Kagamhanang Aquino midayeg sa BIR sa kalampusan niini nalabuwan ang gipunting koleksyon sa Abril ning tuig

Ni Claro A. Lanipa

PAGADIAN CITY, 27 May (PIA) – Gidayeg sa administrasyong Aquino ang Bureau of Internal Revenue (BIR) tungod sa kalampusan  paglabuwan sa target niini sa bulan sa Abril ning tuig sa diha nakakolekta ang maong buhatan ug P148.99 bilyon sa buhis, matod pa sa usa ka opisyal sa Palasyo kagahapon.

Si Deputy Presidential Spokesperson Abigail Valte miingon sa usa ka interview  sa  dzRB Radyo ng Bayan nga ang BIR nakakolekta ug P148.99 bilyon sa buhis ning Abril, kon 4.43% mas taas kaysa P142.66 bilyon target.

Si Valte miingon ang koleksyon sa miaging bulan miuswag usab ug 28.2% mas labaw kaysa Abril 2012.

Ang bulan sa Abril maoy sa tradisyonal pinaka kusog sa koleksyon sa BIR tungod sa tinuig nga deadline sa pag-file sa income tax returns.

Ang BIR nagpadayon sa pag-implementar sa  mga reporma pinaagi sa pagpahingusok sa kampanya niini batok sa mga tax evaders aron makab-ot ang tumong sa koleksyon sa 2013. Ang ahensiya naglimbasog mokolekta ug P1.253 trilyon alang sa tuig 2013, mas taas ug 17% sa P1.066 trilyon sa 2012.

Sa pikas nga bahin, gipahibalo usab ni Valte nga ang Department of Tourism migahin ug P1.5 bilyon aron gamiton sa mga proyektong inprastruktura sa turismo sa Davao region.

“Usa sa mga proyekto mao ang pagpalambo sa mga dalan nga nagdugtong sa Mt. Apo, ang Davao del Sur ngadto sa Davao City,” miingon si Valte.

Kining proyekto sa DOT gitumong sa pag-uswag sa turismo sa Davao region ug dugangan ang trabaho ug oportunidad sa patigayon alang sa mga komunidad sa maong rehiyon.

“Usa pa nga maayong balita nato mao ang P42 milyon nga gipagawas sa Department of Budget and Management (DBM) aron suportahan sa mga

kinahanglanon sa Bangsamoro Transition Commission, ug ang tumong natin aron mopasayon sa mga reporma sa ekonomiya ug  kalamboan sa ARMM,” dugtong ni Valte, (PND/CAL/PIA9)

Catholic bishops andam nga mosunod sa PST

By Gideon C. Corgue

PAGADIAN CITY, May 27 (PIA) –-  Ang mga Catholic bishops nagkanayon nga sila ang mosunod sa bag-o lang na-aprubahan nga balaod nagpatuman sa Philippine Standard Time (PST).

Si Jaro Archbishop Angel Lagdameo nagkanayon nga sila ang mosunod sa bag-o nga balaod uban ang ministry.

“Among hisgutan ang maong butang uban ang clergy. Kini ang maka-apektar sa mga moadto sa simbahan kinsa mao ang mga kawani sa kagamhanan. 

Kami ang mo adjust,” matud pa sa kanhi pangulo sa Catholic Bishops Conference of the Philippines (CBCP).

Sama ni Lagdameo, si Baguio Bishop Carlito Cenzon nagkanayon nga sila ang makigtagbo uban ang clergy ug maghisgot sa maong isyu.

“Amo kanang hisgutan sa clergy sessions.” dugtong pa niya.
Si Cubao Bishop Honesto Ongtioco nagkanayon nga sila ang mosunod sa oras nga gitakda sa kagamhanan.

“Nagtuo ako nga aduna lamang kitay usa ka sumbanan kung atong hisgutan ang oras nga mao ang PST ug kita ang mosunod,” pahayag niya.

Sa iyang kabahin, si Sorsogon Bishop Arturo Bastes mipahayag nga sila ang kanunay nga nagsunod sa standard time.

“Kami ang kanunay nga punctual ug nagsunod sa standard time. Dili ako gusto nga maulahi,” matud pa niya.

Niadtong  Mayo 15, si Presidente Benigno Aquino III mitimaan sa balaod nga nagpahiluna sa tanang pampublikong orasan ngadto sa Philippine Standard Time.


Ang RA 10535 ang ipatuman sugod sa Hunyo 1. (GCC/PNA/PIA,Pagadian City)