By Gideon C. Corgue
Sa iyang pakigpulong sa kasaulugan sa ika-71 ka tuig nga Araw ng Kagitingan nga seremonya
"Nakapunting kita pagpatuman sa Filipino Veterans Equity Compensation Law diin seguro nga mahatagan ug hingpit nga bayad ang non-US citizens nga moabot sa siyam ka libo nga dolyares , ug kalim-ag lima nga dolyares alang sa mga US citizens," matud pa sa Presidente.
"Ning bulan sa Enero, miabot na sa 224 milyones dolyares ang nahatag gna bayad dul-an sa 18,700 nga aplikasyon nga naaprobahan ilawom sa maong balaod," matud pa niya.
Ang Presidente nakaalinggat nga ang kagamhanan padayon nga nagpaabante sa daghan nga mga inisyatibo alang sa dugang nga pension benefits ug compensations ingon man mga serbisyong medical sa mga beterano kinsa nakig-away atol sa ikaduhang gubat sa kalibutan.
"Gikan kaniadto, nakapunting na sa kaayuhan sa atong mga beterano ang Philippine Veterans Affairs Office (PVAO). Lakip na niini ang pagpaabante sa paghatag ug kinatibuk-ang bayad sa atong Total Administrative Disability (TAD) pensions diin gawas sa ubang mga benepesyo ang makadawat na 17,000 kada bulan ang mga beterano nga nakaabot na sa edad sa 70 ka tuig," dugtong pa niya.
"Pag-abot sa serbisyong medikal, kada tuig nato nga gipalig-on ang paghatag ug maayong panglawas ang atong mga sundalo. Padayon nga nagsilbi ang 599 nga mga pampublikong balay tambalanan sa mga accredited nga Veteran’s Memorial Medical Center (VMMC) isip regional kon provincial extension," matud pa niya.
Ang Presidente nag-awhag sa mga Pilipino nga mosagop sa mga prinsipyo, aspirasyon ug mga maayong buhat sa beterano sa gubat sa atong nasud ug mopatuman sa kalinaw sa tanang higayon. (GCC/PCOO /PIA9-Pagadian City)