By Gideon C. Corgue
Si Deputy presidential spokesperson Abigail Valte nagkanayon sa interview sa radyo ning Sabado nga ang katawhan gikinahanglan nga mahibalo sa liquor ban nga ipatuman ugma sa dili pa ang piniliay sa Lunes.
Ang Official Gazette, usa ka website sa Palasyo nagbutang usab sa infographic aron nga ang publiko makahibalo sa mga angay ug dili angay nga himoon sa adlaw sa pinilaiy isip serbisyo publiko ug tabang sa kagamhanan sa mga botante , matud pa niya.
Ug aron pagsulbad sa gituhuan nga pagpamalit ug boto sa pipila ka mga dapit, si Valte miingon nga ang Presidente mimando sa kapulisan ug militar pagpalig-on sa ilang operasyon batok sa illegal nga buhat.
Apan bisan ang kapulisan ug militar ang adunay limitasyon sa mga dapit nga ilang gi- cover, ang Palasyo nangayo ug tabang sa katawhan aron nga sila ang mamahimong maigmat ug motaho sa mga otoridad sa mga kalihokan nga pagpamaligya ug boto.
“Busa dako ang atong paglaum sa mga nagbantay nga mga katawhan nga motaho ning matang sa panghitabo. Ug kung aduna kamoy madungog o kung aduna kamo masaksihan itaho gilayon ninyo sa atong kapulisan ug paspas ang ilang aksyon,” matud pa ni Valte.
Si Valte miingon usab nga ang Palasyo naglaum nga ang publiko makamao paggamit sa signal jammers nga makabalda sa transmission sa resulta sa eleksyon.
Matud pa niya nga ang Malakanyang naglaum nga ang importasyon sa dissemination campaign sa Comelec ug ang Department of the Interior and Local Government (DILG) ang makahimo sa publiko nga mas makahibalo paggamit ning maong mga jammers ug motaho sa mga otoridad kung makakita sila sa mga tawo nga magamit sa maong butang. (GCC/PNA /PIA,Pagadian City)
