Ni Alfonso T. Ruda
DIPOLOG CITY, SEPT.
18,(PIA)---Gipangunahan
ni Presidente Benigno Aquino III kahapon (Lunes) ang paghatag sa pasidungog nga
Seal of Good Housekeeping for Barangay Governance ug pagpapanumpa sa mga
bag-ong membro sa Partido Liberal sa lalawigan sa Quezon.
Ang
pagpasidungog ug Good Housekeeping and Good Governance mao ang usa sa duha ka proyekto
ni Representante Irvin Alcala sa ikaduhang distrito sa Quezon. Ang Search gisugdan
niadtong Marso 2011 uban ang panabang sa nagkalain-laing mga non-government
organizations.
Ang
mga mananaog gipili base sa mosunod nga mga criteria: Good
planning (25 percent), sound fiscal management (15 percent), transparency and
accountability (15 percent), valuing performance information (10 percent),
responsiveness to the public (20 percent), ug policy audit ug compliance
tracking system (15 percent).
Ang Seal
of Goodsekeeping magpakita sa matang sa liderato ug kalidad sa serbisyo publiko
nga gihuptan sa mga Kagamhanang-Lokal, sa ilang pagtuman sa opisyal nga
transaksyon.
Ang maong
inisyatibo gilusad ni anhing DILG Sec. Jesse Robredo aron pag-improve sa pagdumala
sa mga kagamhanang-lokal ug sa pagpahigayon ug patigayon.
Human sa
awarding ceremony, gisaksihan sa Presidente ang pagpapanumpa sa mga bag-ong
membro sa Partido Liberal sa Quezon. Ang mga bag-ong membro naggagikan sa 39 ka
mga munisipyo ug duha ka dakbayan sa maong lalawigan.
Sa iyang mensahe
sa awarding ug oath-taking ceremony, gihisgutan sa Presidente ang bunga ug mga repormang gipatuman sa iyang
administrasyon sa nakalabayng 2 ka tuig. Gihatagan usab niya ug punto ang kamahinungdanon
sa oath-taking ceremony sa pag-uswag sa nasod.
Matod pa
ni Presidente Aquino, ang mga reporma hiniusang gipatuman ug dili kini niya
mahimong nag-inusara, busa gikinahanglan niya ang suporta sa katawhan aron
masigurong magpadayon ang implementasyon sa gikinahanglang reporma sa nasod.
Samtang
nakompleto sa iyang gobyerno ang 2 ka tuig sa gahum, ang Hepe Ehikutibo
nagkanayon nga iya karong gilantaw ang mas malambuon ug mauswagong Pilipinas sa
higayong manaog na siya sa gahum karong 2016..
Kauban sa Presidente sa kalihokan sa Lucena City
ang bag-ong natudlong Kalihim sa Department of Interior and Local Government
nga si Mar Roxas, Representante Erin Tañada, Mark Envirga, Irvin Alcala ug
kanhi Ssnador Wigberto Tañada.(ATR/PCOO/PIA9-Zambo
Norte)