Malakanyang mipahayag nga ang kagamhanang Aquino mihimo sa mahinungdanong lakang pagpakgang sa extra judicial killings

By Gideon C. Corgue

PAGADIAN CITY, May 4 (PIA) –- Ang kagamhanang Aquino mihatag kaseguruhan sa publiko nga kini ang mihimo sa mahinungdanong lakang pagpakgang sa extrajudicial killings, ang opsiyal sa Palasyo nagkanayon ning Biyernes.

Si Presidential Spokesperson Edwin Lacierda mipahayag sa regular press briefing sa Malakanyang ning Biyernes nga ang Hepe Ehekutibo mihimo na sa inter-agency committee aron pagpakgang sa extra-judicial killings ug uban pang mga pag-abuso sa tawhanong katungod.

"Kita ang magpadayon sa atong mga paningkamot pagpahunong sa pagpamatay sa atong mga tigbalita, ang extralegal killings," matud pa ni Lacierda.

Ang kagamhanan misaad nga epektibo nga ipatuman ang iyang polisiya paggukod sa mga naghimo sa extra judicial killings ug uban pang mga pag-abuso sa tawhanong katungod, matud pa ni Lacierda.

Dugtong pa ni Lacierda nga si Presidente Aquino mihimo ug inter-agency committee (IAC) pinaagi sa Administrative Order No. 35 sa nakalabay nga Nobyembre aron pag-imbistigar sa mga pag-abuso sa tawhanong katungod sa  state ug non-state forces ug pagseguro sa nakaputing nga imbistigasyon ug madalion nga pagsulbad sa tanang wala masulbad ug mga bag-ong kaso.

"Aduna kitay task force mahitungod niini nga gitukod ni Presidente Aquino ug si Secretary Leila de Lima mao ang motutok sa sa mga extralegal killings. Busa kita ang nagbantay sa tanang mga extralegal killings," matud pa ni Lacierda.

Ilawom sa AO 35, ang kalihim sa Department of Justice nagsilbi isip chairperson sa IAC kansang mga miyembro naglangkub sa pangulo sa Presidential Human Rights Committee, ang mga kalihim sa Departments of the Interior and Local Government and National Defense, presidential advisers of the Peace Process and Political Affairs, chief-of-staff sa Armed Forces of the Philippines, hepe sa Philippine National police ug ang director sa National Bureau of Investigation.

Ang chairperson sa Commission on Human Rights ug Ombudsman molingkod isip mga observers ug resource persons sa IAC. (GCC/PCOO /PIA9-Pagadian City) 

Presidente Aquino mipadayag sa iyang pagkamatinud-anon pagsubay sa tul-id ug matarong nga dalan aron pag-usab sa nasud ngadto sa usa ka mauswagon nga nasud

By Gideon C. Corgue

PAGADIAN CITY, May 3 (PIA) –- Si Presidente Benigno S. Aquino III subli nga nagpadayag sa pagkamatinud-anon sa iyang administrasyon pagsubay sa tul-id ug matarong nga dalan pag-usab sa Pilipinas ngadto sa usa ka mauswagon nga nasud.

Sa iyang pakigpulong atol sa panagtigum uban sa mga local leaders ug komunidad sa Lingayen 1 Central School sa Barangay Maniboc, Lingayen, Pangasinan, ang hepe ehekutibo nagkanayon nga dili siya kapuyon paghimo sa iyang mando aron pagpalambo sa kinabuhi sa katawhan.

"Sa nakalabay nga bulan, milbot kita sa nasud aron nga ipatuman ang maayong pagdumala sa katawhan. Tungod sa wala ug tuo nato nga panagtapok adunay pipila ang nabalaka sa akong kahimtang sa panglawas. 

Ang gusto nakong isulti sa ilaha nga bisan ug akong gibati ang diyutay ng pag-ubo ug sip-on , kung asa man ako paingon ubay-ubay ka mga Pilipino naghatag nato ug kusog ug inspirasyon? Dili nako mabati ang sakit sa lawas kung kamo ang akong makaatubang ug tataw nga lig-on ang atong kusog sa tul-id nga dalan? Dili gayud ako kapuyon ug mas dili mawad-an sa kusog ug enerhiya ang mga Pilipino nga ipaabante ang kausaban sa nasud," matud pa sa Presidente.

Iyang titumbok nga ang administrasyon magpadayon sa pagpamuhunan sa mga mahinungdanon nga proyektong pang-imprastraktura aron pagpalambo sa agrikultura ug turismo sa lalawigan.

"Para sa agrikultura, nakumpleto na nato ang Macidem Small Reservoir Irrigation Project. Adunay napulo’g duha ka mga proyekto nga pang-irigasyon napahimuslan karon sa dul-an sa 1,500 nga mga mag-uuma sa nagkalain-laing dapit sa inyong lalawigan, ug aduna pay lima nga atong gipahimo," dugtong pa niya.

"Alang sa turismo, anaa ang Tarlac-Pangasinan-La Union Expressway Project. Idugtong nato ang maong lalawigan ug ipakusog ang biyahe sa 13,000 motorista matag-adlaw panahon nga mahuman nato ang Section 1 sa proyekto nga gikan sa Tarlac City padulong sa Rosales, Pangasinan," dugtong pa niya.(GCC/PCOO /PIA9-Pagadian City)