Malakanyang miingon nga andam na ang gobyerno aron pondohan ang pagpabalhin sa mga iskwaters gikan sa delikadong lugar

Ni Alfonso T. Ruda

DIPOLOG CITY, AUG. 13(PIA)---Gipagawas na sa Department of Budget and Management (DBM) ang pondo nga maoy gamiton sa pagpabalhin sa mga informal settlers (iskwaters) gikan sa mga delikadong lugar nga kalagmitang maapektuhan sa natural nga kalamidad sa baha ug landslides.

“Naghatag na ug pondo ang DBM para sa relokasyon sa mga iskwaters delikadong lugar. Mao nga kini ang among giuna kay sila gyud ang delikado tungod sa nahimutangan sa ilang mga pinuy-anan,” matod pa ni Deputy Presidential spokesperson Abigail Valte sa usa ka pakighinabi sa radyo.

Ang pondo gihatag na sa National Housing Authority ug sa dili madugay trabahoon na sa gobyerno ang pagpabalhin sa mga iskwaters gikan sa ilang nahimutangan.

Sa pagkakaron, ang gitutokan una sa gobyerno mao ang paghatag ug hinabang ug pagpabakwet sa mga biktima ug kini sundan na dayon sa relokasyon, dugang pa ni Valte.

Hangtud niining pagbalita padayon pang nakadawat ug report ang gobyerno may kalabutan sa gidak-on sa kadaot sa inprastaktura, proposed resettlement project, dredging, flood control, ug solid waste management measures, matod pa ni Valte.

Sa pagbisita ni Presidente Benigno Aquino III sa mga apektadong lugar, si Presidente Aquino mipasalig nga iyang hatagan ug solusyon ang baha sa Metro Manila ug silingang lalawigan sa Pampanga ug misaad nga iyang tabangan ang Kagamhanang-Panlalawigan sa Pampanga pagtukod ug dike nga manalipod niini batok sab aha.

Samtang sa Valenzuela, iya usab nga ghisgutan ang pagpabarog sa walo-ka-kilometrong road dike nga manalipod sa CAMANAVA area ug pipila ka bahin sa Bulacan batok sa  baha.

Matod pa niya, kining maong proyekto nagkinahanglan ug 2 bilyones ka pesos nga pondo ug gilaumang mahuman sulod sa tulo ka tuig.

Alayon niini, gimanduan sa Presidente si DPWH Secretary Rogelio Singson nga sutaon ang gidak-on sa kadaot sa inprastaktura ug lantawon ang pagpabarog ug balik sa mga nadaot nga inprastaktura.(ATR/PCOO/PIA9-Zambo Norte)

Aquino miila sa mga paningkamot sa volunteers pagtabang pag-andam sa giputos nga pagkaon alang sa mga biktima sa baha

Ni  Gideon C. Corgue

PAGADIAN CITY, August 13 (PIA) – Si Presidente Benigno S. Aquino III nagpadayag kagahapon sa iyang halawom nga pasalamat ngadto sa gatosan nga mga tinun-an ug  professionals kinsa ang boluntaryo nga mihatag sa panahon ug paningkamot pinaagi pagputos ug pag-apod-apod sa pakete sa mga pagkaon aron pagtabang sa mga pamilya nga nawad-an ug mga panimalay tungod sa bag- o nga pagbaha.

Nakigpulong sa 700  nga volunteers nga okupado pagputos sa ubay-ubay ka mga produktong pagkaon nga sa dili madugay i-apod-apod sa mga biktima sa baha kini sa National Resource Operations Center sa Department of Social Welfare and Development, dakbayan sa Pasay, ang Presidente nagkanayon nga panahon na nga ilhon ang mga volunteers nga pinaagi sa ilang mga paningkamot nga ipabati ang gugma sa mga kabus nato nga mga kaigsoonan ug nga sila dili nag-inusara.

“‘Ang tanan nga natabangan nato nga mga kaigsoonan , kung ilang nadawat kining mga relief packs nga gi-andam  ninyo, ilang mabati ang pagmahal sa ilang kaigsoonan nga mga Pilipino. Ilang nabati nga sila wala nag-inusara, aduna silay kauban ning maong kalamidad,” matud pa sa Presidente.

“Sa mga volunteers, buot nako nnga pasalamatan kamong tanan,” dugtong pa niya.

Tipik ning mga volunteers mao ang mga ginsakpan sa Pag-asa Youth Association of the Philippines; University of Perpetual Help, Las Piñas campus; Samahan ng mga Kababaihan ng Antipolo City; Federation of Student Government of Makati; Asian Institute of Management; Philippine Star; Gatos and Reyes family; Philippine Air Force; Union Transport Incorporated Shared Services; Camp Crame Police Community Relations; University of Makati; Globe; Kababaihan Truly Cares; Our Lady of Airways Parish Church; Life Faith in Jesus Ministry; Office of Pasay City Hall; Civil Defense Action Group ug ang I-Serve Quezon City; Calixto Forever Movement; Pantawid Pamilya beneficiaries sa Barangay 196 Parañaque; Salsatrends Urdaneta Makati; Don Bosco, Muntinlupa; ug 7-11.

Ang Presidente nagkanayon nga matud pa sa DSWD, ang mga volunteers nakaputos na sa kinatibuk-an nga 129,170 nga paketeng pagkaon  nga diin ang  101,338 ang na-apod-apod na sa mga biktima.

“Sa ngalan sa katawhan, daghan kaayong salamat. Kung adunay kalamidad, atong nakita ang kaayo sa mga Pilipino. Kung asa ang iyang isigkatawo, atua nagpakabana ang iyang isig-kaingon. Sa makausa, sa ngalan sa atong nasud, sa ngalan sa atong mga kaigsoonan, dako kaayo ang akong pasalamat sa matag-usa kaninyo,” panapos niya pahayag.(GCC/PIA9-Zambosur)