Pilipinas,Vietnam mibag-o sa ilang panaghigala ug kooperasyon

Ni Alfonso T. Ruda

DIPOLOG CITY, SEPT.10(PIA)…Subling gibag-o sa Pilipinas ug Vietnam ang ilang halawom nga panaghigala ug kooperasyon pinaagi sa hugtanong pagtrabaho uban sa usag-usa sa tinguhang matubag ang mga problemang giatubang sa duha ka nasod.

Si Presidente Benigno Aquino III ug Vietnamese Pres, Truong Tan Sun nagpahigayon ug bilateral meeting sa kiliran sa gipahigayong Asia-Pacific Cooperation (APEC) Leaders’ Summit sa Far Eastern Federal University sa Ruskiv Island sa Rusya.

“Kini maoy pagbag-o sa halawom nga panaghigala sa duha ka nasod ug ang parehong problema nga ilang giatubang may kalabutan sa panag-ilog sa West Philippine Sea,” matod pa ni Foreign Affairs Secretary Albert del Rosario, kinsa kauban sa Presidente sa gipahigayong bilateral meeting.

“Nahimo nang partner sa Pilipinas ang Vietnam sa natad sa kooperasyon, busa atong tan-awon kon unsaon pagtubag sa duha ka nasod ug magtrabaho uban sa lain pang mga nasod sulod sa ASEAN ug uban sa mga dialogue partners sa pagpadas-og sa tinguha alang sa malinawong resolusyon sa problema sa giilongang teritoryo subay sa kalibutanong balaod,” dugang pa ni del Rosario.

Gawas kang del Rosario, kauban sa maong miting sila si Finance Secretary Cesar Purisima, Energy Secretary Rene Almendras, Trade Secretary Gregory Domingo, Socioeconomic Planning Secretary Arsenio Balisacan, ug Presidential Spokesperson Edwin Lacierda, Presidential Protocol Chief Ambassador Miguel Perez-Rubio, Philippine Ambassador to Moscow Alejandro Mosquera and Foreign Affairs Undersecretary Laura del Rosario.

Sa bahin sa Vietnam, mitambong sa miting sila Foreign Affairs Minister Pham Minh, Presidential Office Chairman Dao Viet Trung, Industry and Trade Minister Vu Huy Hoang, Planning and Investment Vice Minister Dang Huy Dong, ug Assistant to the President Nguyen Van Thao, Ministry of Foreign Affairs Director General Vu Hong Nam. (ATR/PCOO/PIA9-Zambo Norte)

2013 pondo sa DOH magdala’g mas maayong kaayohan sa tanang Pilipino

ni Claro A. Lanipa

Pagadian City, Sept 10 (PIA) – Gibutyag ni Health Secretary Enrique Ona nga ang 2013 giduso nga pondo alang sa Department of Health (DOH) ug mga sangang ahensiya niini makatabang ug dako sa integrated economic and development framework sa administrasyong Aquino, nga nagtutok sa pagpakunhod sa kawad-on ug paghatag gahom sa mga kabos. Kining   pondo 25 porsiento mas labaw kaysa gi-aprobahan nga pondo sa 2012.

Ang programang Kalusugan Pangkalahatan (KP) kon Universal Health Care (UHC)  sa DOH usa ka imporatanteng bahin sa integrated anti-poverty framework, gilangkoban sa Pantawid Pamilyang Pilipino Program (4Ps), edukasyon ug  pamalay. Unang gitutok sa KP mao ang 5.2 milyon pinaka-kabos nga pamilya nga giila sa National Household targeting System for Poverty Reduction (NHTS-PR) sa Department of Social Welfare and Development (DSWD).

“Kinahanglan ato kining suportahan nga pondo sa DOH alang sa 2013 aron sa pagpadayon nato sa pagtukod sa naangkon mga kaayohan sa 2010-2012 ug mopadayon sa direktamente, hinanaling ug hinungdanon mga benepisyo sa panglawas alang sa  mga tawo, ilabi ang mga kabos,” miingon si Sec. Ona atol sa gipahigayon pagpasundayag atubangan sa Senate Committee on Finance, nga gipangulohan ni Senador Franklyn Drilon.

Ang giduso nga 2013 nga pondo sa P54.6 bilyon naglangkob sa P39.5 bilyon alang sa Office of the Secretary; P304.5 milyon alang sa Commission on Population; P327 milyon alang sa National Nutrition Council; P13.5 bilyon alang sa Health Facilities Enhancement Program, ubos sa Priority Social and Economic Projects Fund; P908 milyon alang sa specialty hospitals; ug P40 milyon alang sa Philippine Institute for Traditional and Alternative Health Care. (DOH/CAL/PIA9) 

One-on-one meeting ni Presidente Aquino kang Presidente Hu Jintao sa China magpadayon, matud pa ni Del Rosario

Ni  Gideon C. Corgue

PAGADIAN CITY, September 10 (PIA) – Ang one-on-one meeting ni Presidente Benigno S. Aquino III kang  Chinese counterpart President Hu Jintao ang magpadayon, matud pa Foreign Affairs Secretary Albert del Rosario ning bag-o pa lang.

Si Del Rosario nagkanayon nga ang format sa bilateral meeting tali ni Presidente Aquino ug Presidente Hu ang na-finalized na ug sila ang nagpaabot sa final nga petsa ug oras ug kanus-a ang ilang panagtagbo mapahigayon.

“Kini ang mapahigayon,” si Del Rosario mipahayag sa mga ginsakpan sa Philippine media nga nagcover sa APEC summit. “Akong gituhuan nga ang ilang panagtagbo mahitabo subay sa bag-o nga schedule sa Presidente,” dugang pa niya.

Si Del Rosario tipik sa official delegation ni Presidente Aquino sa 20th Asia-Pacific Economic Cooperation (APEC) Leaders' Meeting nga gipahigayon sa Russkiy Island, Vladivostok, Russia gikan sa Septyembre 8 ngadto sa 9.

Ang Foreign Affairs Secretary nagkanayon nga ang panagtagbo tali sa duha ka mga pangulo ang mahitabo sa pagtapos sa APEC summit..

Matud pa niya nga ang gikabangian nga pag-angkon sa West Philippine Sea gilauman nga pagatukion atol panagsultihanay sa duha ka mga nasud. “Seguro ako nga kini ang pagatukion. Kini mao ang malisod nga hisgutan nga dili kalikayan sa ilang panagsultiahnay tali sa Pilipinas ug China,” dugang pa niya.

Apan giingon ni kalihim del Rosario nga ang isyu sa West Philippine Sea dili mao ang 

kinatibuk-an sa relasyon tali sa Pilipinas ug China.

“Sa ilang katapusa nga panagtagbo dihang ang Presidente gidapit sa state visit sa China dihang adunay gikasabuan nga ang panagbangi sa South China Sea dili mao ang kinatibuk-an sa ilang relasyon,” matud pa niya atol sa interview uban ang Philippine media.

“Ang gusto nato buot mahitabo mao nga mobalik kita sa maong kasabutan nga mahinungdanon nga nagpadayag nga ang mga nasangpit nga mga pangulo gusto nga ipadayon ang bilateral agenda ug ang mga isyu,” dugang pa niya. (GCC/PCOO/PIA9-Zambosur)