga linog nga 7.2 nga gikusgon sa Central Visayas niadtong Oktubre, ug ang makusog nga bagyong Yolanda (Haiyan) niadtong Nobyembre.

Si Coloma nagkanayon nga ang mga nagkalain-laing relihiyosong grupo ingon man ang mga biktima sa tulo ka mga katalagman ang nagrepresentar sa pag-ampo ning Lunes sa Palasyo.

Ang national ug local government officials ingon man ang mga biktima sa bag-o nga kalamidad ang gidapit usab sa maong kalihokan, dugtong pa niya.

Dugtong pa, si Coloma mipahayag nga ang kalihokan ning Lunes nangayo ug balaanon nga panalangin alang sa Pilipinas. (GCC/PCOO/PIA,Pagadian City) 

Presidente Aquino nagbantay sa kahimtang sa baha sa Mindanao, matud pa sa opisyal

By Gideon C. Corgue

PAGADIAN CITY, January 18 (PIA) –- Si Presidente Benigno S. Aquino III mimando sa mga ahensya sa kagamhanan pagseguro nga ang mga komunidad nga naapektuhan sa baha sa Agusan region makadawat ug tabang nga ilang mga gikinahanglan, ang opisyal sa Palasyo nagkanayon ning Biyernes.

“Una niini, ang iyang mando mao ang pagseguro nga sila ang makadawat ug tukma nga tabang,” si Deputy presidential spokesperson Abigail Valte nagkanayon sa press briefing sa Malakanyang ning Biyernes.

Matud pa ni Valte nga ang Presidente mipakanaog ug mando bisan sa panahon pa sa low pressure area sa rehiyon ang wala ma-upgrade sa pagka-bagyo. 

Ang mga forecasters mitao nga ang LPA nahimo Tropical Depression nga  Agaton ning Biyernes.

“Sa LPA pa kini, naghatag na ang Presidente ug mando sa NDRRMC nga motrabaho uban sa local DRRMCs aron pagseguro nga ang tukma nga hinabang teknikal ang mahatag kung gipangayo,” matud pa ni Valte.

Gitaho nga adunay daghan mga tawo ang namakwit gikan sa pagsaka sa tubig sa Agusan River sa Mindanao sa nakalabay nga 24 ka oras.

Ang mga namakwit temporaryo nga nangita ug kapasilongan sa mga tulunghaan ug mga edepesyo sa kagamhanan sa Agusan region, matud pa sa mga taho.

Ang mga weather forecasters sayo pa niini mitaho nga ang LPA mamahimo nga hingpit nga bagyo ug gilauman nga maoy hinungdan sa makusog nga mga pag-ulan sa  Mindanao. (GCC/PCOO/PIA,Pagadian City) 

DepEd mopahigayon ‘early registration’ sa Enero 25

Ni Claro A. Lanipa

PAGADIAN CITY, Enero 16 (PIA) – Ang Departamento sa Edukasyon (DepEd) mopahigayon karong umaabot nga Enero 25, 2014 adlaw’ng Sabado sa ‘early registration’ sa tanang pampublikong tulunghaan sa elementarya ug sekondarya sa tibuok nasud.

Usa sa tumong sa DepEd Order No. 2 s 2014 mao sa pagkuha sa kasayuran aron maoy himoon basehanan sa pagpangandam niini sa pagtubag sa mga posibleng mga kakulangon sa dili pa ang regular enrolment.

“Gusto nato likayan sa mga problema sa pagbukas sa bag-ong tuig tingtungha nga magsugod sa bulan sa Junyo,” gipasabot ni Education Secretary Br Armin Luistro.

“Kon ang atong mga school heads masayud kon pila gayud ka mga kabataan motungha sa dili pa mobukas ang klase, maka-andam sila sa mas maayo ang mga classrooms, lingkuranan ug ubang mga kinahanglon sa pagtoon,” dugang pa ni Luistro.

Ang unang tumong sa early registration mao ang tanang lima ka tuig  maseguro nga ma-enroll sa kindergarten ug tanang unom ka tuig sa Grade 1  pag-abot sa Junyo.

Ang laing gipunting sa early registration mao ang out-of-school children (OSC) ug out-of-school youth (OSY) gikan sa disadvantaged groups, lakip and mga street children nga gipang-edaran sa 5 hangtod 18 ka tuig.

Kining mga gipunting magtotoon pagahatagan sa ilang tukmang sistema sa edukasyon nga mahimong pormal pinaagi sa alternative delivery mode (ADM) o pinaagi sa alternative learning system (ALS).

Aron maseguro ang paglambigit sa tanan, ang DepEd mohangyo’g tabang sa mga opisyales lokal sa barangay alang sa early registration sa OSC, OSY, kadtong adunay kabilingan sa pagtoon, ug mga indigenous peoples kon IPs.

Niining early registration ang DepEd molihok sa hingpit uban sa mga LGUs,  Parent-Teachers Associations, opisyales sa barangay, civil society groups, civic organizations ug ang business sector aron maseguro sa halapad paglambigit sa lain-laing sekta sa maong pagbansay.

“Ang atong hiniusang tumong mao ang hapsay pagbukas sa klase karong Junyo, mao kini ang hinungdan nga nag-andam kita sa sayong panahon,” miingon si Luistro. (PCOO/CAL/PIA9)

PCW milansad ug film making contest alang sa 2014 Women’s Month

Ni Claro A. Lanipa

PAGADIAN CITY, Jan 16 (PIA) – Gilansad ning bag-o lang sa Philippine Commission on Women (PCW) ang usa ka film making contest alang kini sa umaabot nga kasaulogan sa Women’s Month ning tuiga.

Ang maong contest bukas alang sa tanang mga tinun-an sa kolehiyo sa tibuok nasud aron mopasundayag sa ilang talagsaong kahanas o abilidad sa paghimo ug pelikula.

Ang short film making contest, gisugdan niadtong Enero 10 hangtod Pebrero 21, nga gitumong sa pagpataas sa kasayuran sa publiko mahitungod sa mga isyu sa mga kababaihan. Mopunting kini sa importanteng papel sa mga kababaihan sa pagtubag panahon sa mga kaguliang o kalamidad, media, kalinaw ug kahusay, politika ug pangagamhanan, ug reproductive health.

Ang mga mosalmot kon entries kinahanglan mohulagway sa mga isyu ug hagit nga gi-atubang sa mga kababaihan sa nahisgutang mga kategoriya ug kinahanglan mopakita gayud sa katungod ug papel sa kababaihan sa pagtubag niining mga isyu sumala sa Magna Carta of Women (R.A. 9710).

Mga interesadong grupo mahimong mosalmot sa lima ka mga kategoriya.

Video entries kinahanglan orihinal ug wala pa namantala, gi-record o gipagawas kanhi.

Alang sa kompleto mga kasuyuran sa maong contest mahimong moadto sa PCW website (http://bit.ly/1dLhK64)

Kon adunay mga pangutana mahitungod sa maong contest, mahimong motawag sa Information Resource Management Division (IRMD) sa 735- 1654 local 131 o kaha sa 735-8509 o email irmd@pcw.gov.ph. Like us sa Facebook sa www.facebook.com/philippine.commissiononwomen. (PCOO/CAL/PIA9)

Kagamhanan matinud-anon nga nagpatuman sa long-term anti-poverty interventions, matud pa ni Presidente Aquino

By Gideon C. Corgue

PAGADIAN CITY, January 15 (PIA) –- Ang kagamhanan nagpunting sa long-term interventions aron pagsulbad sa kawad-on sa nasud ilabi na pinaagi sa conditional cash-transfer program (CCT), si Presidente Benigno S. Aquino III  nagkanayon ning Martes.

Sa interview human sa  groundbreaking rites sa First Gen nga bag-o nga power facility sa Batangas, ang Presidente gipangutana mahitungod sa bag-o nga survey nga nagpakita pag-uswag sa pamilyang Pilipino nga mga kabus.

“Sa akong pangagpas kinahanglan nga atong ipunting ang atong pagtan-aw sa tanan natong mga intervention ug dili lang ang temporaryo kon dili ang malahutayon nga kasulbaran,” matud pa niya atol sa interview.

“Unsa ba ang pangpalahutay? Ang CCT. Atong tabangan ang matagpamilya  nga makapahuman sa ilang mga anak, kanhi grade school, karong tuiga magsugod na lakip na ang high school,” matud pa niya.

Nagtabang sa mga batan-on nga graduate gikan sa high school mao ang usa ka long-term anti-poverty intervention, matud pa sa Presidente.

Nagtumbok sa pagtuon nga gihimo sa Philippine Institute for Development Studies (PIDS), ang Presidente nagkanayon nga ang mga batan-on nga nakatapos sa high school makapangita ug trabaho nga hinay-hinay abot sa pamilya.

Ang Presidente nagkanayon usab nga ang survey ang nagpunting lamang sa pagpanguta sa mga respondents sa Visayas ug Mindanao regions nga gigusbat sa bag-o nga kalamidad mao nga negatibo nga nakaapekta sa ilang mga panahom sa ilang kahimtang. (GCC/PCOO/PIA,Pagadian City) 

Palasyo mipahayag nga ang foreign tourists' arrivals nagpakita nga paspas nga recovery sa Bohol

By Gideon C. Corgue

PAGADIAN CITY, January 14 (PIA) –- Ang paghidangat ning tuiga sa Bohol sa mga langyaw nga turista mao ang timailhan sa nagpadayon nga recovery sa lalawigan gikan sa nakalabay nga Oktubre sa gikusgon nga7.2 nga linog, ang Malakanyang nagkanayon ning Domingo.

Si Presidential Communications Operations Office Secretary Herminio “Sonny” Coloma Jr. nagkanayon nga ang katawhan moabiba ning maong kalamboan sanglit kini ang nagpakita sa kusog sa mga katawhan sa Bohol.

"Dapat ikalipay sa nasud ang paspas nga pagbangon ug pagkalig-on sa lalawigan sa Bohol gikan sa makusog nga linog nga mitay-og niadtong nakalabay nga Oktubre," si Coloma nagkanayon sa interview sa dzRB Radyo ng Bayan.

Sa nakalabay nga Oktubre 15, usa ka makusog nga 7.2 nga linog ang migusbat sa Central Visayas nga nakaguba sa daghan nga mga simbahan sa Bohol nga gipakisama nga heritage sites.

Si Coloma mitumbok sa kasayuran gikan ni  Governor Edgar Chatto nga nagpakita sa mga langyaw nga mga bakasyonista ning bag-o pa lang nga nahidangat sa Bohol sakay sa MS Europa II gikan sa Hong Kong.

"Matud pa ni Gobernador Chatto, aduna pay uban nga cruise ship pa ang nakatakdang moduaw sa lalawigan isip kabahin sa padayon nga paglig-on sa nasangpit nga dapit. Mao nga atong gihimo nga paspas nga pagbangon ug paglig-on sa komunidad nga naguba sa nakalbay nga kalamidad," matud pa niya.

Samtang sa pikas nga bahin, si Coloma mipahayag nga ang Palasyo nagpasalamat sa diwa sa panaghiusa sa lungsod sa Dulag, lalwigan sa Leyte diin ang mga mulupyo nagbangon bisan pa sa nasinati nga makusog nga bagyong Yolanda (Haiyan).

Matud pa niya nga ang mga paningkamot nga gihimo Dr. Marie Ann Corsino nakatabang sa 79 nga mga pamilya pagtukod ug balik sa ilang panimalay tubay sa ilang rehabilitation work nga nakaani ug pagtahud sa United Nations Development Programme. (GCC/PCOO/PIA,Pagadian City) 

Palasyo mipahayag nga gibantayan pag-ayo ang Conditional Cash Transfer program

By Gideon C. Corgue

PAGADIAN CITY, January 13 (PIA) –- Ang Malakanyang ning Domingo mihatag kaseguruhan sa publiko nga dugang pagbantay ang gihimo sa Conditional Cash Transfer (CCT) program sa kagamhanan alang sa mga kabus nga pamilya.

Si Presidential Communications Operations Office Secretary Herminio “Sonny” Coloma Jr. nagkanayon nga kini ang naglakip sa pagsagop sa biometric system alang sa CCT aron pagseguro nga ang tabang mahiadto sa mga angay nga modawat.

"Mogamit kita sa biometrics aron seguruhon nga adunay dungog ang pagdawat nila sa mga benepisyo," matud pa ni Coloma sa interview sa Radyo.

"Busa atong gitarong pagpatuman ning maong balaod. Angay nato sabton nga kini ang mosakop dul-an sa upat ka milyon nga pamilya, ug ning maong mga pamilya makuting gitun-an ang ilang kahimtang aron aduna kitay identity system, dugtong pa niya.

Sa kasamtangan, matud pa niya nga nagdepende sa Department of Social Welfare and Development (DSWD) nga mosulbad sa mga suliran nga gipadangat sa Commission on Audit.

Matud pa ang DSWD aduna nay 7,782 household beneficiaries nga nawala gikan sa listahan sa mga beneficiaries nga gitumbok sa Commission on Audit 2012 report on Official Development Assistance Programs and Projects.

"Atong ipadayon ang pagpatuman ang conditional cash transfer program nga kabahin sa Pantawid Pamilyang Pilipino Program nga usa ka mahinungdanon nga programa sa administrasyong Aquino tungod kay mao kini ang nanag-una nga prayoridad sa atong kagamhanan nga naghulagway sa pinakadako nga porsyento nga gigugol sa nasudnong budget ug naghatag kaayuhan sa mga nanginhanglan nga pamilya," matud pa ni Coloma. (GCC/PCOO/PIA,Pagadian City) 

Kagamhanan naghimutad sa mga presyo sa dapit sa kalamidad aron panalipdan ang mga konsumante

By Gideon C. Corgue

PAGADIAN CITY, January 9 (PIA) –- Ang kagamhanan padayon nga naghimutad sa mga presyo sa pagkaon ug uban pang mga nanag-una nga palaleton aron panalipdan ang mga konsumante sa dili makatarunganon nga pag-uswag sa mga presyo ilabi na sa mga nagpuyo sa dapit sa kalamidad, ang opisyal sa palasyo nagkanayon ning Martes.

“Sa mga dapit nga naapektuhan sa kalamidad, ang kagamhanan nagpabalik sa linya sa mga sugang dagitab nga gigusbat sa bagyong Yolanda ug sa linog aron ipabilin ang mga presyo sa pagkaon ug hinay-hinay nga pagbalik niini sa mga pre-disaster levels,” si Communications Secretary Herminio “Sonny” Coloma Jr. nagkanayon sa iyang pamhayag ning Martes.

Si Coloma mitaho nga sumala sa naalingggatan sa National Economic and Development Authority (NEDA), ang presyo sa Desyembre hataas tungod sa paggasto niini sa panahon sa Pasko. 

“Busa ang NSO mitaho nga ang headline inflation sa tibuok nasud nag-uswag gikan sa 3.3 porsiyento sa Novebyembre 2013 ngadto sa 4.1 porsiyento sa Desyembre 2013,” matud pa niya.

“Sa mga dapit nga gawas sa NCR (lakip na ang Eastern ug Central Visayas), ang headline inflation mitaas ngadto sa 3.8 porsiyento sa Nobyembre sa  2013 ug 4.6 porsiyento sa Desyembre 2013.”

Iya usab nga gihatagan gibug-aton nga ang year-to-date headline inflation rate alang sa tibuok nasud gikan sa Desyembre 2013 mao ang 3 porsiyento kon ubos lang sa 3 ngadto sa 5 porsiyento nga annual inflation projections sa Development Budget Coordination Committee (DBCC) sa kagamhanan.

Sa press briefing ning Martes, si Coloma mipahayag nga ang Department of Trade and Industry (DTI), ug Department of Agriculture (DA) ingon man ang uban nga ahensya sa kagamhanan naghimutad aron nga mapugngan ang inflation.

Ang mga ahensya sa kagamhanan nagtuon karon sa mga dapit nga naapektuhan sa kalamidad aron mahibaloan kung aduna bay kakulangon sa mga raw materials ug kung ang transport cost kon komunikasyon ang nakaapekto sa mga presyo, matud pa ni Coloma. 
(GCC/PCOO/PIA,Pagadian City) 

Aquino mipahayag nga ang adminisitrasyon nagtrabaho pagpa-uswag sa mga kahigayonan alang sa mga Pilipino

By Gideon C. Corgue

PAGADIAN CITY, January 8 (PIA) –- Samtang ang popolasyon sa Pilipinas nagpadayon duol ngadto sa 100 milyones, si Presidente Benigno Aquino III nagkanayon nga ang iyang administrasyon nagtrabaho aron pagpa-uswag sa mga kahigayonan alang sa mga Pilipino pinaagi pagpunting sa edukasyon.

Sa iyang pakigpulong sa mga tinun-an sa high school sa Miriam College sa Malakanyang, ang Presidente mipahayag nga ang gipunting mao ang pagpauswag sa mga kahigayonan alang sa matag-usa aron paghimo sa kalamboan."

"Nagtuo kita nga ang edukasyon mao ang yawe, mohatag sa matag-usa sa kahigayonan nga makakat-on sa kahibalo nga makatrabaho," matud pa niya.

Dugtong pa sa presidente nga samtang ang ekonomiya nagtubo sa siyete porsiento matag-tuig, "gusto nato nga ang kalamboan padayon nga nagtubo."

Matud pa sa Presidente nga ilawom sa iyang administrasyon, ang Technical Education and Skills Development Authority nakapauswag sa average sa mga migradwar pagpangita ug trabaho.

Samtang 20 ngadto sa 26 porsiento lamang sa TESDA graduates ang nakahimo pagpangita ug trabaho sa nakalabay nga mga tuig, kini ang miambak ngadto sa 62 porsiento sa nakalabay nga tuig.

Iyang naalinggatan nga 85 porsiento sa mga graduates nakapangita na ug mga trabaho sa semiconductor industry samtang 77 porsiento ang nakakaplag ug mga trabaho sa Business Process Outsourcing industry.

Dugtong pa, ang Presidente nagkanayon nga ang iyang administrasyon nagsulay usab pagduol sa mga nomadic groups aron pagbutang sa mga magtutudlo sa mga dapit diin ang maong mga grupo nahimutang. (GCC/PCOO/PIA,Pagadian City) 

Palasyo mipahayag nga wala gi-legalize ang marijuana sa nasud

By Gideon C. Corgue

PAGADIAN CITY, January 3 (PIA) –- Kung ang Kongreso mo-usab sa balaod, ang Malakanyang wala nagtan-aw nga kini ang mohimo sama sa ubang mga nasud sa Estados Unidos pag-legalize paggamit sa marijuana bisan pa man paggamit niini nga himoong tambal.

Si Deputy presidential spokesperson Abigail Valte nagkanayon nga ang marijuana gipakisama nga usa ka ginadili nga substance ilawom sa Dangerous Drugs Act sa Pilipinas.

"Kini ang gidili ilawom sa Dangerous Drugs Act. Kini ang magpabilin hangtud nga ang Kongreso mousab niini," matud pa niya sa media briefing ning Biyernes.

Ang marijuana ning bag-o pa lang gi-legalize sa Colorado sa Estados Unidos.
Matud pa ni Valte nga samtang nagdepende sa Kongreso kung usbon ba ang kasamtangang balaod aron pag-legalize sa marijuana, ang substance magpadayon nga gidili dinhi sa nasud.

Apan sa pagkakaron, ang mga tigpatuman sa balaod sa Pilipinas magpadayon sa pagpatuman sa Dangerous Drugs Act nga wala nagtugot sa maong medesina.


"Sa kasamtangan, ang executive department nagpatuman sa nasangpit nga balaod," matud pa niya.  (GCC/PCOO/PIA,Pagadian City)