By Gideon C. Corgue
PAGADIAN CITY, June 3 (PIA) –- Si Presidente Benigno S. Aquino III mipirma sa pagkabalaod sa balaodnon nga nag-usab sa sayo pa niini nga Republic Act nga nagkontrol pagpamutol sa mga lubi, si Deputy Presidential Spokesperson Abigail Valte mibalita ning Domingo.
Nakighinabi sa press briefing nga gipalanog sa dzRB Radyo ng Bayan, si Valte nagkanayon nga si Presidente Aquino mipirma ning nakalabay nga Mayo 29 sa Republic Act 10593 “nag-usab sa pipila ka mga probisyon sa Akta Republika 8048 kon gitawag nga ang an Act Providing for the Regulation of the Cutting of Coconut Trees, Its Replenishment, and Providing Penalties Thereof.”
Gihatagan ug gibug-aton ni Valte ang mga mahinungdanong punto sa bag-o nga balaod nga wala lamang nagdili apan nagtugot sa mga exemptions pagputol sa mga lubi.
“Una niana mao kung ang tanom 60 ka tuig na ug anaa sa tag-as nga varieties ug 40 ka tuig nga mugbo nga varities; Kung dili economically productive ‘ang lubi; Kung ang lubi gitakboyan pag-ayo sa sakit ug nagpailawom sa rehabilitasyon; Kung ang tanom maayo pagkagusbat sa bagyo ug kilat; kung ang agricultural land alang sa coconut production i-convert subay sa balaod ma-residential, commercial o bakaha industrial area; ug kung ang yuta nagugol na sa coconut production ug na-convert na sa laing gamit nga pang-agrikultura, basta lang nga mangayo sa tag-iya ug pagtugot alang sa conversion,” matud pa ni Valte.
Gidugtong pa niya nga ang mga exemptions pagputol sa mga lubi ang mahimo kung ang kahoy makahatag ug kadaut sa kinabuhi ug kabtangan.”
“Nakabutang usab sa mga kalapasan kung naa ang mga paglapas sa ginadili niini,” matud pa ni Valte. (GCC/PCOO/PIA,
