Presidente Aquino nag-awhag sa mechanical engineers pagpalahutay sa ilang kabatid ug kahanas ug mga natampo sa ekonomikanhong kalamboan sa nasud

By Gideon C. Corgue 

PAGADIAN CITY, June 27 (PIA) –- Si Presidente Benigno S. Aquino III nanawagan sa mga mechanical engineers sa nasud pagpalahutay sa ilang kahanas ug kabatid ug pagtampo sa ekonomikanhong kalamboan sa nasud. 

"Ang panahon nga atong dugay na kaayo gitinguha nga kalamboan ang naabot na ug kusog sa kausaban nagsalig sa kamatinud-anon sa matag-sektor ---Ipaabante ang inyong propesyon, ipaahutay ang inyong kahanas ug kabatid ug himoa ang diwa sa kausaban nga mogiya ngadto sa iyang kalamboan," ang Hepe Ehekutibo nagkanayon sa iyang mensahe sa Philippine Society of Mechanical Engineers (PSME) sa okasyon sa 2nd Mindanao Regional Conference.

Ang PSME mibukas ning Huwebes sa 2nd Mindanao Regional Conference kinsa adunay tema "Mechanical Engineers Unite in Pursuit of Global Competitiveness" nga gipahigayon sa Grand Caprice Restaurant and Convention Center, Limketkai Drive, Cagayan de Oro City, Misamis Oriental. Ang tulo ka adlaw nga kalihokan nga gipasiugdahan sa  PSME Iligan Bay Chapter ug motapos sa Hunyo 29.

"Hinaut nga kini nga konperensya maghatag agianan sa mahinungdanong pagkutay ug kalamboan sa bag-o nga mga panahum ug pagpanday sa hiniusa ug lig-ong nga pwersa sa atong tahas sa nation-building," si Presidente Aquino nagkanayon.

"Hinaut nga kamo ang magsilbi nga mga ahente sa kalamboan ug nga kamo ang mopalambo sa panaghiusa sa atong katawhan. Hiniusa nga kita ang motukod sa malamboon nga Pilipinas nga ang takus nga puy-an sa atong mga katawhan," dugtong pa niya. 

Ang konperensya nagtumong paghatag ug update sa mga ginsakpan sa PSME pagpaabante sa engineering science and technology. (GCC/PCOO/PIA,Pagadian City)

Kagamhanan moseguro nga ang mga gibalhin nga pamilya mapugngan nga mobalik sa makuyaw nga dapit

By Gideon C. Corgue 

PAGADIAN CITY, June 27 (PIA) –- Ang kagamhanan mohatag kaseguruhan nga ang mga pamilya nga gibalhin sa luwas nga dapit ang dili na mobalik sa ilang kanhi nga gipuy-an pinaagi sa hugot nga kooperasyon sa mga ahensya, ang Palasyo nagkanayon ning Miyerkoles.

Sa press briefing sa Malakanyang, si Presidential spokesman Edwin Lacierda nagkanayon nga ang plano sa kagamhaman pagbalhin sa mga pamilya sa luwas nga dapit nagkinahanglan sa pamaagi nga mohatag kaseguruhan nga dili sila mobalik pagpuyo sa makuyaw nga dapit puy-anan ilabi na sa mga dakbayan.

Ang Department of the Interior and Local Government gimandoan nga moseguro ang mga ipangbalhin magpabilin sa luwas sa mga dapit kabalhinan, matud pa niya.

Ang pulis ug opisyales sa mga barangay ang hiniusang motrabaho aron pagpugong kanila nga mobalik pag-usab, matud pa ni Lacierda.

Ang opisyal sa palasyo nagkanayon nga ang Department of Public Works and Highways ug Metropolitan Manila Development Authority mopatuman sa mga proyekto sa mga dapit nga gibiyaan sa madali nga panahon human nga ang mga nasangpit nga pamilya mobiya.

“Atong giseguro nga dili sila makabalik sa danger zones. Kana ang higpit nga mando ni Presidente Aquino ug kana ipatuman sa DILG. Ug adunay mga proyekto nga himoon didto sa DPWH human pagbiya sa mga pamilya sa estero ug kana ang himoon sa DPWH ug MMDA,” matud pa ni Lacierda.

Dugtong pa niya nga ang Department of Justice misaad nga modakop sa mga professional squatters.

Ang kasamtangan nga relocation sites makadani sa mga nagplano nga mobiya tungod kay kini ang lahi ra kaayo sa kanhi mga proyekto nga kasagaran ang mga pamilya mobiya sa maong dapit. Kinsa ang mouyon nga mabalhin ang mobisita sa relocation site, dugtong pa niya.


Adunay mga straktura ang napahimutang u gang mga pamilya kinsa buot mobalhin makadawat sa P18,000 nga suporta sa kagamhanan, matud pa ni Lacierda. (GCC/PCOO/PIA,Pagadian City)

DepEd mopahigayon ug accreditation exams alang sa mga sighted ug visual impaired

Ni Claro A. Lanipa

PAGADIAN CITY, 25 June (PIA) – Ang Departamento sa Edukasyon (DepEd) mobukas sa registration alang niadtong gusto mokuha sa pasulit sa  Accreditation and Equivalency (A&E)  gikan sa Julyo 4 hangtod Agosto 2 nga ipahigayon sa Oktubre ning tuig sa 17 ka mga rehiyon sa tibuok nasud.

Ang maong pasulit pagadumalahan sa Bureau of Alternative Learning System (BALS), kining A&E usa ka pasulit gamit ang papel ug lapis kon nailhan isip non-formal education test.

Gipahibalo usab ni Education Secretary Br. Armin Luistro nga ang maong pasulit mahimong ihatag usab sa mga tawo nga adunay diperensya sa mata pinaagi sa Braille. “Kabahin kini sa among mapadayonong duso aron sa paghatag sa mga tinun-an nga adunay kabilingan sa panglawas sa gitawag equal access to education,” dugtong pa ni Luistro.

“Gidesenyo kini aron sa pagbansay sa katakos niadtong wala mo eskuwela o wala mahuman sa elementarya o sekondarya pinaagi sa pormal nga sistema sa edukasyon,” gipasabot ni Luistro.

Ang mopasar sa A&E pagahatagan sa certificate/diploma, gipirmahan sa DepEd secretary, nga nagpamatuod sa katakos sa nakapasar nga sama sa mga migraduwar sa pormal sistema sa pagtungha.

Ang A&E pagahimoon sa Rehiyon 9, 10, 11, 12, CARAGA ug ARMM sa Oktubre 6, 2013. Alang sa Rehiyon 5, 6, 7 ug 8 sa Oktubre 13. Rehiyon 1, 2, 3 ug Cordillera Administrative Region sa Oktubre 20 samtang sa Oktubre 27 alang sa National Capital Region, CALABARZON (Region 4-A) ug MIMAROPA (Region 4-B).

Kining pasulit gipunting alang sa mga school drop-outs, niadtong wala motambong sa pormal sistema sa pag-eskuwela, sa mga nagtuon lamang sa balay, ug uban pa kinsa wala mahuman sa basic education apan basically literate.

Ang A&E registration, administration, ug certification gitanyag ug libre sa DepEd. (CAL/PCOO/PIA9)

Malakanyang subli nga nanawagan sa mga Pilipino pagreview sa disaster preparedness plan sa mga pamilya

By Gideon C. Corgue 

PAGADIAN CITY, June 24 (PIA) –- Samtang ang Pilipinas nag-andam panahon sa ting-ulan, ang Malakanyang misubli sa iyang panawagan sa mga Pilipino pag- review sa disaster preparedness plans sa ilang mga hingtungdan pamilya aron pagpugong sa mga dautang panghitabo ug kamatayon.

Si Deputy Presidential Spokesperson Abigail Valte mihimo sa maong panawagan sa press briefing nga gipalanog sa dzRB Radyo ng Bayan ning Domingo.

“Atong gi-awhag  ang tanan sanglit kita ang naa na sa ting-ulan pag-review sa kaugalingon nga plano pagpangandam sa katalagman sa pamilya,” matud pa ni Valte.

Matud pa niya nga ang pamilyang Pilipino motuman sa awhag sa National Disaster Risk Reduction and Management Council paghipos sa mga mahinungdanon nga kan-onon ug regular magpahigayon ug family disaster drills aron pag-andam ug pagpanalipod sa atong kaugalingon sa bisan unsa nga mahitabo.

“Atong hulipan ang mga emergency supplies nga gikinahanglan nato nga anaa sa atong balay ug magpahigayon kita ug family drill aron mahaniti ang atong mga ginsakpan sa pamilya ug mga kauban kung unsa ang atong angay himoon panahon sa bagyo, baha,linog, ug uban pang mga kalamidad nga atong masinati ning tuiga,” matud pa ni Valte.

“Busa atong gi-awhag ang tanan nga himoon nila kini,” dugtong pa niya.  (GCC/PCOO/PIA,Pagadian City)

Aquino mipirma sa National Health Insurance Act of 2013 aron pagtanyag sa mga Pilipino ug health care insurance coverage

By Gideon C. Corgue 

PAGADIAN CITY, June 21 (PIA) –- Si Presidente Benigno S. Aquino III mitimaan pagkabalaod sa balaodnon nga nag-usab sa National Health Insurance Act of 1995 sa tinguha nga maseguro nga ang tanang mga Pilipino ilabi na ang mga kabus ug mga tawo nga adunay kabilinggan sa lawas ang makapahimulos sa health care insurance coverage, ang opisyal sa Palasyo nagkanayon ning Biyernes.

Si Deputy Presidential Spokesperson Abigail Valte nagkanayon atol sa regular press briefing sa Malakanyang nga ning Biyernes ang hepe ehekutibo mipirma ning Hunyo 19 sa Republic Act 10606 kon gitawag nga "An Act Amending Republic Act 7875 nga gitawag ug National Health Insurance Act of 1995, as Amended and for Other Purposes."

Ang nasangpit nga balaod naila usa nga National Health Insurance Act of 2013. Ang Republic Act 10606 kinsa mao ang paghiusa sa Senate Bill No. 2849 ug House Bill No. 6048 ang sa katapusan napasa na sa Senado ug ubos balay-balaoranan ning Pebrero 4, 2013.

Ang nasangpit nga balaod nagmando sa kagamhanan pagtanyag sa comprehensive health care services sa tanang mga Pilipino pinaagi sa socialized health insurance program nga maghatag prayoridad sa panginahanglan sa health care sa mga kabus, nagsakit, tigulang, ug persons with disabilities (PWDs), kababayen-an ug kabataaan ug pagtanyag sa libre nga health care services sa mga kabus. 

Ang bag-ong balaod nagtanyag nga ang tanang mga mulupyo sa Pilipinas ang ipailawom sa National Health Insurance Program (NHIP). Ang programa nagseguro sa pagpalahutay sa coverage ug mapadayononong pagpadako sa kaledad sa mga serbisyo sa katawhan.

Ang programa compulsory sa tanang mga lalawigan, dakbayan ug mga kalungsuran sa tibuok nasud bisan pa man sa gipatuman nga local government unit-based health insurance programs.

Ilawom sa maong balaod, ang Philippine Health Insurance Corporation (PHIC), Department of Health (DOH), local government units (LGUs), ug uban pang ahensya lakip na ang non-governmental organizations ug uban pang national government agencies ang moseguro nga ang mga miyemrbo sa katilingban ang adunay access sa dekaledad ug cost-effective health care services.  (GCC/PCOO/PIA,Pagadian City)

Presidente Aquino mibukas sa Global Development Conference

By Gideon C. Corgue 

PAGADIAN CITY, June 19 (PIA) –- Si Presidente Benigno S. Aquino III mao ang pinasidunggang dinapit nga mamumulong atol sa pormal nga binuksang programa sa 14th Annual Global Development Conference sa Global Development Network (GDN) nga gipahigayon sa Asian Development Bank Headquarters sa dakbayan sa Mandaluyong ning Miyerkoles.

Ang GDN usa ka internasyonal nga kapunungan nga naghimo sa research capacity ug supports researchers pagpalambo ug pag-usab sa nasud aron nga mahimo ug makaambit sa taas nga kaledad sa applied social science research aron nga mapahibalo ang mga policymakers pagpaabante sa sosyal ug ekonomikanhon nga kalamboan.

Sa iyang pakigpulong, ang Presidente nagkanayon nga ang Pilipinas nagpasiugda mao ang una nga nasud sa Southeast Asia nga nagpahigayon sa oval Development Conference ug nga kini napahigayon sa tukma nga oras sanglit kini ang mihaum sa ika-152 nga anibersaryo pagkahimugso sa nasudnong bayani nga si Jose Rizal, kinsa ang Presidente nagkanayon nga mihimo sa “hands-on” approach ngadto sa kalamboan.

“Atong gipahigayon kini nga Global Development Conference sa atong nasud sa tukma nga panahon. Karon ang ika-152 nga anibersaryo pagkahimugso sa atong nasudnong bayani si Jose Rizal kinsa mao ang responsable pagpadagan sa atong nasud padulong sa dalan sa panag-angay ug kalamboan,” matud pa sa Presidente.

“Pipila lamang nga mga tawo ang nakabalo nga atol sa iyang paghiklin sa sa  Dapitan, Si Rizal ang mihimo sa hands-on approach sa kalamboan. Siya ang mitukod sa eskwelahan ug nagsugod sa iyang medical practice ug epektibo nga mihimo sa iyang kaakuhan isip community-builder sa lagyo nga mga dapit sa Pilipinas,” dugtong pa niya.

Gawas sa tulo ka adlaw nga konperensya uban sa iyang tema “Inequality, Social Protection, and Inclusive Growth,” ang GDN nagpasundayag sa tinuig nga pagpangita sa Outstanding Research for Development kinsa nadag-an sa Pilipinas sa  2011 pinaagi sa University of Santo Tomas Professors nga sila Alvin Ang ug Jeremiah Opiniano sa Bogota, Colombia.
Ang duha ka  professors midaug sa 2011 contest uban sa ilang research proposal nga giuluhan “Remittance Investment Climate Analysis for Rural Hometowns (Ricart): Piloting a Tool to Determine where Overseas Filipinos from Two Rural Hometowns can Best Invest their Money.”


Ang mga magtutudlo nagkanayon nga sila ang buot mosulay sa maong kasangkapan, ang Ricart kung unsaon ang remittance sa overseas Filipinos ngadto sa duha ka  fourth-class rural municipalities ang maayo mapalakat alang sa pamuhuna ug development finance. (GCC/PCOO/PIA,Pagadian City)

Malakanyang nanawagan sa mga biktima sa gituhuan nga ‘sex-for-repatriation’ scandal nga mopasaka ug reklamo

By Gideon C. Corgue 

PAGADIAN CITY, June 19 (PIA) –- Ang Malakanyang nanawagan sa mga overseas Filipino workers kinsa ang mga nabiktima sa gikatahapan nga “sex-for-repatriation” scam sa embahada sa Pilipinas sa Kuwait nga mopasaka ug tukma nga mga reklamo aron nga ang mga otoridad nga masayod sa maong scandal.

Sa press briefing sa Malakanyang ning Martes, si Deputy Presidential Spokesperson Abigail Valte nagkanayon nga ang Department of Foreign Affairs nanggilabot ug mimando na sa hepe sa embahada sa Kuwait ug moaksyon niini.

“Ang DFA misusi na niini. Ang hepe sa embahada sa Kuwait gimandoan na nga molihok niini,” matud pa ni Valte.

“Sa kasamtangan, wala kita makadawat ug bisan unsa nga pormal nga reklamo gikan sa mga gituhuan nga mga biktima busa kita ang nag-awhag sa mga adunay kasayuran o sa mga nabiktima ning maong gituhuan nga mga kahimoan nga moduol ug mopasaka ug mga reklamo tungod kay ang DFA andam motabang kanila,” dugtong pa niya.

Ang mga taho sa gituhuan nga sex-for-repatriation practice sa mga opisyal ug kawani sa embahada sa Pilipinas sa  Kuwait ang nahitabo ning semana dihang ang usa ka wala maila nga babaye nga OFW kinsa mao ang kabahin sa grupo sa 46 ka mga katabang sa panimalay ang gipapauli gikan sa Kuwaiti Deportation Center mipalanog sa reklamo nga ang opisyal sa embahada mimando kaniya sa pagpakighilawas aron pagpasayon sa iyang pagpauli dinhi sa Pilipinas. (GCC/PCOO/PIA,Pagadian City)

Aquino mipirma sa balaodnon alang sa pagkabalaod sa modernization sa agriculture ug fisheries sector

By Gideon C. Corgue 

PAGADIAN CITY, June 18 (PIA) –- Si Presidente Benigno S. Aquino III mipirma pagkabalaod sa balaodnon sa tinguha alang sa modernization sa sektor sa agriculture ug fisheries.

Ang hepe ehekutibo mitimaan niadtong Hunyo 5 sa Akta Republika Numero 10601 nga gitawag ug “Agricultural and Fisheries Mechanization (AFMech) Law”.

Ang nasangpit nga balaod kinsa mao ang consolidation sa Senate Bill No. 3338 ug House Bill No. 6548 sa katapusan giduso sa Senado ug sa ubos balay-balaoranan niadtong Pebrero 4, 2013.

Ang maong balaod nagmando sa nasud pagpalambo ug pagsagop sa moderno, tukma, cost-effective ug luwas sa kalikupan nga makinarya ug kasangkapan sa agricultural and fisheries aron pagpalambo sa farm productivity ug efficiency  ug aron nga maangkon ang seguridad sa pagkaon ug kaluwasan ug pag-uswag sa abot sa mga mag-uuma, matud pa sa Presidente.

Ang nasud gimandoan aron pagtanyag sa nindot nga kalikupan alang paghimo sa mga makina, makinarya ug kasangkapan alang sa agricultural ug fisheries production, processing ug marketing.

Ang nasud mopalig-on sa support services sama sa credit faculties, research, training ug extension programs, rural infrastructures, postharvest facilities ug marketing services.

Ang balaod nagmando usab sa nasud paghatag sa integrated support services sa mga mag-uuma, manginigisda ug uban pang mga  stakeholders, ug pagtabang kanila aron nga maka operate ug modumala sa ilang agricultural ug fisheries mechanization projects.

Ilawom sa nasangpit nga balaod, ang  Department of Agriculture (DA) mohimo sa lima ka tuig nga  National Agri-Fishery Program aron pagpalambo sa maayo nga kalikupan paghimo ug kasangkapan alang sa agricultural and fisheries production, processing ug marketing.

Ang local government units, pinaagi sa ordinansa mohimo usab sa konsultasyon uban sa DA ug pagpatuman sa ilang hingtungdan nga provincial, city ug municipal agricultural and fishery mechanization plans isip mahinungdanon nga butang sa ilang hingtungdan nga local development plans. (GCC/PCOO/PIA,Pagadian City)

Malakanyang mipahayag nga ang tulo ka mga annexes sa kasabutan sa kalinaw nagpailawom sa makuti nga pagtuon

By Gideon C. Corgue 

PAGADIAN CITY, June 16 (PIA) –- Ang Malakanyang mipahayag ning Domingo nga ang hinungdan sa gituhuan nga pagkalangan sa kalamboan sa panagsultihanay sa kalinaw tali sa kagamhanan ug Moro Islamic Liberation Front mao ang makuti nga pagtuon nga gihimo sa tulo ka mga nagpabilin nga annexes sa Bangsamoro Framework Agreement.

Sa press briefing nga gisibya sa radio station sa kagamhanan nga dzRB Radyo ng Bayan, si Deputy Presidential Spokesperson Abigail Valte mipahayag nga ang kagamhanan dili buot nga mahitabo pag-usab ang sayo memorandum of agreement on ancestral domain nga nagdetalye sa Bangsamoro homeland apan kini ang nakapailawom sa lig-on nga pagsupak sa katawhan.

“Sa nagpabiling tulo ka mga annexes naglakip sa mga bug-at nga isyu diin ang kagamhanan nagtuon niini tungod sa kasinatian sa nakalabay sama sa MOA-AD dili nato buot nga subli nga mahitabo ug gusto nato iseguro ang mga sulod sa annexes nga ang mga sulod niini gikinahanglan sa makuti nga pagtuon,” matud pa ni Valte.

Kung kini ang mapasa pagka balaod, ang Framework of Agreement on the Bangsamoro mohatag agianan sa katukuran sa bag-o nga  autonomous political entity nga mao ang Bangsamoro nga maoy mohulip sa Autonomous Region in Muslim Mindanao.

Ang kasabutangipirmahan sa hapon ning Oktubre 15, 2012 sa seremonya nga gipahigayon sa Malacanang Palace nga gisaksihan ni Presidente Benigno S. Aquino III, Malaysian Prime Minister Dato’ Sri Mohd Najib Bin Tun Haji Abdul Razak, ug uban pang mga dignitaries.  (GCC/PCOO/PIA,Pagadian City)

OP, Ombudsman mipirma sa MOA pagpalig-on sa lakang sa kagamhanan batok sa korupsyon

By Gideon C. Corgue 

PAGADIAN CITY, June 14 (PIA) –- Ang Office of the President (OP) ug ang Office of the Ombudsman (OMB) ning Biyernes mitimaan sa Memorandum of Agreement (MOA) nga nagtumong pagpalig-on sa inisyatibo sa kagamhanan batok sa korupsyon.

Si Executive Secretary Paquito Ochoa Jr. ug Ombudsman Conchita Carpio Morales mipirma sa MOA diha pagpatuman sa United Nations Convention Against Corruption (UNCAC) ug Integrity Management Program (IMP) atol sa yano nga seremonya nga gipahigayon sa Kalayaan Hall sa Malacanang Complex.

“Sa ngalan sa Office of the President, buot natong pasidunggan ang katawhan ug ang kapunungan nga nagpaluyo ning maong dako nga inisyatibo sa malampuson nga nagdala sa duha ka mahinungdanon nga mga buhatan aron pagpalig-on sa inisyatibo sa kagamhanan batok sa korupsyon aron paghingpit sa handuraw sa Presidente sa usa ka kagamhanan nga magsubay sa tul-id nga dalan,” matud pa ni Ochoa atol sa maong kalihokan.

matud pa niya nga ang pagpirma sa MOA mao ang usa sa mga daghang lakang sa administrasyon ni Aquino nga nahimo ug padayon nga pagahimoon aron paghimo nga maayo ang commitment sa kagamhanan pagpatuman sa maong kadumalahan.

Sa iyang kabahin, si Morales mihubit sa panag-uban tali sa OP ug ang Ombudsman isip makasaysayanon tungod kay kini ang padayon nga naghatag ug dugang madasigong paglaum sa Pilipinas aron pagpalamabo sa kultura nga nagsalindot sa sa korupsyon ug naghalog sa mga mithi sa kadungganan, pagtuman sa balaod, malahutayong kalamboan ug kauswagan.”

Ilawom sa MOA, ang OP ug OMB maglangkub sa Joint Technical Working Group nga mohimo ug pamaagi sa multi-stakeholder pagpatuman ug pag- review sa UNCAC ingon man ang Project Management Committee (PMC) nga magtanyag sa kinatibuk-an nga direksyon ug technical support sa tigpatuman nga ahensya aron nga makab-ot ang integrity management program.

Ang Pilipinas usa ka signatory sa UNCAC nga giparobahan sa Senado sa Pilipinas niadtong Nobyembre , 2006 kinsa naglatid sa obilgasyon sa estado pagtuman sa UN Standards dinha sa pagpugong sa prevention, criminalization, international cooperation, asset recovery, ug technical assistance ug information exchange. (GCC/PCOO/PIA,Pagadian City)

Zambosur PRC magsaulog sa “World Blood Donors' Day” karong adlawa

By Gideon C. Corgue 

PAGADIAN CITY, June 14 (PIA) –-Pagasaulugon karong adlawa, Biyernes ang World Blood Donors Day sa Philippine Red Cross (PRC).

Matud pa ni PRC Zamboanga del Sur Chapter administrator Hildaliza Muñoz nga ang nasangpit nga buhatan magpahigayon ug usa ka adlaw nga blood letting activity sa City Commercial Center ning bakbayan nga nagdala sa tema “ Every Blood Donation is a Gift of Life” ug slogan nga “Give the gift of Life. . .  Donate Blood.”

Matud pa ni Muñoz nga ang nasangpit nga kalihokan pagasalmutan sa mga ahensya sa kagamhanan ug civic organizations nga naglakip na niini ang mga miyembro sa Zamboanga del Sur Police Provincial Office ug uban pa, aron nga makatigum ug dugo gikan sa mga blood donors.

Dugtong pa ni Muñoz nga nakapadala na sila ug mga sulat-hangyo sa mga nasangpit nga buhatan ug iyang gilauman nga kini ang maka-ani ug suporta pinaagi pagpadala sa ilang himsog nga mga kawani sa C3 karong buntag.  

Giawhag usab ni Muñoz ang mga nagpakabanang katawhan nga kinasingkasing nga mohatag sa ilang dugo aron nga makatabang sa mga kabus nga mga tawo nga nagkinahanglan usab ug dugo.


Dugtong pa niya nga ang mga interesado nga mamahimo nga blood donors  modiretso lamang pag-adto sa C3 karong buntag ug makigkita sa PRC staff.  (GCC/PCOO/PIA,Pagadian City) 

Presidente Aquino subli nga misaad nga mamahimo nga kaabag sa kauswagan sa international community

By Gideon C. Corgue 

PAGADIAN CITY, June 13 (PIA) –- Si Presidente Benigno S. Aquino III misaad sa international community sa mapadayonong suporta sa nasud sa pagpalig-on sa kooperasyon ug pagpalambo sa dayalogo.

Sa iyang toast atol sa traditional nga vin d’honneur nga nagsaulog sa ika-115 nga anibersaryo sa kaugalingnan sa Pilipinas nga gipahigayon sa Malakanyang ning Miyerkoles, ang Presidente mipadayag sa mga ginsakpan sa diplomatic corps nga ang Pilipinas ug ang iyang mga katawhan padayon nga mamahimong kaabag  pagpangita ug solusyon sa mga hagit nga nga hiniusa nato nga giatubang.”

“Niining adlawa, ato usab nga nga subli nga gipadayag ang atong hiniusa nga pagsaad pagpalambo sa international environment sa positibo nga pagtrabaho. Ang inyong kahanas, samtang kamo ang nagtrabaho pagpalig-on sa kooperasyon ug pagpalambo sa dayalogo, kamo ang kanunay nga makapangita ug kaabag sa katawhang Pilipino ug ang ilang kagamhanan,” matud pa sa Presidente. 

Atong gilauman nga ang internasyonal nga komunidad mokopya ug padayon nga magtrabaho uban ang Pilipinas aron pagkab-ot sa hingpit nga potensyal sa katawhang Pilipino.

“Akong paglaum nga sanglit ang akong administrasyon naningkamot alang sa makahuluganon ug malahutayon nga kausaban sa atong nasud, kamo ang padayon nga magtrabaho uban kanamo pagkab-ot sa hingpit nga potensyal sa katawhang Pilipino ug pagpangita sa mga solusyon sa mga hagit nga hiniusa nato nga giatubang,” matud pa sa Presidente.

Sa iyang pagtubag si Papal Nuncio ug ang Dean sa Diplomatic Corps nga si iyang kamahalan Archbishop Guiseppe Pinto mitumbok sa maayo nga resulta nga gihimo sa ehekutibo sa natad sa ekonomiya.”

“Dili nato malimtan , ug sa pagkatinuod ang pinakabag-o nga mga kalihokan sa kinabuhi sa nasud nga gihimo sa ehekutibo sa natad sa ekonomiya  delivered by the Executive in the economic spherebase sa inclusive growth pinaagi sa pagmugna ug kahigayonan sa mga trabaho ug pagkunhod sa kawad-on,” matud pa ni Pinto.

“Ingon man gidayeg ang  paglambo sa kamaayo sa pagdumala sa katawhan, pagpalambo sa healthcare ug edukasyon ingon man ang maayo nga pag-apod-apod sa kahinguhaan,” dugtong pa niya. (GCC/PCOO/PIA,Pagadian City) 

Presidente Aquino mipasabot sa job rate adjustment sa nasud

 By Gideon C. Corgue 

PAGADIAN CITY, June 12 (PIA) –- Ang net loss nga 21,000 nga trabaho mao ang resulta pagkalangan sa pagpananom sa sektor sa agrikultura, si Presidente Benigno S. Aquino III nagkanayon ning Martes.

Ang National Statistics Office (NSO) mitaho nga ang unemployment rate sa bulan sa Abril sa nasud mokabat sa 7.5 porsiento, pinakataas sa tulo ka tuig, tuig-matag-tuig.

“Ang pinakadako nga mao ang sektor sa agrikultura tungod pagkalangan sa pagpananom,” ang Presidente nagkanayomn atol sa interview human sa iyang final inspection sa bag-o nga kasangkapan sa tugpahanan sa Laguindingan, Misamis Oriental.

Iyang gitumbok ang taho sa National Economic and Development Authority (NEDA), ang Presidente nagkanayon nga ang pagkunhod sa mga tawo nga nakatrabaho mao ang agricultural workers ilabi na ang wala mabayri nga trabahanteng pamilya.

“‘Ang Bureau of Agriculture Statistics mitaho nga ang mga mag-uuma nalangan sa ilang pagtanom sa Abril. Ug ang nakasubo tungod kay ang survey napahigayon sa Abril. Busa, sa panahon nga nag -survey sila, mikuyog usab ang kalangan niini. Busa migawas gayud nga adunay pagkunhod,’ matud pa niya.

Aduna usab mga pagsabot nga ang panahon dili maayo sa pagpananom nga naghimo sa maong kahimtang nga dili maayo sa mga mag-uuma, matud pa niya nga nagtumbok nga ang mga mag-uuma nga nakabaton sa panahon nga nagdiktar sa planting cycles.

Apan adunay maayo nga mga kalamboan, ang Presidente miingon tungod sa pagkunhod sa agrikultura mao kini ang balanse sa mga kalamboan sa industriya ug sektor sa serbisyo. Wage and salary workers nagtrabaho nga fulltime nag-uswag sa duha ka mga sektor, matud pa niya.

“Busa ang nahimong net result mao ang net job loss nga 21,000. Mahimo ba akong pun-an nga ang duha ka tuig tali sa 2010 ug 2012, ang bag-o ngamga trabaho miabot ngadto sa kinatibuk-an nga 1.57 milyones,” pagpasabot sa Presidente. (GCC/PCOO/PIA,Pagadian City) 

Primero Ministro sa Democratic Republic of Timor Leste naabot para sa upat ka adlaw nga opisyal pagbisita sa Pilipinas

By Mary May A. Abellon

DIPOLOG CITY, June 7 (PIA)—   Ang Primero Ministro sa Democratic Republic of Timor Leste His Excellency Kay Rala Xanana Gusmao kay naabot sa Ninoy Aquino International Airport Terminal 2 sa gabie sa Huwebes isip parte sa iyang upat ka adlaw nga opisyal pagbisita dinhi sa Pilipinas nga gikatakda sa June 6 hangtud 9.

Siya kay naabot sakay sa Philippine Air Lines PR512 gikan Singapore sa oras 12:18Am.

Nagatakda siyang mubisita kang Presidente Benigno S. Aquino III sa Malacanyang kung asa adunay Official Luncheon para sa mubisitang pangulo sa gobyerno.

Sa wala pa ang  nakatakdang pakigkita kang president Aquino, si Gusmao kay mupahigayon ug “wreath laying ceremonies” sa monumento ni Rizal sa Manila.

Karong adlawa, siya magahatag ug “lecture” sa University of the Philippines College of Law ug mu bisita sa East la Mesa Water Treatment Plant ug sa Medical City sa Pasig City ug mu suroy sa Casa Manila sa Intramuros.

Siya dayon mupahidangat sa Olongapo City karong Sabado (June 8) kung asa iyang pagatagbuon ang mga opisyal sa Subic Bay Metropolitan Authority ug mu suroy sa Clark International Aiport sa Pampanga. (MAA/PCOO/PIA9-Zambo Norte)   

Aquino midawat sa bag-ong napiling Presidente sa ADB didto sa Malakanyang

Ni Alfonso T. Ruda

DIPOLOG CITY, HUNYO 5(PIA) ---Gidawat ni Presidente Benigno Aquino III karong adlawa (Hunyo 5) didto sa Malakanyang ang bag-ong napiling Presidente sa Asian Development Bank(ADB) nga si Takehiko Nokao.

Si Nokao mi-asumer sa iyang katungdanan isip ika-siyam nga Presidente sa ADB niadtong Abril 28, puli kang Haruhiko Kuroda, kinsa mikanaog sa puwesto niadtong Marso.

Si Nokao nakahupot na ug pipila ka dakgong posisyon sa Ministry of Finance nga iyang gisudlan niadtong 1978.

Sa wala pa siya matudlo sa ADB, si Nokao nahimo unang Vice Minister of Finance for International Affairs, diin nakakuha siya ug mahinungdanong kasinatian sa natad sa kalibutanong panalapi ug kalambuan, naka-establisar ug hugtanong diha sa kalibutanong pangkalambuang komunidad.

Naghupot usab siya ug Bachelor of Arts in Economics degree gikan sa University of Tokyo ug Master of Business Administration gikan sa University of California sa Berkeley, California.

Matod pa ni Nokao, iya karong gilantaw ang pagpakigtrabaho uban sa mga nakataya ug katambayayong sa ADB sa kalambuan aron padayong batukan ang kawad-on ug mapadayon ang paglambo sa rehiyon sa Asya-Pasipiko.

Dinhi sa Pilipinas, ang ADB nagbubo ug dagkong puhonan sa edukasyon, agrikultura, enerhiya, panalapi, panglawas, patigayon, public sector ug sektor sa sa transportasyon ug komunikasyon.

Karong tuiga, gi-aprobahan sa ADB ang pipila ka mga proyekto dinhi sa Pilipinas na naglakip sa papasilidad sa pagpanarbaho alang paglambo, paghimong competitive sa turismo ug nasudnong pangkalambuang programa base sa panginahanglan sa usa ka komunidad.

Ang bangko nagsugyot usab ug mga proyekto alang sa kanunayng pag-usab-usab sa klima ug pagpananom ug kahoy, pagpalambo sa edukasyon, pagpalambo sa kalsada ug mga “institutional development” ug mga “water supply development projects.” (ATR/PCOO/PIA9-Zambo Norte)