Pebrero 25 usa ka regular working day, matud pa sa Palasyo

By Gideon C. Corgue

PAGADIAN CITY, Feb. 24 (PIA) – Ang Palasyo mipatin-aw ning Domingo nga ang ika-29 ka tuig nga anibersaryo sa 1986 EDSA People Power us aka  regular working day.

"Usa ka pagpatin-aw kalabot sa holiday ba o dili ang Pebrero 25. Pinasikad sa Proclamation No. 831 nga gipagula niadtong Hulyo 2014 nga ang umaabot nga ika-25 nga Pebrero adunay trabahao para sa tanan. Ang holiday o walay trabaho alang lamang sa tanan nga mga estudyante," matud pa ni Presidential Communications Operations Office Secretary Herminio Coloma, Jr., sa interview sa radyo.

"Mao kini ang atong pagpatin-aw nga school holiday lang  ug apektado ang trabaho sa Pebrero 25. Regular working day kini, " dugtong pa niya.

Sa nakalabay nga Martes, si EDSA People Power Commission Commissioner Emily Abrera mipahibalo nga ang kasaulugan usa lamang ka yano aron paghatag agianan sa mas dako nga anibersaryo sa sunod tuig.

"Sa umaabot nga Miyerkoles ika-25 sa Pebrero pagasaulugon sa nasud ang ika-29 nga anibersaryo sa People Power Revolution ilawom sa tema nga ‘Ipagpatuloy ang Pagbabago’ nga magsilbi nga panawagan sa atong mga katawhan nga mas palamboaon pa ang kausaban sa katilingban," matud pa  ni Coloma.

"Kawhaan ug siyam na ka tuig human nga malampuson nga napalagpot ang diktador ug natapos ang diktadorya sa nasud, padayon nato nga buhion ang diwa sa EDSA pinaagi pagpaabante ug pagpatuman sa mga kongkreto nga aksyon aron nga makunhuran ang gintang sa kawad-on ug pangunahan ang kausaban sa komunidad nga mobangon gikan sa trahedya ug kalamidad," gdugton pa niya.

Ang kasaulugan magsugod karong adlawa, Pebrero 24 sa Libingan ng mga Bayani diin si kanhi Presidente Fidel Ramos ang mangulo sa wreath-laying ceremony. Si Ramos mao ang usa sa mga nangulo sa revolt sa 1986.  (GCC/PIA-Zamboanga del Sur)     

Presidente Aquino nakigtagbo sa mga pamilya sa PNP-SAF 44, misusi sa kahimtang sa tabang nga gihatag

By Gideon C. Corgue

PAGADIAN CITY, Feb. 20 (PIA) – Si Presidente Benigno S. Aquino III ning Miyerkoles sa gabii nakigtagbo pag-usab sa mga pamilya sa 42 sa 44 nga mga sundalo sa police’s Special Action Force (SAF) nga gipatay ning nakalabay nga bulan sa enkwentro uban sa  MILF ug BIFF aron pagtuman sa commitment sa kagamhanan pagtanyag kanila ug tabang.

Si Presidente Aquino gikuyugan sa pipila nga ginsakpan sa Gabinete migugol ug panahon sa nagbangtuan nga matag-pamilya sa mga bayani nga commandos sa Multipurpose Center, Philippine National Police (PNP) sa Camp Crame dakbayan sa Quezon.

Ang mga paryente sa gipapamatay nga SAF members ning Miyerkoles nagtapok sa PNP headquarters alang sa maong kalihokan nga gitawag “PNP Welfare Services for the Beneficiaries of SAF 44.”

Aron pagseguro nga ang kagamhanan mituman sa iyang commitments, si Presidente Aquino linawas nga misusi sa kahimtang sa tabang nga gihatag sa mga hingtungndang ahensya ngadto sa mga nagbangutang pamilya.

Atol sa maong panagtigum, ang matagpamilya gihatagan kahigayonan nga makapaabot sa ilang mga suliran ngadto sa Presidente.

Ang tabang gihatag sa mga paryente sa gipatay nga mga SAF troopers naglakip sa employment, education, housing, health, ug livelihood gawas sa monetary assistance gikan sa President’s Social Fund.

Si Presidente Aquino miabot sa PNP headquarters sa wala pa ang alas 6 sa gabii ug migugol ug unom ka oras sa pagpakighinabi sa mga nagbangutang pamilya. Ang hepe ehekutibo mibiya sa Camp Crame alas 12 sa tungang gabii.

Ang Cabinet officials nga mitambong pag-ayuda sa mga pamilya maso sila Interior and Local Government Secretary Manuel Roxas, Justice Secretary Leila de Lima, Social Welfare and Development Secretary Corazon Soliman, Education Secretary Armin Luistro, Trade Secretary Gregory Domingo, ug  National Housing Authority General Manager Chito Cruz. (GCC/PIA-Zamboanga del Sur)     

Security forces andam pagpakgang pag-atake sa mga supporters ni Marwan, matud pa sa Malakanyang

By Gideon C. Corgue

PAGADIAN CITY, Feb. 17 (PIA) – Ang Armed Forces of the Philippines ug  Philippine National Police andam nga mosanta sa posible nga pagpanimalos sa mga supporters ni Abu Marwan human nga siya ang napatay sa SAF operation sa Mamasapano, Maguindanao sobra sa duha ka semana na ang nakalabay, ang Palasyo nagkanayon ning Domingo.

"Padayon ang higpit nga pagpaniid ug pagbantay sa atong mga otoridad sa bisan unsa  nga hulga sa seguridad sa tibuok nasud," si Presidential Communications Operations Office Secretary Herminio Coloma Jr. nagkanayon sa interview sa radyo. Si Coloma gipangutana sa mga tigbalita kung unsa ang precautionary measures ang gihimo sa kagamhanan aron pagpakgang sa pagpangatake sa mga terorista human sa kamatayon ni Marwan. "Nagpabilin nga alerto ang entiro pwersa sa kasundaluhan ug kapulisan aron nga mapabilin ang kalinaw ug kaluwasan sa atong mga katawhan," dugtong pa niya.. Gawas pa sa mga militar ug pulis, ang National Bureau of Investigation ug uban branches sa security authorities sa kagamhanan nagpabilin nga on high alert, dugtong pa niya. Si Coloma ang gipangutana usab kung ang Palasyo mosulay ba paghaylo sa mga magbabalaod pagpasa sa Bangsamoro Basic Law sa kasamtangan bisan pa man sa duguong panag-enkwentro sa Mamasapano, Maguindanao. Ang mga magbabalaod gihimo nila kung unsa man ang gikinahanglan nga mao ang pag-imbestigar aron paghatag ug kahayag kung unsa man ang nahitabo sa Maguindanao tungod kay ang maong insidente adunay koneksyon sa BBL nga gipasa sa Kongreso sa wala pa ang duguong nga panghitabo. Ang Kongreso misuspenso sa mga pagtuki sa BBL aron pagpakisayud kung unsa tinuod nga nahitabo sa Mamasapano nga nakapatay sa 44 PNP-SAF commandos.(GCC/PIA9-Zamboanga del Sur)

Pilipinas ug Indonesia mipalig-on sa bilateral ties

By Gideon C. Corgue

PAGADIAN CITY, Feb. 11 (PIA) – Ang Pilipinas ug Republika sa Indonesia mipalig-on sa ilang bilateral relations pinaagi pagtimaan sa joint declaration ug ubay-ubay ka mga memorandum of understanding (MOUs).

Si Presidente Benigno S. Aquino III ug Indonesian President Joko Widodo misaksi pagtimaan sa joint declaration ug Memorandum of Understanding atol sa Expanded Bilateral Meeting sa Reception Hall sa Malacañang Palace ning Lunes sa hapon.

Si Foreign Affairs Secretary Albert del Rosario ug ang iyang Indonesian counterpart nga si Foreign Affairs Minister Retno Marsudi ang mitimaan sa Joint Declaration on the Protection of Migrants and Migrant Workers.

Si Technical Education and Skills Development Authority (TESDA) Director-General Joel Villanueva ug Indonesian Minister of Education and Culture Anies Baswedan ang mitimaan sa MOU alang sa kooperasyon sa natad sa Technical Vocational Education and Training kinsa nagtumong pagpalambo sa mutual cooperation in education, training and research. Kini usab ang nagtumong pagpatuman sa standards ug qualifications sa mga priority sectors ug pagpahigayon sa capacity-building programs.

Ang Presidente sa National Defense College of the Philippines (NDCP) nga si Fermin de Leon, Jr. ug Governor sa  Indonesia’s Lembaga Ketahanan Nasional (Lemhanas) Budi Susilo Soepandji nagpirma usab sa MOU alang sa  Cooperation in Education, Research and Training in the field of defense and security studies.

Si Philippine Drug Enforcement Agency Director-General Undersecretary Arturo Cacdac ug ang pangulo sa Indonesia’s National Narcotics Board Anang Iskandar mipirma sa MOU sa Cooperation in Combating Illicit Trafficking and Abuse of Narcotics, Psychotropic Substances and their Precursors.

Ilawom sa MOU, ang Pilipinas ug Indonesia motukod ug momentenar pamaagi sa komunikasyon tali sa ilang mga ahensya aron pagpasayon pagpadali nga pagkambiyo sa mahinungdanon nga impormasyon aron pagpakigbatok pagpayuhot sa narcotics, psychotropic substances ug precursors.  (GCC/PIA-Zamboanga del Sur).

Army artillery regiment na-recruit ug candidate soldiers alang sa CY 2015

By Gideon C. Corgue

PAGADIAN CITY, Feb. 9 (PIA) – Ang Army Artillery Regiment (AAR) ilawom sa liderato ni BGeneral Leandro Loyao III karon nagdawat ug mga aplikante nga candidate soldiers alang sa 1^st quarter sa calendar year 2015.

Si Battalion Executive Officer Major Christopher Oquendo sa 1^st Cavalry Squadron, Mechanized Infantry Division sa interview sa Philippine Information Agency (PIA) IX staff nagkanayon nga ang unit gitahasan pag-recruit sa mga candidates sa ilang area of responsibility (AOR) aron mo-fill up sa quota sa CY 2015.

Si Oquendo nagkanayon nga ang mga candidates maghupot sa mga basic qualifications, ning mosunod:

a. Natural Born Filipino Citizen;

b. May edad sa 18-26 ka tuig ug dili molapas sa 27 ka tuig sa dili pa ang petsa sa appointment isip candidate soldier;

c. Ulitawo o dalaga;

d. Adunay good moral character;

e. May taas sa 5’ ka tiil kon 60 ka pulgada;

e. Kinahanglan mipasar sa Philippine Army Aptitude Test Battery (PAATB) nga adunay score sa 80;

f. Kinahanglan mipasar sa AAR pre-qualifying examination;

g. Physically ug mentally fit alang sa military training.

Ang uban pang mga qualifications, ning mosunod:

a.   Professionals (doctors, teachers, engineers, etc.);

b.   Gradwado sa MS43 ug advanced ROTC;

c.   College graduate,

d.   Adunay 72 units sa college,

e.   High school graduate apan naghupot sa technical ug vocational skills nga gikinahanglan sa AFP sama sa mosunod: automotive mechanic, embalmer, electrician, carpentry, masonry, welding, driving and etc). Ang technical ug vocational skills pagasuportahan sa certification gikan sa employer sa  usaka tuig nga work experience  ug walay labot ang On-the-job-training.

Si Oquendo mibalita nga ang registration/pre-admission nagsugod na sa ikaduha nga semana sa Enero ug hangtud lamang ugma, Pebrero 10.

Si Onuendo mipahayag nga ang pre-qualifying exam pagahimoon sa mga CS applicants sa Pebrero 17 sa may ala una ang takna sa hapon sa headquarters sa 1^st Field Artillery Battalion, Kuta Major Cesar Sang-an, Pulacan, Labangan.

“Ang pre-qualifying exam naglakip sa 100 item math heavy exam (basic high school mathematics): 75 items gigahin alang sa mathematical examination ug 25 items alang sa indicative or analytical exam,” pagpasabot ni Oquendo.

“Ang mga examinees gihatagan lamang ug duha ka oras aron pagtubag sa mga pangutana,” panapos nga pahayag ni Oquendo.  (GCC/PIA-Zamboanga del Sur).

APEC senior officials momugna ug framework on cooperation paradigm aron pagpalambo sa mga sektor sa serbisyo

By Gideon C. Corgue 

PAGADIAN CITY, Perbero 5 (PIA) – Ang Senior officials sa member economies sa Asia-Pacific Economic Cooperation (APEC) ning Martes nagsugod sa pagpahigayon sa ilang dayalogo nga nagtinguha pagmugna ug framework on a cooperation paradigm nga motabang pagpalambo ug pagpaabante sa mga serbisyo sa Asia-Pacific region.

Ang senior analyst of the APEC Policy Support Unit nga si Gloria O. Pasadilla nagkanayon nga ang pinakadakong katuyuan sa Public-Private Dialogue on Services mao ang pagmugna sa framework on a cooperation mechanism nga makatabang pagpalambo sa mga serbisyo ug sa samang higayon mopakunhod sa mga babag sa pamatigayon.

Si Pasadilla miingon nga nga bisan ang mga serbisyo ang gihisgutan na sa ubay-ubay ka mga working groups sama pananglit sa health, tourism, transportation, information technology, energy, human resources development, telecommunications, ug small and medium enterprises, ang  APEC wala pay napahimutang nga coordinating mechanism.

"Sa pagkakaron, ang APEC walay coordinating framework on regulations and capacities," siya ang nagkanayon sa pagsugod sa Public-Private Dialogue on Services sa nagpadayon nga APEC Senior Officials' Meeting nga gipahigayon sa Fontana Leisure Resorts sa Clark, Pampanga.

Ang 2015 Public-Private Dialogue on Services mao ang pinakauna sa mga serye sa dayalogo nga gipangindahay aron paggiya sa public and private stakeholders sa APEC alang pagpalambo sa pagtinabangay  ug mga maayong buhat ug ingon man mapalambo ang serbisyo. (GCC/PIA-Zamboanga del Sur)

Palasyo nanawagan sa mga magbabalaod nga magpunting sa tumong niini pagdala sa malahutayon nga kalinaw sa Mindanao

By Gideon C. Corgue 

PAGADIAN CITY, Jan. 29 (PIA) – Ang Palasyo ning Martes nag-awhag sa mga magbabalaod kinsa mibakwi sa ilang suporta sa Bangsamoro Basic Law (BBL) aron magpunting sa ilang tumong pagkab-ot sa malahutayon nga kahusay ug kalinaw sa Mindanao.

“Samtang nag-ila sa mga hagit nga gdulot sa mapintas nga panghitabo sa Mamasapano, Maguindanao, mahinungdanon kaayo nga isilsil sa alimpatakan ang mahinungdanong katuyuan pagkab-ot sa malahutayong kalinaw ug kauswagan sa Mindanao,” si Communication Secretary Herminio Coloma, Jr. nagkanayon sa iyang pamahayag.

Si Coloma mitubag sa mga taho nga duha ka mga senador mibakwi a ilang gipangamhanan nga giplanong BBL tungod sa enkwentro tali sa mga pulis ug mga fighters sa Moro Islamic Liberation Front (MILF) ning nakalabay nga Domingo nga misangppot pagkamatay sa 43 ka mga miyembro sa police’s Special Action Force (SAF).

Ang mga senador mibakwi sa ilang pagpangamahan sa BBL nga dili makagarantiya sa mayoriya nga pagbotar sa BBL sa Senado.

"Ang duruha kinsa nagpadayag sa ilang pagduhaduha pagpaluyo sa pagkahimong balaod sa giplano nga Bangsamoro Basic Law ilang gikonsiderar ang dili pagpadayaon sa proseso sa kalinaw ug possible nga mobalik sa kaniadto nga kahimtang nga ‘warlordism’, lawlessness, dili ensakto nga paggamit sa pampublikong pundo , ug ang hingpit nga pagkapakyas sa maayong pagdumala, dugtong pa ni Coloma.

Matud pa sa mga taho, si Senador  Alan Peter Cayetano ug  Senador Joseph Victor Ejercito mibakwi sa ilang pagpangamahan sa BBL sa panghitabo sa Maguindanao.

Ang duha mao ang kabahin sa napulo’g tulo ka mga senador kinsa mitimaan isip mga co-authors nga mihimo nga mayoriya sa 24 ka mga senador aron pagseguro pagpasa sa gipanday nga balaod. (GCC/PIA-Zamboanga del Sur)

Pilipinas, Estados Unidos subli nga mipahibalo nga ang panagbangi sa South China Sea pagasulbaron pinaag sa international arbitration, matud pa sa opisyal sa Palasyo

By Gideon C. Corgue 

PAGADIAN CITY, Jan. 23 (PIA) – Ang Senior Philippine foreign affairs ug  defense officials ug ang ilang mga couterparts gikan sa Estados Unidos subii nga mipahibalo nga ang maritime dispute sa South China Sea ang masulbad pinaagi sa international arbitration.

Si Communication Secretary Herminio Coloma, Jr. nagkanayon sa press briefing sa Malakanyang ning Huwebes nga ang mga officials sa duha ka mga nasud mipagula sa maong pamahayag human sa ilang fifth Bilateral Strategic Dialogue nga gipahigayon sa Manila ning nakalabay nga enero 20 ug 21.

“Ang duha ka mga nasud nagpadayag sa ilang mga pagpakabana sa nasangpit nga isyu sa South China Sea nga wala nahisubay sa 2002 ASEAN-China Declaration on the Conduct of Parties sa South China Sea (DOC) ug  international law, ug mihatag gibug-aton sa kamahinungdanon sa pagpatuman sa peace and stability, respect for international law, unimpeded lawful commerce, ug freedom of navigation and over flight,” matud pa ni Coloma nga nagbasa sa maong hinusa nga pamahayag.

“Ang duha ka mga nasud subli na mipahibalo nga ang international disputes sa South China Sea ang pagasulbaron tubay sa international law ug pinaagi sa diplomatikanhon ug uban pang malinawon nga pamaagi lakip na ang paggamit sa international arbitration,” dugtong pa niya.

Ang Manila ug Beijing miaangkon sa Kalayaan Group of Islands, ug ang Ayungin ug Scarborough Shoals nga nahimutang sa South China Sea.

Sa Marso 30 sa nakalabay nga tuig, ang Pilipinas mipasaka sa memorial sa International Tribunal on the Law of the Sea (ITLOS) batok sa China.

Ang mga opisyal sa Pilipinas ning Miyerkoles mi-akusar sa  China pagpalapnag sa iyang reclamation work sa gikagubutan nga teritoryo.”

Mitambong sa maong dayalogo mao sila si Foreign Affairs Undersecretary Evan P. Garcia ug National Defense Undersecretary Pio Lorenzo F. Batino alang sa Pilipinas ug Assistant Secretary of State Daniel Russel ug Assistant Secretary of Defense David Shear alang Estados Unidos. (GCC/PIA-Zamboanga del Sur)

Presidente Aquino nag-awhag sa ‘Bayanihan’ aron pagseguro sa kaluwasan sa katawhan atol pagduaw sa Santo Papa

By Gideon C. Corgue 

PAGADIAN CITY, Jan. 14 (PIA) – Si Presidente Benigno S. Aquino III ning Lunes sa gabii mihimo sa iyang pag-awahg sa telebisyon sa katawhan nga hininusang magtinabangay aron pagseguro sa kaluwasan sa matag-usa atol nagsingabot nga pagduaw ni Pope Francis.

"Gikinahanglan nato ang panaghiusa . Tataw nga dako ang mga hagit nga gidulot pagduaw ni Pope Francis sa atong nasud. Nakataya dinhi ang iyang kaluwasan sa daghan kaayo ang mga motambong sa iyang pagahimoon ug magpaabot kaniya," matud pa ni Presidente Aquino.

Nagpakita sa video clips sa nakalabay nga pag-atake sa mga Santo Papa sama kang Pope John Paul II nga gi-atake sulod sa Vatican, ang Presidente nakaalinggat nga bisan ug walay hulga sa terorismo, adunay dakong kakuyaw nga gidulot sa dagko nga katiguman.

Sanglit ang milyon sa mga Pilipino gilauman nga mosalmot sa misa nga pagadumalahon sa Santo Papa sa Luneta ning Domingo, si Presidente Aquino nagkanayon nga siya ang nahadlok nga ang kasibot sa mga tawo nga makita ang Santo Papa kini ang modulot sa kagubot.

“Obligasyon sa gobyerno ang inyong kaluwasan ug aron nga matuman ang kaakuhan niini aduna usab kamoy obligasyon. Sa sunod nga mga adlaw, si  Interior and Local Government Secretary Manuel Roxas ug Undersecretary Emmanuel Bautista mopagula ug bulletins kalabot sa security preparations atol pagduaw sa Santo Papa.

“Ang among panawagan: Maminaw kamo ug makighiusa  paghatag sa mga impormasyon. Atong ipakita ang panaghiusa ug pagtinabangay aron nga atong maseguro nga hingpit nga maangkon ang kalinaw pagbisita ni Pope Francis sa atong nasud,” matud pa niya.  (GCC/PIA-Zamboanga del Sur)

Presidente Aquino nag-awhag sa ‘Bayanihan’ aron pagseguro sa kaluwasan sa katawhan atol pagduaw sa Santo Papa

By Gideon C. Corgue 

PAGADIAN CITY, Jan. 14 (PIA) – Si Presidente Benigno S. Aquino III ning Lunes sa gabii mihimo sa iyang pag-awahg sa telebisyon sa katawhan nga hininusang magtinabangay aron pagseguro sa kaluwasan sa matag-usa atol nagsingabot nga pagduaw ni Pope Francis.

"Gikianahalgan nato ang panaghiusa . Tataw nga dako ang mga hagit nga gidulot sa pagduaw ni Pope Francis sa atong nasud. Nakataya dinhi ang iyang kaluwasan sa daghan kaayo ang mga motambong sa iyang pagahimoon ug magpaabot kaniya," matud pa ni Presidente Aquino.

Nagpakita sa video clips sa nakalabay nga pag-atake sa mga Santo Papa sama kang Pope John Paul II nga gi-atake sulod sa Vatican, ang Presidente nakaalinggat nga bisan ug walay hulga sa terorismo, adunay dakong kakuyaw nga gidulot dagko nga katiguman.

Sanglit ang milyon sa mga Pilipino gilauman nga mosalmot sa misa nga pagadumalahon sa Santo Papa sa Luneta ning Domingo, si President Aquino nagkanayon nga siya ang nahadlok nga ang kasibot sa mga tawo nga makita ang Santo Papa kini ang modulot sa kagubot.

“Obligasyon sa gobyerno ang inyong kaluwasan ug aron nga matuman ang kaakuhan niini aduna usab kamoy obligasyon. Sa sunod nga mga adlaw, si  Interior and Local Government Secretary Manuel Roxas ug Undersecretary Emmanuel Bautista mopagula ug bulletins kalabot sa security preparations atol pagduaw sa Santo Papa.

“Ang among panawagan: Maminaw kamo ug makighiusa sa paghatag sa mga impormasyon. Atong ipakita ang panaghiusa ug pagtinbangay aron nga atong maseguro nga atong hingpit nga maangkon ang kalinaw pagbisita ni Pope Francis sa atong nasud,” matud pa niya.  (GCC/PIA-Zamboanga del Sur)

Palasyo nagdumala sa Bag-ong Tuig nga Vin d'Honneur

By Gideon C. Corgue 

PAGADIAN CITY, Jan. 13 (PIA) – Si Presidente Benigno S. Aquino III ning Lunes sa buntag nangulo sa New Year’s Vin d’Honneur alang sa tuig 2015 nga gipahigayon sa Rizal Hall sa Malacañang Palace.

Sa iyang mensahe, si Presidente Aquino nakahinumdum sa mga hagit nga giatubang sa kalibutan sa 2014 – ang tension sa West nga gidulot sa mga suliran sa Ukraine; ang pag-usab-usab sa weather patterns tungod sa global climate change; ang hulga sa mga sakit sama sa  MERS-Corona Virus ug Ebola; ang mga buhat nga violente sa Pakistan, Australia, Canada, ug sa pinakaulahi sa France – ug giunsa sa mga nasud pasulbad niini.

“Imbis nga mahadlok, atong gipili nga maglaum. Imbis nga bahin-bahin sa kasuko, atong gipili nga mobarog ug maghiusa aron pagwala sa kasakit sa uban," matud pa niya.

Ang Hepe Ehekutibo mihimo sa maong kahigayonan aron pagpasalamat sa international community sa tabang nga nahatag niini sa mga biktima sa bagyong Yolanda (Haiyan) ug Ruby (Hagupit).

"Dili nako hikalimtan kung giunsa sa global community ang pag-anhi aron pagpakigbatok sa lakip na ang ehemplo sa iyang kamahalan nga si Pope Francis, kinsa gilauman nga mopakanog ug mando aron pagpakigbatok sa climate change ug gikinahanglan sa tanang katawhan nga mo-aksyon," dugtong pa niya.

Iyang naalinggatan nga sap ag-atubang sa mga suliran sa kalibutan, tataw nga dili kita makaako pagtan-aw sa mga malisod nga mga isyu ug kahimtang nga dili mohimo ug lakang.”

“Sa pagpakigbatok sa climate change ug sa iyang epeketo niini o sa pagpakigbatok sa inequality, o bakha sa pagtindog aron pagpakigbatok sa terrorismo: panahon nga kita ang mo-aksyon karon dayon,” matud pa sa Presidente. (GCC/PIA-Zamboanga del Sur)

“Pangadyian Festival” reenactment gipahigayon

By Gideon C. Corgue 

PAGADIAN CITY, Jan. 12 (PIA) – Ang opening salvo sa “Pangadyian” Festival reenactment gipahigayon ning nakalabay nga Biyernes sa Wharf Area ning dakbayan.

Ang reenactment gihimo sa Melengas dance ensemble sa Western Mindanao State University-External Studies Unit (WMSU-ESU) uban sa stage play production pinaagi sa sayaw nga nagpakita sa mga pinakasayo nga historical account sa Pagadian.

Ang Melengas performers nagsul-ob sa nindot nga dekolor nga costumes angm mitanyag sa true to life dance ritual nga nagpadayag sa kinabuhi sa Pagadianon’s sa tuig 1950 ug mihatag sa pagpasalaamt sa milagroso nga Santo Nino sa pahatag ug special protection sa mga Subanons, ang una nga mga settlers sa dakbayan sa Pagadian.

“Ang Pangadyian festival” usa ka pulong nga gimugna sa Fiesta Executive Council ug city government officials nga nagpuli sa “Pasalamat Festival”, usa ka tinuig nga cultural ug religious festival nga ipahigayon sa ikatulo nga Domingo sa Enero January , ug ang sentro sa Santo Nino celebration. Kanhi ang festival gitawag nga “ Zambulawan” kini ang giusab sa “Pasalamat” ug ning bag-o pa lang “Pangadyian”.

Si Sto. Nino Parish administrator Rev. Father Rico Sayson,  ang chairman of Fiesta Executive Council 2015 nagkanayon nga ang “Pangadyian”, matud pa sa research nga gipahigayon sa National Historical Commission of the Philippines (NHCP), historians, writers, authors ug media sa kauluhan, usa ka pulong nga nagpasabot sa pagpasalamat sa patron saint Sr. Sto. Niño sa tanang mga panalangin nga nadawat sa tuig.

Si Sayson mitumbok sa duh aka mahinungdanon nga historical accounts,: ang makahadlok nga Malaria outbreak diin mikalas sa gatosan ka mga kinabuhi nga maoy hinungdan sap ag-antos sa mga mulupyo ug pagtabok sa mga early settlers sa dagat Illana Bay diin ilang nasinati ang makusog nga hangin ug dagko nga mga balod sa ilang pagsulay ug tabok sa dagat.

“Tungod sa ilang lig-on nga pagtuo ug devotion sa to Sr. Santo Niño, ang paglapnag sa malaria hingpit nga na-kontrolar ug ang nataptan sa malaria nga mga pasyente ang milagro nga naayo. Ingon man ang early settlers wala na nakasinati sa kahadlok pagtabok sa dagat tungod kay ang makusog nga hangin ug dagko nga balod mikalma.

Si Sayson nagkanayon adunay pagpanginahanglan sa mga faithful Catholics nga makahibalo sa evolution sa “Pangadyian Festival” aron nga sila ang hingpit nga makahibalo nga adunay natawo nga festival born sa Pagadian diin ang mga faithful pakyas nga nakadayeg ug naka-alingat sa nakalabay nga mga dekada.

Si Sayson nagkanayon nga atoll sa tinuig nga fiesta celebration,  ang mga Pagadianons mikopya sa popular nga “Sinulog Festival” sa dakbayan sa Sugbu. “Wala kitay kaugalingon nga identity busa gikinahanglan nga atong ipatuman ang atong kauglaingon nga festival dinhi,” gipuno pa niya.

Si Sayson nagkanayon nga ang simbahan adunay interes pagpreserbar ug pagpalambo sa “Pangadyian” dancing isip ehemplo sa tinuod ug talagsaon nga kultura sa Cebuano.

Si Mayor Romeo Pulmones sa iyang mensahe nagpasalamat sa Fiesta Executive Council sa reenactment  tungod kay kini ang nagtanyag sa publiko ilabi na ang estudyante sa tukma nga kaalam kung unsa ang festival.

Si Pulmones nagpadayag sa iyang dakong pagpasalamat sa mga nanag-iya ug establishments tungod sa ilang aktibo nga suporta ug kooperasyon tungod kay sila ang nagtanyag sa sound system sa ilang hingtungdan nga mga establisiments ug nagpatukar sa “Pasalamat Festival” jingle atol sa procession sa balaanong imahe sa Sr. Sto Niño sa major streets.

Si Pulmones nagkanayon nga ang reenactment mao ang pagsugod sa pagbukas sa usa ka semana nga pagsaulog sa “Pangadyian Festival. (GCC/PIA-Zamboanga del Sur)