Comelec nagtugot sa mga tigbalita nga mag-una pagbotar sa Mayo 13 nga piniliay

By Gideon C. Corgue

PAGADIAN CITY, February 14 (PIA) –- Sa unang higayon sa kasaysayan sa piniliay, ang mga ginsakpan sa media ilabi na gayud ang nagtrabaho panahon sa piniliay nga makabotar nga una sa gikalatid nga piniliay.

Kini human nga ang Commission on Elections mi-aprobar sa Implementing Rules and Regulations on Local Absentee Voting pinaagi sa Resolution No. 9637.

Sa Mayo 13, 2013 nga piniliay, ang mga tigbalita lakip na sa pamantalaan, telebisyon, photo, online, ug radio journalists ingon man ang documentary makers ug television/radio production staffs ang gitugutan nga makabotar gikan sa Abril l 28, 29, ug 30 gikan alas 8:00 ang takna sa buntag hangtud alas 5:00 ang takna sa hapon.

Ang Comelec nag-awhag sa mga tigbalita nga moduso na sa ilang application forms sa mga buhatan sa Provincial Elections Supervisors o bakaha sa city Election Officers sa mga lalawigan, ug sa Office of the Regional Election Director nga anaa sa National Capital Region sa dili pa ang Marso 31.

Sila ang mobotar sa buhatan sa Comelec diin sila ang makaduso sa ilang application.

Sa laing bahin, ang Comelec nagkanayon nga ang mga ginsakpan sa media ang nagtinguha nga makapahimulos niini nga mamahimo nga rehistradong miyembro; ug nga dili makabotar tungod sa paghimo sa ilang mga trabaho nga mag-cover ug magtaho sa pagpahigayon sa piniliay sa Mayo 13.

Gawas sa mga miyembro sa media, government officials and employees, mga ginsakpan sa Philippine National Police, ug ang mga ginsakpan sa Armed Forces of the Philippines ang nahilakip na usab sa Local Absentee Voting.

Sayo pa niini, usa ka petisyon ang gipasaka sa mga tigbalita nga sila si Noel Angel Alamar, Ariel Ayala, Leslie Ann Aquino, Gerard Anthony Naval, Sheila Crisostomo, ug Jennifer Manongdo nga nagrepresentar sa ubang mga miyembro sa industriya.(GCC/PNA/PIA9-Pagadian City)