Malakanyang nanawagan sa tanan aron molantaw sa Bangsamoro Framework Agreement, miingon ang inuyunan kalinaw makabenepisyo sa tanang Bangsamoro

Ni Claro A. Lanipa

PAGADIAN CITY, 29 July (PIA) – Nanawagan ang Malakanyang sa tanang Pilipino aron sa hingpit tun’an pag’usab ang Bangsamoro Framework Agreement (BFA), matod pa ang kalinaw inuyunan sa tanan makabenepisyo sa Bangsamoro bisan miyembro sila sa Moro Islamic Liberation Front (MILF), Moro National Liberation Front (MNLF) o ang Lumad.

Si Presidential Spokesperson Edwin Lacierda mibutyag sa panawagan sa usa ka press briefing sa Malakanyang ning Lunes taliwala sa mga taho nga ang MNLF modeklarar  independensiya alang sa Mindanao kon ang BFA mo-implementar pinaagi sa pagwagtang sa 1996 kasabutan sa kalinaw tali sa kagamhanan sa Pilipinas ug ang MNLF.

Si Presidential Adviser on the Peace Process Teresita Deles mipatin’aw nga ang gipasabot sa kagamhanan mao ang pagtapos sa mekanismo sa  tripartite review nga giangkat sa Organization of Islamic Conference ug magpabilin nga “ang kagamhanan mopadayon makigsulti sa may kalabutan sa mga partido sa MNLF, pinaagi sa kasamtangan mekanismo, aron makab-ot ang matarong ug komprehensibong politikanhong solusyon alang sa mga isyu sa habagatang Pilipinas.”

Si Lacierda miingon ang BFA, kon makompleto na, magdala’g kalinaw ug kalamboan sa Mindanao kansang mga banepisyo mosangpot alang sa tanan, ug kini usa ka dakong kauswagan kaysa sa Organic Act of the Autonomous Region in Muslim Mindanao.”

“Ang Bangsamoro Framework Agreement makahatag ug benepisyo sa tanang Bangsamoro. Molangkob kini kon ikaw MILF, MNLF o Lumad, ang tanan makabenepisyo sa Bangsamoro Framework Agreement,” miingon si Lacierda.

“Among giawhag ang tanang tawo, tanang Bangsamoro aron molantaw sa Bangsamoro Framework Agreement. Usa ka dakong kalamboan kini kaysa organic act sa ARMM ug busa, mohimo kita sa framework agreement lakip ang mga annexes niini aron sa katapusan makab-ot ang kalinaw ug kalamboan sa Mindanao,” dugtong pa niya.

“Ug busa among gihangyo ang MNLF aron sa seryosong molantaw niining kasabotan, dili isip MNLF apan isip Bangsamoro, ug naglangkob kini sa tanan: MILF,MNLF ug mga Lumads,” dugang pa ni Lacierda.

Ang BFA usa ka pasalig sa kagamhanan ug sa MILF aron sa pag-establisar sa bag-ong autonomous political entity sa Muslim Mindanao. Mohulip kini sa ARMM uban sa mas gamhanan ug makatarunganon sistema nga gitawag  Bangsamoro, (PCOO/CAL/PIA9)

DSWD mipasalig aron maseguro ang pinaka sayon ug magadaginotong pamaagi sa paghatod sa cash grants

Ni Claro A. Lanipa

PAGADIAN CITY, 30 July (PIA) – “Atong gihuna-huna ang pinaka maayong interes ug kaayohan alang sa atong mga benepisyaryo sa diha atong gipiho kon unsaon sa paghigayon sa pagsuhol.” Mao kini ang pamahayag ni Secretary Corazon Juliano-Soliman sa Department of Social Welfare and Development (DSWD), isip tubag niya sa taho nga kuno adunay mga benepisyaryo sa Pantawid Pamilyang Pilipino program nga wala makadawat sa ilang cash grants atol sa gitakdang pay-out niadtong June 11, 2013 sa Tinambac, Camarines Sur.

Matod niya, “kitang tanan nasayod nga ang maong grant dako ug tabang aron dugangan ang matag adlaw’ng kinahanglanon sa mga pobreng pamilya sa nasud ug tungod niini among giseguro nga makadawat sila sa ilang grants sa pinaka sayon ug mas magadaginotong pamaagi.”

Ang Land Bank of the Philippines (LBP) mao ang bugtong otorisadong ahensiya nga maka-disburse sa cash grants ngadto sa mga benepisyaryo sa Pantawid Pamilya. Aron maseguro nga ang mga benepisyaryo makadawat sa ilang grants sa tukmang panahon ug dili na sila mogasto’g dako alang sa tranportasyon. Ang LBP mitugot sa mga money transfer agents sama sa MLuillier, G-Cash Remit, Philippine Postal Corporation, ug uban pa sama sa rural banks ug cooperatives aron ihatod ang grants sa mga benepisyaryo.

Ang pinaka dakong grant package sa Pantawid Pamilya matag panimalay mikantidad sa P1,400 ang bulan, diin 300 niini gamiton sa matag bata kinsa motuman sa 85% gikinahanglan school attendance sa usa ka bulan, ug mahimong ihatag sa dili molapas sa tulo ka mga kabataan matag panimalay. 

Dugang niini, ang panimalay makadawat usab sa P500 matag bulan sa pagpatuman sa mga kondisyones sa  panglawas ug nutrisyon. Ang kantidad gibasehan sa ihap sa mga kabataan matag panimalay ug ang pagpatuman sa mga konisyones sa programa.

Sa karon, ang Pantawid Pamilya gi-implementar sa tanang 17 ka mga rehiyon gilangkoban sa 79 ka mga probinsiya, 143 ka mga siyudad, 1,484 ka mga lungsod ug 40,978 ka mga barangay. Mikabat sa 3,927,917 ka mga panimalay ang narehistro isip benepisyaryo sa programa hangtod June 26, 2013. (CAL/PCOO/PIA9)

Aquino mimando pag-imbistigar sa pagbuto sa Cagayan de Oro

By Gideon C. Corgue 

PAGADIAN CITY, July 29 (PIA) --- Si Presidente Benigno Aquino III mikondenar ning Domingo sa pagbuto nga miuyog sa Cagayan de Oro diin unom ka mga tawo ang namatay ug 48 ang nasamdan ning Biyernes sa gabii.

Si Deputy presidential spokeswoman Abigail Valte nagkanayon nga si Aquino mimando sa mga otoridad nga pagdala sa hustisya sa mihimo ning maong walay punangod nga mapintas nga panghitabo."

Ang presidente mimando sa tataw nga imbistigasyon nga ang tukma nga proseso ang pagasundon aron pag-ila kinsa ang nagpaluyo sa maong pagbuto," siya ang nagkanayon sa interview sa radyo.

Matud pa niya nga ang mga imbistigador nag-review sa mga CCTV cameras sa maong daout ug si Interior and Local Government Secretary Mar Roxas milupad sa maong dapit aron paghatag kaseguruhan nga ang proseso masunod.

"Sila ang nagsulay karon pag-reconstruct sa dapit nahitaboan tungod kay tataw nga ang mga tag-iya sa tindahan gitugutan nga manglimpyo sa wala pa
ang clearance gihatag sa mga pulis," matud pa ni Valte kinsa midumili pagbanabana sa nagpaluyong hinungdan ug ang responsable nga mihimo sa maong panghitabo.

Ang bomba mibuto sa restaurant nga puno sa mga doktor ug uban pang health workers human sa national medical convention ning Biyernes sa gabii.Usa ka miyembro sa provicnial council mao ang usa sa mga namatay sa pagbuto sulod sa mall sa downtown sa dakbayan sa Cagayan de Oro sa lalawigan sa Misamis Oriental.(GCC/PCOO/PIA, Pagadian City)

Aquino miseguro nga ang kagamhanan nagpadayon sa iyang paningkamot pagkab-ot sa kalamboan ug pagbaton pagsalig sa mga kaabag sa negosyo

By Gideon C. Corgue 

PAGADIAN CITY, July 25 (PIA) –- Si Presidente Benigno S. Aquino III miseguro nga ang iyang kagamhanan magpadayon sa paningkamot pagkaangkon sa kalamboan ug pagbaton sa pagsalig sa mga kaabag sa negosyo.

"Ang maayong pagdumala maoy naghatag agianan alang pagsalig sa mga tawo. Nagpabilin kita nga nagmalig-on ning maong prinsipyo sanglit kita angpadayon nga namuhunan sa impratraktura ug sa atong dakong tinubdan: ang katawhang Pilipino," ang hepe ehekutibo nagkanayon sa iyang mensahe sa mga delegado ug partisipante sa Manufacturing Technology Cebu 2013.

Ang mga stakeholders sa makinarya, , teknolohiya, furniture ug turismo ang nagtapok ning Huwebes sa Waterfront Cebu City Hotel alang sa tulo ka adlaw nga forum sa "Manufacturing Technology Cebu 2013." 

Ang maong kalihokan gipasiugdahan sa Global-Link MP Events International Inc. (GLMP) ug matapos sa Hulyo 27.

"Hinaut pa nga kini nga kalihokan mosangkap sa atong pag-abante uban sa lig-on nga panag-uban nga mobalita sa atong nag-uswag nga ekonomiya ug kultura, ug mga kausaban nga makhatag ug kaayuhan alang sa mga Pilipino," pahayag sa Presidente.

"Uban sa inyong suporta, kita ang makahubad sa atong mga kaayuhan ngadto sa daghan nga mga kahigayonan ug mohatud ngadto sa katumanan sa mas mauswagon ug makiangayon nga ugma. Ako kamo nga giawhag nga diskubrehon sa inyong kaugalingon ang kabatud sa inyong katawhan, ang kaadunahan sa atong kabilin nga kultura, kadungganan ug kabatid nga nakahimo sa atong pamatigayon sa Pilipinas nga maanindot," matud pa niya. (GCC/PCOO/PIA,Pagadian City) 

P2.268-Trilyones nga Nasudnong pahat sa 2014, giduso na sa Malakanyang sa kongreso

Ni Alfonso T. Ruda

DIPOLOG CITY, JUL 24(PIA)---Giduso na sa Malakanyang ang nasudnong pahat nga P2.268 trilyones ngadto sa kongreso,Martes sa hapon kon usa ka adlaw human ang State of the Nation Address (SONA) ni Presidente Benigno Aquino III.

Sa gipahigayong press conference didto sa Palasyo, gipahayag ni Deputy Presidential spokesperson Abigail Valte, nga dakong bahin sa nasudnong pahat mapunta sa Department of Education nga dunay P339.6 bilyones. Gisundan kini sa Department of Public Works and Highways(DPWH) nga dunay P213.5 bilyones  ug Department of Interior and Local Government (DILG) nga dunay P135.4-bilyones.

Midugang pa si Valte  nga ang lain pang 3 ka departamento nga naglangkob sa nag-unang 6 ka ahensiya sa gobyerno nga makaangkon ug dakong bahin sa maong pahat mao ang Department of National Defense (DND) nga dunay  P123.1 bilyones; Department of Health (DOH), P87.1 bilyones ug Department of Agriculture (DA), P80.7- bilyones.

“Sumala sa nahisgutan ni Presidente Aquino sa iyang SONA niadtong Lunes, ang pahat isumiti ngadto sa mga lider sa kongreso, ug giingnan ako sa atong mga kauban sa Department of Budget and Management (DBM), nga gisumiti kini ni Sec. Florencio Butch Abad sa kongreso, alas 3 sa hapon nga mao ang oras nga gitakda,” matod pa ni Valte.

“Bag-o niini, nagpaabot pa kami’g pagtugot nga ipagawas ang unod sa maong pahat kaninyo nga pagasaloan pagkahapon, sa higayong madawat na namo ang pinal nga bersyon niini,” panapos pa ni Valte.(PCOO/ATR,PIA9-Zambo Norte).

Malakanyang nag-awhag sa tanang mga Pilipino nga maminaw sa State of the Nation Address ni Presidente Aquino karong Lunes

By Gideon C. Corgue 

PAGADIAN CITY, July 21 (PIA) –- Ang Malakanyang nag-awhag sa tanang mga Pilipino nga maminaw sa ikaupat State of the Nation Address ni Presidente Benigno S. Aquino III nga iyang ipalanog ubos balay balaoranan sa Lunes, Hulyo 22.

Sa press briefing nga gipalanog sa dzRB Radyo ng Bayan ning Domingo si Presidential Spokesperson Edwin Lacierda nagkanayon nga ang SONA sa Presidente ipalanog  live sa television (PTV-4), radio (dzRB) ug sa Internet via live stream sa www.gov.ph nga nagtugot sa mga Pilipino nga makalantaw ug makapaminaw sa SONA.

“Ugma ang State of the Nation Address, adunay livestreaming ang Official Gazette kon gov.ph. Naka-live na ang atong website sa SONA, naa na pud ang ilang trivia mahitungod sa SONA, kumpleto na ang ang Official Gazzette sa tanang SONA sa mga pangulo gikan kang Presidente Manuel L. Quezon dihang una siya nga naghatag niini niadtong Nobyembre 1935,” matud pa ni Lacierda.

“Mao kini ang ika -75 nga SONA sa atong nasud. Busa aduna kita’y mga trivia sa website nga gov.ph. Atong gidapit ang mga katawhan ug mga kababayan nga sundon ang maong website. Ug kung aduna silay internet ugma, atong i-live ang State of the Nation Address sa atong Presidente,” dutong pa niya. (GCC/PCOO/PIA,Pagadian City) 

Palasyo subli mipadayag sa pag’uyon niini aron tapuson ang tanang panagbangi

Ni Claro A. Lanipa

PAGADIAN CITY, 19 July (PIA) – Subli gipadayag sa Malakanyang ang pasalig niini aron tapuson ang tanang panagbangi sa nasud, dugtong pa anaa na sa mga  rebeldeng komunista sa pagpakita sa ilang pagka-matinuuron kon gusto sila makigsulti mahitungod sa kalinaw uban sa kagamhanan.

Ang kagamhanan nakig-sabot sa Moro Islamic Liberation Front (MILF) mahitungod sa kalinaw ug natapos na ning semanaha ang gitawag wealth-sharing agreement uban sa maong grupo.

Kon ang MILF ug ang kagamhanan sa katapusan nakahimo sa usa ka kasabutan sa kalinaw, ang pagsabot-sabot ug kalinaw uban sa rebeldeng komunista magpabiling makahuluganon, matod pa ni Presidential spokesperson Edwin Lacierda sa  usa ka press briefing kagahapon.

Ang pagsabot-sabot sa kalinaw tali sa kagamhanan ug ang Communist Party of the Philippine-New People’s Army-National Democratic Front (CCP-NPA-NDF) nakabangga sa mga walay pagsinabtanay mahitungod sa pagpagawas sa mga political prisoners, kinsa alang sa mga rebelde importanteng sumasalmot sa mga sultihanay sa kalinaw.

“Ang atong baruganan sa kanunay gusto nato nga mosulbat kining tanan mga panagbingkil sa usa ka malinawong pamaagi. Gisugdan na nato ang atong baruganan sa makadaghan na.  Atong gipahibalo na ang atong baruganan sa makadaghan na higayon. Anaa na karon sa CPP-NPA-NDF aron mo-atubang kanato,” si Lacierda miingon atubangan sa mga tigmantala sa diha gipangutana siya kon unsa kamahuluganong alang sa kagamhanan aron makigsulti’g kalinaw uban sa CPP-NPA-NDF.

Gipamatuud sa kagamhanan nga ang hepe negosyador niini uban sa komunistang rebelde miluwat na human sa pipila ka mga bulan mihilum ang sultihanay sa kalinaw.

Nahisgutan usab ni Lacierda ang pag’uyon sa kagamhanan aron sa paghatag ug proteksyon sa usa ka Bise Mayor sa Bisayas kinsa anaa sa listahan sa mga rebelde. Ang liderato sa NPA nagmando sa mga miyembro niini aron sa pag-aresto sa bise mayor sa dakbayan sa Bacolod.

Nangutana kon sa iyang huna-huna ang hulga sa NPA batok sa bag-ong napiling opisyales usa ba ka insulto sa mando sa kagamhanan aron sa pagmentenar sa kahusay ug kalinaw, siya mitubag. “Aduna kitay ‘brand’, balaod ug kahusay mao ang atong brand. Dili kining brand sa laing mga tawo, bisan sa ubang mga rebelde o brand sa laing grupo.” (PCOO/CAL/PIA9)

Aquino nagtudlo bag-ong opisyales sa kagamhanan

Ni Claro A. Lanipa

PAGADIAN CITY, 18 July (PIA) – Si Presidente Benigno S. Aquino III nagtudlo sa bag-ong mga opisyales sa nagkalain-laing ahensiya sa kagamhanan, matod pa sa usa ka opisyal sa Palasyo.

Si Presidential Spokesperson Edwin Lacierda mipahibalo sa mga natudlo atol sa regular press briefing didto sa Malakanyang ning Miyerkoles.

Si Lacierda miingon, ang Hepe Ehekutibo mipirma niadtong Julyo 11, ang appointment letter ni kanhing Land Transportation Franchising and Regulatory Board Chairman Nelson Pena Laluces isip Deputy Director General sa Intellectual Property Office of the Philippines nga ubos sa Department of Trade and Industry (DTI).

Si Laluces mihulip kang Andrew Michael Ong. Ang iyang termino sa maong buhatan molungtad hangtod Disyembre 31, 2017.

Si Laluces nakatrabaho isip partner sa Ligon Solis Mejia Florendo Law Firm sukad Enero ning tuig hangtod siya natudlo karon.

Nakatrabaho usab siya isip partner sa Rodriguez Laluces Ecarma & Dias Law Offices gikan Nobyembre 2011 hangtod Oktubre 2012 ug 2000 hangtod Septyembre 2010. Nahimo usab siya LTFRB chairman  gikan sa Septyembre 2010 hangtod Septyembre 2011 ug naghupot  usab ug mga puwesto sa Department of Tourism gikan sa 1995-2000.

Gitudlo usab ni Presidente Aquino ning Julyo 11 si Dr. Ray Roderos isip Assistant Director General sa National Security Council, hulip kang Fernando Mesa. Ang iyang termino co-terminus uban sa nagtudlo kaniya.

Si Roderos migraduwar sa Philippine Military Academy (PMA batch 1975), ug nakahupot sa nagkalain-laing posisyon sa Philippine National Police (PNP).

Sa susamang higayon gitudlo usab sa Presidente si Romeo Fajardo ug Honorato delos Reyes isip Acting Director III ug Acting Director II, sa Office of Civil Defense (OCD) ubos sa Department of National Defense (DND). (PCOO/CAL/PIA9)

Presidente Aquino dili mogamit sa propaganda isip kabahin sa komunikasyon ug padayon nga nagtahud sa katungod pagkabaton sa kasayuran, matud pa Malakanyang

By Gideon C. Corgue 

PAGADIAN CITY, July 13 (PIA) –- Si Presidente Benigno S. Aquino III dili mohimo sa propaganda isip kabahin sa kasayuran ug padayon nga nagtahud sa katungod pagkaangkon sa mga kasayuran, si Presidential Communications Operations Office (PCOO) Secretary Herminio “Sonny” B. Coloma Jr. nagkanayon ning Biyernes.

"Ang Presidente wala gipakisama ang maayong balita sa propaganda," si Coloma mipahayag sa Association of Accredited Advertising Agencies (4A's) atol sa courtesy call sa iyang buhatan sa Malakanyang ning Biyernes.

Matud pa ni Coloma si Presidente Aquino buot nga ang communications group ang tukma nga mopahibalo, mo-edukar ug molamdag sa katawhan mahitungod sa mga butang nga adunay nasudnon nga kamahinungdanon ug paghatag kagahum nila pagpalawom sa ilang pakigsandurot sa katawhan.

"Ang kinaadman usa ka gahum. Apan dili gikinahanglan nga diktahan ang katawhan aron kini ang maangkon. Ato usab nga giila ang kamahinungdanon sa plataporma sa social media aron nga maaabot ang katawhan. Kita ang nagtrabaho kung unsaon paggamit niini sa epektibo nga pamaagi, ilabi na ang pagdumala sa katalagman. Kita ang epektibo nga makigsultihanay sa mga kinaubsan nga bahin sa katilingban," matud pa ni Coloma.

Si Coloma misugilon sa mga representante sa 4A's nga ang PCOO padayon nga magpalambo ug mopatuman sa mga mahinungdanon nga kalagdaan ug mga pamaagi kalabot paghatud sa mga kasayuran kalabot sa mga polisiya, programa ug opsiyal nga mga kalihokan ug kalampusan sa Presidente ug sa Executive Branch.

Ang PCOO nagsilbi nga nagulo nga ahensya sa Executive Branch pag-aghat sa katawhan ug mass media aron pagpalambo sa kaledad sa komunikasyon sa natad sa padumala ug pagtukod sa national consensus.

Ang 4A's mi-courtesy call kang Coloma aron pagpresentar sa First Cannes Grand Prix Award nga gidaug sa Philippine advertising agency DM9 JameSyfu.

Mao kini ang unang higayon sa kasaysayan sa Cannes Festival nga ang Philippine ad agency nakadaug sa Grand Prix Award. Si DM9 JameSyfu nakadaug sa iyang trabaho sa 'TXT BKS' sa Smart Communications, usa ka kampanya sa serbisyo sa  publiko nga nakahimo nga innovative ug  cost-effective nga paggamit sa karaan nga cell phones pinaagi paggamit sa SIM cards nga mosulod sa kinatibuk-an nga mga libro alang sa mga kabus nga tinun-an. (GCC/PCOO/PIA,Pagadian City) 

Consul General sa San Francisco mosusi kung aduna bay mga Pilipino nga nasamdan pagkahagsa sa Asiana Airline

By Gideon C. Corgue 

PAGADIAN CITY, July 8 (PIA) –- Ang Philippine Consul General sa San Francisco nagtrabaho uban ang mga otoridad sa Amerika aron pagpakihisayud kung aduna bay mga Pilipino nga nalakip pagkahagsa sa Asiana Airlines atol pagtugpa niini sa San Francisco International Airport ning Sabado (Domingo sa Manila), ang tigpamaba sa Palasyo mipahayag  ning Domingo.

Sa press briefing nga gisibiya sa dzRB Radyo ng Bayan, si Deputy Presidential Spokesperson Abigail Valte nagkanayon nga sa mga pasiuna nga taho gikan ni Consul General  Marciano Paynor, Jr. walay mga  Pilipino nga sakay sa Asiana Air nga gikan sa Seoul, Korea dihang kini ang mihagsa apan kini anaa sa proseso pagpakisayud.

“Ang atong mga kauban nga trabahante sa konsulada sa San Francisco ang atua na sa dapit nahitaboan. Nagtuo ako nga si Consul General (Marciano) Paynor, Jr. ang nagdapala na ug mga opisyal sa embahada sa tugpahanan aron pagsusi kung aduna bay mga mga Pilipino sa eroplano,” matud pa ni Valte

“Negatibo ang mga taho apan sila ang misulay pagkuha ug dugang mga kasayuran,” dugtong pa niya.

Matud pa ni Valte nga ang Pilipinas nagpadangat sa iyang simpatiya ug pagpahasubo sa mga pamilya sa duha ka mga pasahero nga matud pa sa taho namatay pagkahagsa sa eroplano.

“Nakapasubo kaayo ang nahitabo. Magpadayon kita nga maglaum nga ang matag-usa ang luwas ug nagpadala na kita ug pagpahasubo sa mga pamilya.  Sa pinakaulahi nga akong gisusi nga taho duha lamang ang namatay. Nagpadala kita ug mga pagpahasubo kanila ingon man atong paglaum alang pagkaayo sa mga nasamdan,” dugtong pa niya.

Ang Boeing 777 airplane sa Asiana Airlines nagdala sa 307 nga mga tawo gikan sa Seoul, Korea ug mihagsa pagtugpa sa runway 28L sa San Francisco International Airport ning Sabado (Domingo sa Manila).

Ang mga opisyal nagkanayon nga 123 nakagawas nga walay samad ug 181 nadala sa balay tambalanan alang sa ilang mga naangkong nga samad. Tipik sa mga nasamdan, 49 niini ang anaa sa malisod nga kahimtang ug ang lima lakip ang usa ka bata ang anaa sa kritikal nga kondisyon San Francisco General Hospital. Ang 47 nga nabilin anaa sa balay tambalanan ug ubay-ubay ang gitambalan sa gagmay nga samad lakip na ang pagbali ug garas sa lawas ug gipagula ning Sabado sa gabii. (GCC/PCOO/PIA,Pagadian City) 

Presidente Aquino midawat sa mga delegado sa APRC sa Malakanyang

Ni Claro A. Lanipa

PAGADIAN CITY, 5 July (PIA) – Ang delegasyon sa Asian Peace and Reconciliation Council (APRC) matinahuron midu-aw kang Presidente Benigno Aquino III sa Palasyo sa Malakanyang ning adlawa.

Ang delegasyon gilangkoban ni Dr. Surakiart Sathirahtai, APRC chairman ug kanhing Deputy Prime Minister ug Foreign Minister sa Thailand; Mr. Shaukat Aziz, vice-chairman sa APRC ug kanhing Prime Minister sa Pakistan; Ambassador Virasakdi Futrakul, Secretary General sa APRC ug kanhing Permanent Secretary sa Tourism and Sports sa Thailand; ug Isidro Camacho, vice chairman sa Credit Suisse Asia Pacific ug kanhing kalihim sa Department of Finance dinhi sa Pilipinas.

Kauban ni Presidente Aquino sa maong panagtakbo mao si Secretary Albert del Rosario sa Department of Foreign Affairs (DFA), Presidential Adviser on the Peace Process Teresita Deles, ug Assistant Secretary Ma. Theresa Lazaro sa DFA’s Asia Pacific Affairs.

Ang APRC, gitukod sa Bangkok niadtong Septyembre 2012, usa ka independente, international ug non-government organization kansang tumong mao sa pagtabang sa mga kagamhanan ug katilingban sa Asia  sa pag-ila sa mga malinawong pamaagi sa pagsulbat sa mga kasamok ug sa pagpahiuli sa mga bingkil-bingkil. (CAL/PCOO/PIA9)

Malakanyang mipahayag nga ang kaluwasan sa mga OFWs sa Egypt mao ang nanag-una nga prayoridad sa kagamhanan

By Gideon C. Corgue

PAGADIAN CITY, July 5 (PIA) –- Ang Malakanyang mipahayag ning Huwebes nga kini ang higpit nga naghimutad sa mga panghitabo sa Egypt sanglit kini naghatag ug kamahinungdanon sa kaluwasan sa mga overseas Filipino workers sa nasud sa Middle East.

Si Presidential Spokesperson Edwin Lacierda nagkanayon sa press briefing sa Malakanyang nga ang Department of Foreign Affairs nagpahinumdum sa tanang mga OFWs sa Egypt nga mohimo sa mga pag-amping ug likayan ang mga dautang panghitabo.

“Ang gihatagan ug pagpakabana ug nag-una nga prayoridad sa atong kagamhanan mao ang kaayuhan sa atong mga Pilipino didto sa Egypt. Gipahayag sa DFA nga ilang gihangyo ang atong mga Pilipino didto nga mag-amping ug dili moduol sa mga dapit nga adunay kagubot. Atong gipanid-an ang kahimtang sa Egypt karon ingon man ang kaluwasan sa atong mga kaigsoonan nga Pilipino nga atua sa abroad,” matud pa ni Lacierda.

Ang Egypt usa ka nasud nga anaa sa kagubot human nga ang hiniusa nga protesta gihimo nga nanawagan pagpaluwat sa katungdanan sa ika-lima nga presidente sa maong nasud nga si Mohamed Morsi.

Si Morsi, kinsa natawo niadtong Agusto 8, 1951 usa ka Egyptian politician kinsa nangatungdanan niadtong Hunyo 30, 2012 apan kini ang gipulihan ni Egyptian defense minister Abdul Fatah Khalil Al-Sisi sa coup d'état ning Miyerkoles, Hulyo 3. (GCC/PCOO/PIA,Pagadian City) 

Presidente Aquino midayeg ni Defense Secretary Gazmin pagtabang mga mahimong moderno ang Philippine Air Force

By Gideon C. Corgue 

PAGADIAN CITY, July 2 (PIA) –- Si Presidente Benigno S. Aquino III midayeg kang Defense Secretary Voltaire Gazmin nga nahimong kasangkapan sa paghimo nga moderno sa Philippine Air Force nga makig-indig sa standard sa kalibutan.

Ang Presidente mihimo sa iyang pagdayeg kang Gazmin atol sa iyang pakigpulong sa 66th Founding Anniversary sa PAF sa Clark Air Base. Pampanga ning Lunes.

"Karong buntag sa pagsaulog nato sa ika-66 nga anibersaryo sa Hukbong Himpapawid ng Pilipinas bag-o ang nawong sa gobyerno,ug bag-o ang dungog sa kasundaluhan ang moatubang sa kalibutan. Sulod lamang sa tulo ka tuig atong gipamatud-an nga ang Philippine Air Force ang subli nga milupad padulong sa bag-ong kusog, ug lig-on nga ugma," matud pa sa Presidente.

"Nagsalamat kita sa dedikasyon ug inisyatibo ni Defense Secretary Voltaire Gazmin aron nga ipauswag ang kakayahan ug ang kalidad sa kagamitan sa atong entiero nga kasundaluhan ug maayo ug matinud-anon nga pagdumala ni Lieutenant General Lauro Catalino Dela Cruz sa inyong hugpong. Dayag nga nakita sa inyong aktibo nga pabantay kung giunsa ninyo pagsilbi ang mga Pilipino," dugtong pa niya.

Iyang gisaad nga sa dili pa siya moluwat sa iyang katungdanan sa 2016, ang kinatibuk-ang Armed Forces of the Philippines makabenepesyo sa AFP Modernization Act.

"Nakamago kita sa kasamtangan nga limitasyon sa atong kasundaluhan busa kita ang nagpasalamat sa inisyatibo sa Air Force aron nga subling magamit ang ilang mga eroplano ug sakyanan sama sa  napulo’g pito ka  M-35 trucks, usa ka N-22 Nomad transport aircraft, usa ka UH-1H Utility Helicopter, usa ka LC-210 aircraft ug MG-520 attack helicopter," matud pa sa Presidente. (GCC/PCOO/PIA,Pagadian City)