Palasyo mipahayag nga ang kagamhanan andam pag-abag sa mga Pilipino nga nahiapil sa hostage crisis sa Algeria

By Gideon C. Corgue

PAGADIAN CITY, January 19 (PIA) –- Ang Malakanyang mipahayag ning bag-ohay pa lang nga kini ang andam paghatag sa hingpit nga tabang sa mga Pilipino nga nahiapil sa kasong pagkidnap sa Algeria tungod kay ang prayoridad sa kagamhanan mao ang paghatag kaseguruhan sa mga Pilipino nga anaa sa maong nasud.

Sa press conference sa Malakanyang, si Deputy Presidential spokesperson Abigail Valte nagkanayon nga sila ang nakadawat ug kasayuran nga adunay mga patay sa nagpadayon nga military operations sa Algeria human sa kasong pagkidnap ning semanaha. Pipila sa mga namatay mao ang mga Pilipino, matud pa sa mga taho.

Ang opisyal sa palasyo nagkanayon nga ang Philippine post sa Tripoli, Libya nga adunay hurisdiksyon sa Algeria ang nagpakisusi sa maong taho.

“Human nga kita ang nakakonpirma kung aduna bay pipila nga namatay nga mga Pilipino, ang post sa Tripoli makigtrabaho aron nga makuha ang pinakadali nga detalye aron pag-ila sa ilang kahimtang sa maong nasud aron kita ang makahatag ug panabang nga gikinahanglan alang kanila ug sa ilang mga minahal sa kinabuhi,” matud ni Valte.

“Kini ang nagkinahanglan nga pag-ila o tabang alang sa pagpabalik kung ang ilang mga employers dili makahimo niini. Andam kita nga mohatag ug tabang,” gidugtong pa niya.

Gikataho nga adunay duha ka mga Pilipino ang namatay sa nahitabong hostage sa Algeria. Matud pa ni Valte nga ang Palasyo nagpaabot sa mga taho gikan sa Department of Foreign Affairs kinsa gitahasan sa iyang post sa Tripoli aron pagpapakihisayud sa maong insidente.

Pipila sa mga kagamhanan ang nagpdayag sa ilang pagpakabana kung unsaon sa kagamhanan sa Algeria modumala sa maong kahimtang, ang mga tigbalita nangutana kang Valte kung ang Pilipinas makig-uban sa laing mga nasud aron pagduso sa maong pakihisayud kung giunsa nila ang operation paghimo.

Matud pa ni Valte nga sa kasamtangan, ang nag-una nga gihimo sa kagamhanan mao ang pagsusi sa kahimtang sa mga Pilipino kinsa nahimong kabahan sa hostage-taking incident. (GCC/PCOO/PIA9-Pagadian City)

Presidente Aquino mihagit sa AFP pagtuman sa iyang mando paghatag kaseguruhan sa kahusay ug kalinaw ug pagpatunhay sa katarong sa umaabot nga piniliay

By Gideon C. Corgue

PAGADIAN CITY, January 18 (PIA) –- Si Presidente Benigno S. Aquino III mihagit sa Armed Forces of the Philippines (AFP) pagtuman sa iyang katungdanan pagseguro sa kahusay ug kalinaw ug pagpatunhay sa katarong sa 2013 mid-term elections sa nasud. 

Sa iyang pakigpulong atol sa Testimonial Review pagpasidungog sa kanhi Chief of Staff nga si AFP General Jessie D. Dellosa ug Change of Command Ceremony nga gipahigayon sa AFP General Headquarters, Camp General Emilio Aguinaldo dakbayan sa Quezon ning Huwebes, ang Hepe Ehekutibo mipasidungog sa mahinungdanong kaakuhan sa AFP pagpatunhay sa katarong sa piniliay sa nasud.

"Ang ang akong hagit sa inyo: Ang AFP lakip na ang atong kapulisan adunay obligasyon nga seguruhon nga mapahigayon nga linaw ug may

Katarong ang umaabot nga piniliay. Buot nato nga mopatigbabaw ang tingod sa katawhan ug dili mabahiran sa kahadlok ug kapintas," matud pa sa
Presidente.

Si Presidente Aquino nag-ingon nga siya ang naglaum nga ang AFP karon ilawom sa liderato ni Lieutenant General Emmanuel T. Bautista pagtuman sa soberenya, pagsuporta sa batakang balaod, ug pagdepensa sa teritoryo sa Republika sa Pilipinas batok sa tanang kaaway.

"Ang batakang balaod ang angay ninyong dapigan; ang katawhan ang angay ninyo nga dapigan. Tahura ninyo ang katungod sa katawhan nga gawasnon nga makapili sa ilang mga lider. Ang gusto nato mao ang matinud-anon, patas, ug subay sa balaod ang nagsingabot nga eleksyon gikan sa kampanya hangtud sa proklamasyon sa mga bag-ong pangulo," matud pa niya.

Sa pagtimaan sa Revised Armed Forces of the Philippines Modernization Act sa nakalabay nga Desyembre, si Presidente Aquino nagpahayag sa iyang pagtuo nga ang AFP nga makahimo na sa maayo sa iyang mando pagsunod sa kaharian sa nasud ug pagpanalipod sa territorial integrity sa nasud sa tanang panahon. (GCC/PCOO/PIA9-Pagadian City)

Aquino nagtudlo ug mga bag-ong opisyales sa nagkalain-laing ahensya ug sa hudikatura

By: Mary May A. Abellon

DIPOLOG CITY,JAN. 18 (PIA)--- Si Presidente Benigno S. Aquino III bag-ohay lang kay nagtudlo ug mga bag-ong opisyales sa nagkalain-laing ahensya sa kagamhanan lakip na sa hudikatura, matod pa sa opisyal sa palasyo.

Kini ang gi-asoy ni Deputy Presidential Spokesperson Abigail Valte  sa “regular press briefing”  sa Malakanyang karong Biyernes. 

Gipirmahan sa Hepe Ehekutibo ang “appointment letter” ni Jose Z. Grageda isip usa ka “Acting Undersecretary” sa Department of Agrarian Reform, hulip kang Narciso B. Nieto.

Gitudlo usab sa presidente si Janice F. Santos isip “Assistant Secretary” sa Office of the Cabinet Secretary. 

Gipangalanan sa presidente ang usa ka Jose Mari M. Oquiñena isip “Acting Director-General” sa Philippine Information Agency (PIA), ubos sa pagdumala sa Presidential Communications Operations Office (PCOO), puli kang Jose A. Fabia ug si Allan B. Gepty isip “Deputy Director General” sa Intellectual Property Office ilalom sa Department of Trade and Industry (DTI).   

Ang uban pang mga bag-ong gitudlong mga opisyales mao kining mga musunod: 

-  Judge Leah de los Reyes Baguyo isip presiding judge sa Puerto Princesa, Palawan Regional Trial Court (RTC) Branch 48;

- Judge Ambrosio B. de Luna isip presiding judge sa Puerto Princesa, Palawan RTC Branch 51;

- Judge Beatrice Alvarez Medina isip presiding judge sa San Mateo, Rizal RTC Branch 75;

- Judge Luvina Padolina Roque isip presiding judge sa San Pablo City, Laguna RTC Branch 29;

- Judge Napoleon Matienzo isip presiding judge sa Gumaca, Quezon RTC Branch 62;

- Judge Maria Christine Isabel Z. Falguera-Guerrero isip presiding judge sa San Pablo City, Laguna Municipal Trial Court in Cities Branch 2;

- Judge Rean G. Arizala-Joaquin isip presiding judge sa San Pablo City, Laguna Municipal Trial Court in Cities Branch 3;

- Judge Mederlyn P. Mangalindan isip presiding judge sa Cavite City Municipal Trial Court in Cities Branch 1;

- Judge Melinda B. Mantilla isip presiding judge sa Claver-Gigaquit, Surigao del Norte, 4th Municipal Circuit Trial Court;

- Judge Ronilo A. Beronio isip presiding judge sa Roxas-Cagayancillo, Palawan Municipal Circuit Trial Court;

- Judge Eric S. Fortaleza isip presiding judge sa Sta. Cruz, Laguna Municipal Trial Court;

-Judge Crisostomo J. Dañguilan isip presiding judge sa Cabuyao, Laguna Municipal Trial Court;

- Judge Katherine C. Jambaro-Altubar isip presiding judge sa Angono, Rizal Municipal Trial Court; ug

- Edward M. Togonon isip Prosecutor V sa buhatan sa City Prosecutor- Manila, National Prosecution Service ubos sa Department of Justice. (MAA/PCOO/PIA9-Zambo Norte)