Ni Alfonso T. Ruda
DIPOLOG CITY, SEPT.
7(PIA)---Malipayong
gisugat sa Malakanyang ang miting ni Budget Secretary Florencio Abad uban sa
liderato sa Korte Suprema, uban ang pag-ingon nga kini ang mosulbad sa diprensiya
tali sa duha ka sanga sa gobyerno bahin sa pahat sa labing taas nga hukmanan sa
nasod.
Sa
regular press briefing sa Malakanyang niadtong Lunes, si Presidential spokesperson
Edwin Lacierda nagkanayon nga ang miting nagtuki lamang bahin sa pahat sa korte
suprema ug nagpadala na ug sulat ang Sangang Ehikutibo sa kaandam niining magtrabaho
uban sa korte suprema kabahin sa maong isyo.
“Ang
miting niadtong Miyerkules maoy usa ka positibong lakang nga maresulbar ang
isyo tali sa korte suprema ug DBM,” matod pa ni Lcierda uban ang pag-ingon nga
kini ang tukmang higayon para sa korte suprema ug sa mga mahistrado nga maklaro
ang unsa mang problema tali sa duha ka partido aron ilang masabtan ug maayo ang proseso sa
pagggahin sa pondo.
“Si
Secretary Florencio Butch Abad mibisita sa korte suprema ug nakaayo kini sa duha
ka partido aron mahisgutan ang isyo sa budget. Usbon nako, bugtong isyo lang sa
budget ang gihisgutan sa miting. Walay pagpanghilabot sa independensiya sa hudikatura.
Among girespeto ang fiscal autonomy sa hudikatura,” matod pa ni Lacierda.
Si
Abad nakigtagbo kang Supreme Court Chief Justice Maria Lourdes Sereno, kauban
sa 11 ka mga mahistrado aron tukion ang budget sa hudikatura. Kini ang labing unang
higayon para sa Kalihim sa DBM nga mobisita sa korte suprema aron hisgutan ang
isyo sa budget.
Niadtong
imaging semana, si Abad miingon nga andam ang iyang buhatan nga mohatag ug budgetary
support para sa transparency and accountability effort sa korte suprema,
partikularmente sa ilang digitization
initiatives nga naglakip sa pagmugna ug on-line system nga magsubay sa dagan sa
usa ka kaso sulod sa ilang hurisdiksyon.
Ang
Budget Department nagsugyot usab sa pagmugna ug internal and integrated Human
Resources and Payroll management system sa korte suprema, ingon man pagmintinar
ug aktibo ug andam nga motubag nga presensiya pinaagi sa ilang website ug sa social
network.(ATR/PCOO/PIA9-Zambo norte)
