Aquino midawat sa bag-ong napiling Presidente sa ADB didto sa Malakanyang

Ni Alfonso T. Ruda

DIPOLOG CITY, HUNYO 5(PIA) ---Gidawat ni Presidente Benigno Aquino III karong adlawa (Hunyo 5) didto sa Malakanyang ang bag-ong napiling Presidente sa Asian Development Bank(ADB) nga si Takehiko Nokao.

Si Nokao mi-asumer sa iyang katungdanan isip ika-siyam nga Presidente sa ADB niadtong Abril 28, puli kang Haruhiko Kuroda, kinsa mikanaog sa puwesto niadtong Marso.

Si Nokao nakahupot na ug pipila ka dakgong posisyon sa Ministry of Finance nga iyang gisudlan niadtong 1978.

Sa wala pa siya matudlo sa ADB, si Nokao nahimo unang Vice Minister of Finance for International Affairs, diin nakakuha siya ug mahinungdanong kasinatian sa natad sa kalibutanong panalapi ug kalambuan, naka-establisar ug hugtanong diha sa kalibutanong pangkalambuang komunidad.

Naghupot usab siya ug Bachelor of Arts in Economics degree gikan sa University of Tokyo ug Master of Business Administration gikan sa University of California sa Berkeley, California.

Matod pa ni Nokao, iya karong gilantaw ang pagpakigtrabaho uban sa mga nakataya ug katambayayong sa ADB sa kalambuan aron padayong batukan ang kawad-on ug mapadayon ang paglambo sa rehiyon sa Asya-Pasipiko.

Dinhi sa Pilipinas, ang ADB nagbubo ug dagkong puhonan sa edukasyon, agrikultura, enerhiya, panalapi, panglawas, patigayon, public sector ug sektor sa sa transportasyon ug komunikasyon.

Karong tuiga, gi-aprobahan sa ADB ang pipila ka mga proyekto dinhi sa Pilipinas na naglakip sa papasilidad sa pagpanarbaho alang paglambo, paghimong competitive sa turismo ug nasudnong pangkalambuang programa base sa panginahanglan sa usa ka komunidad.

Ang bangko nagsugyot usab ug mga proyekto alang sa kanunayng pag-usab-usab sa klima ug pagpananom ug kahoy, pagpalambo sa edukasyon, pagpalambo sa kalsada ug mga “institutional development” ug mga “water supply development projects.” (ATR/PCOO/PIA9-Zambo Norte)  

Aquino nanawagan sa mga social workers nga makigtrabaho sa kagamhanan pagpanalipod sa kalikupan, pagpangadandam sa katalagman ug pagpakunhod sa peligro nga lakang

By Gideon C. Corgue 

PAGADIAN CITY, June 4 (PIA) –- Si Presidente Benigno S. Aquino III nanawagan sa mga social workers nga hiniusang magtrabaho uban sa kagamhanan paglusad sa mga nagkalain-laing kalihokan alang sa pagpanalipod sa kalikupan,pagpangandam sa katalagman ug pagkunhod sa peligro.

"Aron pagtaas sa mga hagit nga gidulot sa pag-usab sa klima, kita ang maggama ug kasabutan tali sa mga nasud ug molusad sa mahinungdanon nga lokal nga buluhaton alang pagpanalipod sa kalikupan , pagpangandam sa katalagman, ug pagkunhod sa peligro," ang hepe ehekutibo nagkanayon sa iyang mensahe sa international social workers organizations sa okasyon sa 2013 Asia Pacific Regional Social Work Conference. 

Ang International Federation of Social Workers Asian & Pacific Association for Social Work Education, ang Philippine Association of Social Workers, Inc. ug ang National Association of Social Work, Inc. gibuksan ning Martes ang  2013 Asia Pacific Regional Social Work Conference sa Manila Hotel.

Ang conference kinsa adunay tema nga "Social Work Amidst Climate Change and Disaster Risk Reduction and Management: Building Capacities and Global Partnership" matapos karong Huwebes.

"Ang inyong kabatid isip mga ahente sa sosyal nga kausaban nakahatag ug epektibo ning maong straktura pinaagi paghatag ug pasalamat sa atong mga  ethno-cultural milieu sa lokalidad nga sibo sa partikular nga panginahanglan sa atong komunidad," matud pa sa Presidente.

"Hinaut nga kini nag panagtigum makatabang sa pagpatuman ning agenda, ug motukod sa hataas nga commitment sa kalamboan sa tibuok rehiyon," matud pa niya. (GCC/PCOO/PIA,Pagadian City)