Ni Alfonso T. Ruda
DIPOLOG CITY, JAN.
5(PIA)--- Gibatig
kalipay ang administrasyong Aquino sa report National Statistics Office (NSO)
nga miubos ang tinuig nga average inflation rate ngadto sa 3.2 porsiento sa
2012 gikan sa 4.6 porsiento niadtong 2011.
“Kini
ang pinakahinay nga dagan sa inflation rate sa tinuig nga basehanan sukad niadtong
2008,” matod pa ni Deputy Presidential spokesperson Abigail Valte.
Sa
iyang pagkutlo sa report sa NSO, si Valte nagkanayon nga dako ang gisaka sa binulan
nga inflation rate sa Disyembre nga miabot ug 2.9 porsiento gikan sa 2.8 porsiento niadtong bulan sa Nobyembre.
“Ang
inflation rate niadtong Disyembre 2012 mas ubos kay sa 4.2 niadtong Disyembre
2011. Sumala pa sa NSO, kini nagumikan sa mas taas nga inflation rate sa
pagkaon, alcoholic ug non-alcoholic beverages, ingon man tobacco indices,” nagkanayon
si Valte.
“Kong
konsiderahon ang malig-ong nahimo sa ekonomiya sa Pilipinas, nga misaka ug 7.2
porsiento sa ikatulong quarter sa 2012, nagpabiling malig-on ang inflation rate
ug naa kini sulod sa 3 ngadto sa 5 ka porsientong target nga gitakda sa
Philippine Development Plan,” matod pa ni Valte.(ATR/PCOO/PIA9-Zambo Norte)