Aquino nakigtagbo sa security cluster, naglaum nga madakpan ang mga nagpaboto sa bomba sa dili madugay

By Gideon C. Corgue

PAGADIAN CITY, August 7 (PIA) –- Si Presidente Benigno S. Aquino III nagkanayon nga siya ang nakigtagbo ning Martes sa hapon sa Cabinet Security cluster ug mihisgot sa pagbomba sa dakbayan sa  Cotabato nga nakapatay sa walo ka tawo.

Sa interview uban sa media sa Subic Bay Freeport, ang Presidente mihisgot sa mga limitasyon sa military ug sa pulis apan siya ang nagtuo nga ang mga otoridad makadakop sa mga nagbuhat sa mga tagsala ug hatagan ug hustsiya ang maong hitabo.

Ning panahon, matud pa niya nga ang mga pulis aduna nay mga suspetsado kinsa mao ang tumong sa kagamhan sa dugay nang panahon. Dugtong paniya nga ang mga otoridad ning tungora dili seguro kung ang mga suspetsado mao ang responsible sa paghimo sa pagpangatake sa Cotabato.

Ang mga otoridad ang nakasinati sa kalisod sa pagpangita sa mga suspetsado tungod sa limitado nga personahe, matud pa niya. Bisan pa sa paspas nga pagtaas sa popolasyon sa nasud, ang gidaghanon sa mga miyembro sa kapulisan ang wala nausab sugod pa sa tunga tunga 1980s, matud pa sa Presidente.

Sa samang higayon, ang Presidente nagkanayon nga adunay mga grupo buot nga gub-on ang nagpadayon nga proseso sa sultihanay sa kalinaw tali sa kagamhanan ug  Moro Islamic Liberation Front (MILF).

“Dili nato kalimtan nga adunay pipila ka mga sektor nga dili buot nga ipadayon ang prosesos sa kalinaw. Ug tingali ila kining gipangandaman, ug imposible nga naa kita kanunay sa mga dapit nga adunay daghang mga tawo aron nga mapakganang ning tanan nga panghitabo,” matud pa niya.

“Ang mga terrorista pipila lamang sila ug nagpunay sa pagtago. Apan sila ang atong madakpan sa labing madali nga panahon.” (GCC/PCOO/PIA,Pagadian City)