By Gideon C. Corgue
PAGADIAN CITY, February
2 (PIA) –- Si Presidente Benigno S.
Aquino III nagtinguha pagbiya sa kagamhanan sa 2016 nga adunay mausobon nga
borokrasya nga mas maayo dihang siya ang nangatungdanan sa 2010, matud pa sa
opisyal sa Palasyo.
Si Senate
President Juan Ponce Enrile nagkanayon nga ang Presidente dili makapahunong sa
korupsyon sulod sa iyang unom ka tuig nga pagpangatungdanan.
Bisan pa nga ang
Presidente adunay maayo nga tinguha pagwagtang o pagkunhod sa korupsyon sa
nasud apan imposible paghimo niini sa hamubo kaayo nga panahon, iyang gitaho sa
mga tigbalita sa press briefing sa Global Organization of Parliamentarians
Against Corruption (GOPAC) ning Huwebes.
Apan sa press
conference sa Malakanyang ning Biyernes, si Deputy Presidential spokesperson
Abigail Valte nagkanayon nga ang Presidente wala misaad nga hingpit nga iyang
wagtangon ang korupsyon sa borokrasya.
“Ang Presidente
wala nagsaad nga hingpit nga wagtangon ang korupsyon apan iyang giingon nga iya
kining himoon sigun sa iyang mahimo sa iyang pagbiya sa katungdanan sa 2016
aron pagbiya sa kagamhanan nga maayo ang kahimtang niini,” matud pa ni Valte.
Ang Presidente kanhi
nagkanayon nga ang pag-usab sa kagamhanan wala nagsalig sa iyang mga abaga. Ang
iyang administrasyon buot nga mohimo sa kalig-on sa maayo nga pangagamhanan
aron nga ang mga umaabot nga mga pangulo makalahutay sa reporma nga iyang
gihimo uban sa suporta sa katawhan.
Sa iyang
pakigpulong ning Huwebes atol sa 5th GOPAC nga gipahigayon sa kauluhan, ang
hepe ehekutibo mitanyag sa mga polisiya sa iyang administrasyon pagpakigbatok
sa korupsyon sa mga partsipante nga nagtambong sa global convention on
anti-corruption.
Si Presidente
Aquino mihatag gibug-aton sa kamahinungdanon pagpakigbatok sa korupsyon kanunay
aron pagkabaton sa maayo ug maligdong nga pangagamhanan.” (GCC/PNA/PIA9-Pagadian
City)
