Ni Claro A. Lanipa
PAGADIAN CITY, 22 Jan (PIA) – Dala sa maayong ani sa
mga tanom, poultry ug livestock subsectors, ang industriya sa agrikultura sa
nasud miuswag ngadto sa 2.92 porseinto sa tuig 2012, kon mikabat kini sa P1.4
trilyon sa kasamtangan presyo sa merkado.
Matod pa ni Agriculture Secretary Proceso Alcala ang
tulo ka mga subsectors – mikabat sa suma total sa 82% sa produkto sa uma – kon natala sa tingub nga
pag-uswag sa 3.6%. Ang fisheries subsector, mitampo sa 18% sa total nga
produksyon, mikunhod gamay ug 0.04%, tungod kay mikunhod usab ang municipal
fish catch sa 3.9%.
Ang sekta sa mga tanom nagdala sa dakong papel,
taliwala sa dakong epekto sa mga bagyo ug pagbaha nga nahitabo sa miaging tuig, ang
palay natala ug ani sa 18.03 milyon
metric tons (MT) samtang ang mais
mikabat usab sa 7.41 milyon (MT).
Si Sec. Alcala mitaho nga ang maong ani sa palay – natala sa 8.1% labaw kaysa sa 2011 nga abot kon 16.68
milyon MT – dala kini sa 3.4% pagtubo sa total area harvested nga mikabat sa
4.69 milyon hektarya kaysa 4.54 milyon hektarya sa 2011. Ang 8.1% pagtubo sa
ani sa palay mao ang pinaka taas nga nakab-ot sukad sa tuig 2000, dugtong pa ni
Alcala.
Si Alcala miingon mas daghan sa mga mag-uuma ang gidasig
aron motanom gilayon human sa 2012 summer crop aron maka ani sila sa bulan sa
Agosto o Septyembre, ug pagkahuman niana makahimo sila sa gitawag
“Quick_Turn_Around” (QTA), kon magtanom ug balik sa dili pa ang bulan sa
Septyembre.
“Aduna nay bunga ang atong mga paningkamot, ug gusto nato
mo-implementar ang susamang pamaagi sa sunod tuig, aron maangkon nato ang atong
gipunting sa 20 milyon MT sa kapatusan sa 2013,” matod pa sa hepe sa DA.
(PCOO/CAL/PIA9)
