Malakanyang malaumon nga ang Kongreso moduso sa fiscal incentives rationalization bill

By Gideon C. Corgue 

 

PAGADIAN CITY, May 29 (PIA) – Ang Palasyo mipadayag sa iyang paglaum nga usa sa mga nag-una nga balaodnon sa administrasyon—ang fiscal incentives rationalization bill ang ipasaka sa Kongreso.

Ang balaodnon ang naa pa sa committee level sa Kongreso apan kini ang gipahilhok na," si Presidential Spokesperson Edwin Lacierda nagkanayon ning Miyerkoles sa press briefing.

“Adunay kasabutan tali sa mga nagkadaiyang ahensya sa Executive branch kung unsa ang mga incentives ang angay nato nga i-rationalize busa okay na kini,” si Lacierda mipahayag isip tubag sa pangutana kung ang Malakanyang nabalaka nga ang priority bill ang nag-ung-ong pa sa Kongreso.

Ang fiscal incentives rationalization bill naglaraw pagtangtang sa tax- and duty-free incentives nga gipahimuslan sa ubay-ubay ka mga industriya aron pagpa-uswag sa tax collection sa kagamhanan.

Si Finance Secretary Cesar Purisima nagkanayon nga ang tax bonus ngadto sa mga industriya nga magpabilin nga buhi bisan walay mga incentives nga tang-tangon aron pagpa-uswag sa abot sa kagamhanan.

Ang kagamhanan nagtutok sa duha ka mga industriya nga dili na matanyagan ug income tax holidays sama sa low-cost housing development and mining exploration.

Ang maong balaaodnon nag-atubang karon sa pagsupak ug nag-ung-ong sa Kongreso sulod sa napulo’g lima ka mga tuig. (PCOO/PIA9-ZamboSur)

Presidente Aquino naglaum sa madalion nga kasulbaran sa pork barrel issue

By Gideon C. Corgue

PAGADIAN CITY, May 28 (PIA) – Si Presidente Benigno S. Aquino III nagkanayon ning Martes nga siya ang naglaum nga ang Office of the Ombudsman mosulbad sa P10-billion pork barrel scam sa labing madali nga panahon aron nga mahatag ang hustisya ngadto sa katawhan.

Sa interview atol sa ika-116 ka tuig nga anibersaryo sa Philippine Navy sa dakbayan sa Puerto Princesa, ang  Presidente gipangutana  kung ang iyang mosunod nga pagkapangulo sa 2016 dili na interesado nga mogukod sa mga tagsala sa scam.

"Basta ako, ang ako lang kaya nga tulubagon mao ang akong mahimo lang  nga nako nga buhaton. Busa akong gipaningkamutan nako tanan nga mahimo kagahapon ang gusto nato nga himoon karon," matud pa niya.

Gipahayag niya nga ang iyang administrasyon nakaduso na ug kaso batok sa unang batch sa mga tawo nga nahilambigit sa scam ug siya ang naglaum nga ang Ombudsman mo-aksyon niini sa labing madali nga panahon.

"Dugay na nato nga gipasaka ang una nga hugna. Tua na sa Ombudsman. Sa akong pagtuo masulbad na sa dili madugay, matud pa niya.

"Ang Ombudsman usa ka independent constitutional body. Basta ang akong commitment mapalambo ang ebidensiya. Ang ilang gitawag nga case build-up usa ka lig-on  ug napasaka na dili igsapayan kung kinsa ang maigo," dugtona pa niya.

Ang Presidente usab ang nagdepensa sa duha ka mga ginsakpan sa iyang Gabinete  nga sila si Budget Secretary Florencio Abad ug Agriculture Secretary Proceso Alcala kinsa ang nahilambigit sa nasangpit nga scam ug kay ang mga pasangil nga gilabay ngadto kanila nagtumong aron pagpakaulaw kanila. (PCOO/PIA9-ZamboSur)

Bangsamoro Basic Law iduso sa Kongreso sa tukma nga panahon matud pa sa Palasyo

By Gideon C. Corgue

PAGADIAN CITY, May 26 (PIA) Ang opisyal sa  Palasyo nagkanayon nga ang Malakanyang nagtrabaho aron pagrepaso sa Bangsamoro Basic Law sa madali ug naghatag kaseguruan sa puibliko nga kini ang iduso ngadto sa Kongreso.

Si Moro Islamic Liberation Front (MILF) Chief negotiator Mohagher Iqbal nagkanayon nga ang panahon nagagan alang pagduso sa draft law ngadto sa Kongreso.

Si Iqbal kinsa mao ang nagdumala sa Bangsamoro Transition Commission nga naglangkub sa mga batid gikan sa kagamhanan ug MILF kinsa mao ang nagpanday sa maong balaodnon .

Sa radio interview sa dzRB Radyo ng Bayan ning Sabado, si Deputy presidential spokesperson Abigail Valte nagkanayon nga ang Palasyo nagtrabaho ug mayo aron pagrepaso sa draft law ug ang Presidente mismo naghimo sa ubay-ubay ka mga pag follow-up.

Si Valte ang nagkanayon usab nga ang Presidente  nakakita sa tulo ka pulgada nga baga nga draft sa Bangsamoro Basic Law.

Si Valte mikutlo sa pamahayag sa Presidente nga nagkanayon: “Ako ang nakabalo sa pagkamahinungdanon niini apan ako ang nakasdabot sa tahas nga gihimo nila.”

"Gisusi usab sa Presidente ug nangumusta sa repaso nga gihimo niiini," matud pa niya.

Ang Kongreso mousab sa Bangsamoro Basic Law nga maoy mohulip sa organic act nga nagmugna sa Autonomous Region in Muslim Mindanao (ARMM).

Si Peace Adviser Teresita Deles mipahayag sa iyang pagtuo nga ang draft bill ang iduso ngadto sa Kongress sa dili pa kini mo-adjourn sa Hunyo 7.

Matud pa niya nga ang Presidente buot moseguro nga siya ang mo-certify sa drft bill isip dinalian ug madepensahan sa Kongreso panahon sa deliberasyon. (PCOO/PIA9-ZamboSur)

Presidente Aquino mimando sa DFA pagseguro sa kaluwasan sa mga Filipinos sa Thailand

By Gideon C. Corgue

PAGADIAN CITY, May 20 (PIA) Si Presidente Benigno S. Aquino III mimando sa Department of Foreign Affairs (DFA) paghatag kaseguruhan sa kaluwasan sa mga Filipino sa Thailand human sa deklarasyon sa martial law sa Thai Army.

Si Presidential Communications Operations Office Secretary Herminio Coloma, Jr. nagkanayon atol sa press conference ning Martes nga ang DFA mipataas sa Alert Level sa Thailand gikan sa 1 ngadto sa 2.

“Ilawom sa Alert Level 2, ang mga Filipino sa Bangkok ug sa silingan nga mga dapit gimandoan sa pagdili ug himo sa dili importante nga mga lihok, molikay sa mga pampubikong dapit, ug moandam sa possible nga pagbakwit kung gikinhanglan man ugaling,” matud pa ni Coloma.

Ang Thai Army mideklarar ug martial law gikan alas 3 ang takna sa buntag tungod kay mao kini ang lakang pagpabalik sa kahusay ug kalinaw alang sa mga tawo.

Ang mga taho nagkanayon nga ang kagubot nagsugod sa nakakalabay nga Desyembre  dinhang si  Prime Minister Yingluck Shinawatra mi-dissolved sa ubos balay-balaoranan sa parliament. Usa ka protesta batok sa kagamhanan misunod diin ang mga demonstrador mi-ali sa mga dapit sa dakbayan.

Si Yingluck nagpatawag ug snap general election ning Pebrero apan ang mga nagprotesta mibalda sa maong piniliay ug ang nasangpit nga piniliay wala gihatagan ug bili.

Ang korte mipalagpot kang Yingluck gikan sa iyang katungdananan sayo ning bulan tungod pag-abusar sa gahum. Ning Lunes, si acting Prime Minister Niwattumrong Boonsongpaisan mipahayag nga ang iyang kagamhanan dili moluwat ug nagsupak sa pressure gikan sa mga nagprotesta. (PCOO/PIA9-ZamboSur)

Presidente Aquino mitambong sa 34th ASEAN Chiefs of Police Conference

By Gideon C. Corgue

PAGADIAN CITY, May 14 (PIA) Si Presidente Benigno S. Aquino III ning Martes mao ang pinasidunggan nga mamumulong sa 34th Association of Southeast Asian Nations Association of Chiefs of Police (ASEANAPOL) Conference sa Sofitel Hotel dakbayan sa Pasay.

Ang conference gitambongan sa mga Chiefs of Police sa Brunei Darussalam, Cambodia, Indonesia, Laos, Malaysia, Myanmar, Singapore, Thailand, Vietnam, ug Philippines uban sa ilang mga hingtungdan nga delegasyon.

Sa iyang pakigpulong, ang Presidente nagkanayon nga bisan ang bag-o lang nga natapos nga 24th ASEAN Summit sa Myanmar ang nagpalambo sa mga kasabutan sa dako nga paagi, ang ASEANAPOL usa ka mahinungdanon aron pagseguro nga kini nga mga kasabutan mahikap nga mga reyalidad.

Ang Hepe Ehekutibo mipahayag nga ang mga krimen nag cross borders.

“Ang mga kriminal kanunay nga misulay paglikay sa hustisya pinaagi pag-cross borders busa kini ang nagpalapad sa mga kapasidad sa atong mga hingtungdan nga police forces ug kasagaran naghagit sa kasamtangan nga mga balaod sa matag nasud sa rehiyon. Mao kini ang usa sa nanag-una nga mga hinungdan nga kita ang nagtigum dinhi,” matud pa niya.

“Ang atong tumong mao ang pagseguro nga ang mga nasangpit nga kriminal pagadad-on sa hustisya sa pinakadali ug epesyente nga pamaagi ug pagtugot sa mga katawhan sa Southeast Asia nga magkinabuhi nga adunay kalinaw sa ilang hunanahuna nga nakahibalo nga sila ang giprotektahan sa ilang mga hingtungdan nga kagamhanan.”

Si Presidente Aquino mihatag gibug-aton sa kamahinungdanon sa gipalapad nga kooperasyon tali sa mga miyembro sa ASEAN ug International Police (INTERPOL), pinaagi pagpaambit sa databases sama sa I-24/7 sa Interpol ug ang e-ADS kon ASEANAPOL Database System.

“Mao kini ang mga mahinungdanong butang pag-ila, pagdakop ug pagpasaka ug mga kaso ug hinayhinay nga pagtaral sa mga criminal sa korte,” matud pa sa Presidente.

Dugtong pa niya nga ang enhanced cooperation nagtabang pag-ila sa mga gikawat nga motor vehicles, pagdakop sa mga gipangita sa balaod, pagpangita sa nawala nga mga tawo, pagpakgang sa mga sindikato, ug pagpugong sa mga terorista. (PCOO/PIA9-ZamboSur)

Palasyo mihatag seguridad sa pagkaon taliwala sa hulga sa El Niño

By Gideon C. Corgue

PAGADIAN CITY, May 5 (PIA) Ang Malakanyang mihatag kaseguruhan ning Domingo nga adunay daghan nga mga laraw paghatag kaseguruhan sa pagkaon sa nasud taliwala sa hataas nga epekto sa El Nino.

Si Presidential Communication Operations Office Secretary Heminio Coloma, Jr. nagkanayon nga ang seguredad sa pagkaon usa sa mga prayoridad sa Department of Agriculture (DA).

“Kung atong tan-awon ang ilang budget sa General Appropriations Act of 2015, atong makita nga nakahan-ay na didto ang mga kongkretong programa aron pagseguro nga makaangkon kita ug husto nga pagkaon,” matud pa ni Coloma sa press briefing nga gisibya sa dzRB Radyo ng Bayan.

Matud pa niya nga ang Department of Agriculture mipakisama ug mipasidaan sa mga natural nga kalamidad nga moigo sa atong nasud.

“Usa na niini mao ang pag-diversify sa atong mga abiyo kung ugaling maigo sa bagyo o kalamidad ang usa ka lugar nga dili mapapas o mawala ang atong gilauman nga gigikanan sa pagkaon tungod kay nakapangandam na pinaagi sa pagpananom sa lain-laing dapat sa atong nasud,” pagpahayag ni Coloma.

Ang Philippine Atmospheric, Geophysical and Astronomical Services Administration – Department of Science and Technology (PAGASA-DOST) mipahimangno nga ang nasud makabati sa epeketo sa El Nino sa Hunyo 2014 ug mohagntud sa unang quarter sa sunod tuig.

Ang El Nino phenomenon usa ka lahi nga pagkainit sa tubig sa dagat nga makaapekto sa palibot sa Pacific Ocean ug kini ang modulot sa hulaw ug abnormal nga weather patterns. (PCOO/PIA9-ZamboSur)