Palasyo wala magpaluyo sa Deadly Quezon Operation, matod pa ni Ochoa

Ni Alfonso T. Ruda

DIPOLOG CITY, JAN. 12(PIA)--- Si Executive Secretary Paquito Ochoa Jr., hugtanong nanghimakak sa migawas nga balita  sa  usa ka pamantalaan nga nagkanayon nga ang Presidential Anti-Organized Crime Commission (PAOCC) nga iyang gipanguluhan mihatag ug pagtugot sa deadly Quezon operation niadtong Domingo

Ang hiniusang operasyon sa military ug pulis niadtong Domingo sa Atimonan, Quezon nagresulta sa kamatayon sa 13 ka tawo nga sumala pa sa kapulisan, mga gun for hires.

“Gusto nakong klarohon nga ang balita nga nagkanayon nga gitugotan sa Palasyo ang nasangpit nga operasyon walay kamatuoran, ug usa ka sayop,” matod pa ni Ochoa.

Matod pa ni Ochoa, iya nang gimanduan ang mga peronahe sa PAOCC nga makigtinabangay sa mga otoridad nga nag-imbestigar sa panghitabo alang sa hingpit nga kasulbaran sa kaso.

“Nakig-ambit ako sa kabalaka niadtong gustong mangayog katin-awan sa panghitabo nga nagresulta sa pagkakalas sa 13 ka kinabuhi ug dako ang akong kompiyansa nga ang imbestigasyon nga himoon sa National Bureau of Investigation (NBI) magbunga ug tukmang dagan sa panghitabo nga nakapalibot sa shooting incident,” matod pa niya.

Ang report sa Phlippine Daily Inquirer nagkanayon nga ang insidente sa Quezon nga nagbilin ug 13 ka tawong patay mao ang katapusan sa tulo-ka-bulan nga operasyon sa kapulisan nga dunay pagtugot sa PAOCC nga gipanguluhan ni Ochoa.

Ang report nagakanayon nga ang operasyon nga dunay code name nga “Coplan Armado,” nagtarget kang Vic Siman, operator sa numbers game nga jueteng nga nagpaka-aron ingnong usa ka Small Town lottery  sa Laguna ug Batangas sa Southern Luzon nga dunay pagtugot sa gobyerno. Si Siman mao ang usa sa nakalas nahitabo niadtong Domingo.

Ang tumong sa operasyon nga maneutralize ang grupo ni Siman pinaagi sa hugtanong operasyon sa kapulisan ug makuting pagpangita ug impormasyon. Dunay 15 ka target sa “Coplan” sumala pa sa report, 6 niini naa sa Batangas samtang ang uban naa sa lalawigan sa Laguna.(ATR/PCOO/PIA9-Zambo Norte)

Aquino misaad sa mapadayonong pagpakigbatok sa graft and corruption

By Gideon C. Corgue

PAGADIAN CITY, January 11 (PIA) –- Si Presidente Benigno S. Aquino III mipahayag nga ang walay lunga nga mga paningkamot batok sa graft and corruption ang magpadayon ug ang mga ahensya sa kagamhanan ang gidungog nga kurakot ang makaangkon sa mapig-ot nga pag-uyog.”

Atol sa tinuig nga  Station Managers Conference sa Radio Mindanao Network (RMN) uban kang Presidente Aquino ning Huwebes sa Malakanyang, ang Presidente nagkanayon nga gusto niya ipakita nga ang iyang administrasyon seryoso sa pagpakigbatok sa corruption.

“Kita ang nangandam sa mga mahinungdanong lihok. Dili ako makahatag ug detalye karon. Basin lisdan ang atong mga prosecutors ‘ilabi na kung ilang itago ang ebidensya,” ang Presidente nagkanayon nga nagtumbok sa mga kurakot nga ahensya sa kagamhanan.

“Wala na kami nagtiaw-tiaw, among gihangyo sila nga mokuyog sa matarong nga dalan. Moara nga ilang gibati nga kaya nila nga kamo ang supakon ug ipadayon ang ilang mga sayop nga hugpong. Among ipakita nga sila ang nasayop,” dugtong pa niya.

Ang Presidente nangulipas ang mga taho nga ang mga paningkamot sa kagamhanan nga pakigbatok sa graft and corruption ang midayeg sa pinakaubos nga hut-ong sa burokrasya.

Iyang gitumbok ang Land Transportation Office (LTO) kinsa sa nakalabay adunay daghan nga mga fixers nga mibiktima sa publiko. Matud pa niya ang LTO ang karon gidayeg sa iyang maayo nga serbisyo sa pagkawala na sa mga fixers.

Ang Presidente miingon usab nga ang kasamtangan nga pagtala sa Transparency International nagimo sa Pilipinas sa maayo nga kahimtang kalabot sa nagkakunhod nga corruption.

Kining maong pag-ambak sa pagkatala mahinungdanon, ang Presidente nagkanayon usab sa paghatag ug kaseguruhan nga iyang administrasyon ang molihok pag-ayo aron nga maangkon ang maayo nga resulta sa ugma damlag. (GCC/PCOO/PIA9-Pagadian City)