By Gideon C. Corgue
PAGADIAN
CITY, February 16 (PIA) –- Si Presidente Benigno Aquino III ning Biyernes
mipirma pagkabalaod sa Republic Act No. 10365 kon gitawag nga "An Act
Further Strengthening the Anti-Money Laundering Act" (AMLA).
Kini ang
gibutyag ni Deputy Presidential Spokesperson Abigail Valte sa text message.
Ilawom sa
bag-ong balaod, kini mao ang pagpalapnag sa listahan sa mga buhatan nga
gikinahanglan nga motaho sa financial transactions sa Anti-Money Laundering
Council pinaagi paglakip sa pre-need companies, money changers, real estate
agents, ug dealers sa mga mahalon nga bato ug metal, ug daghan pa.
Gawas pagpadako
sa gilakip nga mga buhatan, ang RA 10365 naghan-ay sa mga dugang nga mga krimen
sama sa trafficking in persons, bribery, counterfeiting, fraud ug uban pang illegal
exactions, forgery, malversation, environmental crimes, ug terorismo.
"Kining
balaodnon nagsilbi nga nagpalig-on sa Anti-Money Laundering legislative
measures sa
nasud ug nagsulbad sa mga kakulangon sa legal framework sa
Pilipinas kalabot sa anti-money laundering kini sumala sa gimantala sa Paris-based
FATF (Financial Action Task Force)," matud pa ni sa sayo nga pamahayag ni Senador
Teofisto Guingona III.
Ilawom sa AMLA, ang krimen nga money laundering
gilimatahan lamang sa transaksyon sa gitagoan nga mga pundo ug kabtangan.
Kini ang naglatid nga ang akusado mohimo sa contract
of sale, donasyon o susama nga transaksyon sa dili pa siya ang manubag.
Matud pa ni Guingona nga ang pag-uyon sa kausaban sa AMLA,
ang kagamhanan makagukod niadtong mohimo sa pag-usab, transfer, pagpalihok, paggamit
ug pagtago sa salapi nga ilawom sa
kriminal nga pamaagi.
Ang
Pilipinas dili mahilakip sa pagkalita sa FATF kinsa moresulta sa higpit nga
proseso sa pinansyal nga transaksyon nga naglakip sa mga Pilipinos ug
korporasyon sa mga Pilipino lakip na ang mga overseas Filipino workers (OFWs). (GCC/PNA /PIA9-Pagadian City)
By Gideon C. Corgue
PAGADIAN CITY, February 15 (PIA) –- Ang Malakanyang mihatag kaseguruhan
ning Biyernes nga ang kagamhanan magpadayon pagpatuman sa balaod pagpahunong sa
smuggling sa nasud ilabi na human nga si Senador Miriam Santiago mipadayag sa iyang plano
pag-imbistigar sa gikataho nga illegal nga pagsulod sa ginamit nga mga sakyanan
sa Port Irene sa Cagayan.
Si Deputy Presidential Spokesperson Abigail Valte nagkanayon nga ang Bureau of
Customs (BOC) magpatuman sa balaod pagpahunong pagsulod sa ginamit nga mga
kotse sa Cagayan hangtud nga ang Korte Suprema mosulbad sa legal nga kagubot sa
orden ehekutibo mahitungod sa maong isyu.
“Aduna usab legal nga sitwasyon sa CEZA (Cagayan Economic Zone Authority) tungod
kay nag-uong-ong ang hagit sa EO sa Korte Suprema. Busa aduna sa duha ka bahin,
ang una nga bahin nagkanayon nga mahimo; ang lain nga bahin nag-ingon nga dili
mahimo ipasulod tungod kay aduna pay hagit sa EO,” matud pa ni Valte.
“Aduna na hukom sa Korte Suprema sa maong butang nga nagtahud sa nasangpit nga EO,
ang Bureau of Customs ang molihok niini,” dugtong pa niya.
Ang opisyal sa palasyo nagkanayon nga si BOC
Commissioner Rufino Biazon nagpadayon pa sa pagkaangkon pagsalig sa Presidente.
Dihang gipangutana kung ang isyu sa ginamit nga kotse sa Cagayan pagagamiton
isip usa ka isyu sa kampanya batok ni Senador Juan Ponce Enrile ug sa iyang
anak kinsa ang midagan sa Senado, si Valte miingon nga ang pagpakabana sa
palasyo mao ang pagtuman sa balaod.
“Sa kabahin sa ehekutibo, ang ato kanunay nga pagpakabana mao lamang ang
pagpatuman sa balaod. Ug karon ang Korte Suprema ang mitubag na sa maong legal nga
pangutana ug ang Bureau of Customs ang molihok gilayon,” dugtong pa niya. (GCC/PCOO/PIA9-Pagadian
City)