Sa iyang pakigpulong sa gipahigayon nga tinuig nga gift-giving activity sa Philippine Amusement and Gaming Corporation (PAGCOR) sa mga kabus nga gipahigayon sa Cuneta Astrodome ning Lunes, ang Presidente mipasubli sa adbokasya sa iyang administrasyon nga ang kagamhanan gihimo alang sa mga katawhan ug dili lamang sa pipila ka mga piniling tawo.
Iyang gitumbok ang PAGCOR isip konkreto nga ehemplo nga pinaagi sa pagpatuman sa mga reporma ug maayong pagdumala, ug ang paborito nga gisaligan sa mga kurakot karon nagunit sa kaban sa nasud ang pagagamiton aron pagpalambo ug pagpauswag sa katawhan.
“Wala natapos dinhi ang atong paaningkamot nga magdala ug kaayuhan sa atong mga kaigsoonan. Atong ipadayon ang paglimpyo sa atong kagamhanan aron epektibo nga makaalagad sa atong mga katawhan. Sa walay pagduhaduha nga tangtangon ang mga abog ug hugaw sa sistema. Lakip na niini ang pagpatubag sa mga kurakot, gipadali nato ang pagpaayo sa kaayuhan sa pinakadaghan,” matud pa sa Presidente.
“Ang atong gusto mao ang inyong kakugi ug sakripisyo nga adunay kaluha nga pag-asenso. Ang matag tulo sa singot sa usa ka adlaw nga pagpangita ug maayong panginabuhian nga nag-atubang sa naglagiting nga kainit sa adlaw; ang matag kilometro nga atong gitabok aron nga maseguro ang kalimpyo sa palibot; ang matag kasing-kasing nga gibalewala ang peligro sa kalsada ang adunay bugti nga kalig-on sa pagbati nga mahatagan ug maayong kaugmaon ang inyong pamilya, dugtong pa niya. (GCC/PCOO/PIA,Pagadian City)
