Palasyo nagpahayag nga ang kagamhanan andam pagtaabang sa mga Pilipinos nga naapektuhan sa kagubot sa Sabah

By Gideon C. Corgue

PAGADIAN CITY, March 4 (PIA) –- Ang Malakanyang mihatag kaseguruhan ning Sabado nga ang kagamhanan andam pagtabang sa mga Pilipino nga naapektuhan sa nagpadayon nga kagubot sa Lahad Datu sa Sabah, Malaysia ug sa samang higayon nanawagan kanila sa ilang pagtahan sa kaugalingon.

Sa press conference sa Malacanang, si Cabinet Secretary Jose Rene Almendras nagkanayon nga ang Department of Social Welfare and Development (DSWD) nagpadala ug teams nga motabang sa mga Pilipino nga nanginhanglan sa Sabah.

“Aduna kitay medical team, adunay pagkaon  ug tanan atua didto. Sa pagkatinuod, ang DSWD nagpadala ug teams aron motabang sa mga pamilya nga nanginhanglan ug tabang,” matud pa niya.

Ang teams nga gimugna sa DSWD ang moadto sa usa sa mga isla duol sa Sabah aron mosulay pagtabang sa mga naapektuhan, dugtong pa niya.

Ang pag-awhag sa Malaysia pagtugot sa mga barko gikan sa Pilipinas nga modunggo sa Sabah mao ang usa sa mga diplomatic actions gihimo sa Department of Foreign Affairs (DFA) ning Biyernes, matud pa ni Almendras.

Ang kahilim sa foreign affairs naghangyo nga ang barko gikan sa Pilipinas ang pagatugutan nga modunggo ang Malaysians mipahayag nga kini ang magproseso sa hangyo sa kagamhanan sa Pilipinas.

“Kita ang motahud nga sila ang anaa sa control sa sitwasyon didto. Busa ang barko andam na, anaa na sila sa isla,” matud pa ni Almendras.

Ang kagubot nahitabo sa Lahad Datu ning Biyernes sa buntag, nakapatay sa 12 nga mga Pilipino ug duha ka Malaysian security forces. Ang Palasyo nabalaka sa panghitabo ning Biyernes ug nag-awhag sa Sulu sultanate pagtahan sa ilang mga sumusunid sa Sabah.

Sa iyang pmahayag ning Sabado, si President Benigno S. Aquino III nag-awhag sa mga Pilipino kinsa anaa pa sa Sabah pagtahan sa ilang mga armas aron paglikay sa dugang pa nga duguong panghitabo (GCC/PCOO/PIA9-Pagadian City)