Kagamhanan nagpabilin pagtanyag sa dekalidad nga edukasyon alang sa mga estudyanteng Pilipino

By Gideon C. Corgue 

PAGADIAN CITY,  May 16 (PIA) –- Ang tinguha sa kagamhanan pagtanyag sa dekalidad nga edukasyon alang sa tanang estudyanteng Pilipino nagpabilin nga nanag-una nga prayoridad sanglit kini nagpadayon pagpaila sa mga reporma ug programa nga gidesenyo pagpauswag ug pagpalambo sa pagpaambit sa kaalam ug sa mga tulunghaan, si Presidente Benigno S. Aquino III nagkanayon ning Miyerkoles.

Nakigpulong atubang sa mga authors, co-authors, development partners, steering committee and technical working group, mga magtutudlo ug tinun-an human pagtimaan pagkabalaod sa Republic Act No. 10533 nga gitawag ug Enhanced Basic Education Act kon K to 12 Basic Education Program sa Malakanyang, ang Presidente nagkanayon nga dihang siya ang nangatungdanan sa tuig 2010, ang iyang administrasyon  ang nagtrabaho alang pagmugna sa dekaledad nga edukasyon sa mga estudyanteng Pilipino.

Matud pa niya ang nagpabilin nga pag-uswag sa budget alang sa edukasyon ug ang hingpit nga pagsuporta sa scholarship programs sama sa Training for Work Scholarship Program sa Technical Education and Skills Development Authority ingon man ang pagpatuman sa Public Higher Education Roadmap sa Commission on Higher Education, mga magtutudlo, tinun-an ug mga tulunghaan ang karon gihitsas na sa kasangkapan aron paghatag ug pagdawat sa mga leskyon..

“Tinuod nga nakapunting ang atong pagpaabante sa dekaledad nga edukasyon. Gikan kita nangatungdanan, matag-tuig natong giuswag ang budget sa basic education. Sa pagkatinuod gikan sa dul-an sa 161 billyones ka pesos nga budget niadtong 2010, atong napauswag sa dul-an sa 232 bilyones ka pesos ning tuig 2013,” matud pa sa Presidente.

“Sa Technical Education, anaa ang Industry Based Training for Work Scholarship Program sa TESDA nga adunay dul-an sa 150,900 scholars nga gibansaybansay ug natabangan sa pangulo niini nga si Joel Villanueva,” dugtong pa niya.

“Samtang, para sa atong mga state universities and colleges, milihok na usab ang Public Higher Education Roadmap sa CHED nga ang usa sa mga tumong mao nga palamboon ang mga kasangkapan pagtudlo sa atong mga State Universities and Colleges,” matud pa sa Presidente. (GCC/PCOO /PIA,Pagadian City)