Framework Agreement pirmahan na sa gobyerno ug MILF sunod semana

Ni Alfonso T. Ruda

DIPOLOG CITY, OCT. 11(PIA)---Nakatakdang pirmahan na sa gobyerno ug Moro Islamic Liberation Front(MILF) karong umaabot nga Lunes, Oktubre 15, 2012, ang Framework Agreement nga nagtumong pagtapos sa pila na ka dekadang kagubot sa Mindanao nga milungtad na ug duha ka henerasyon ug mikalas na ug gatusan ka mga kinabuhi.

Sa gipahigayon press conference, Si Presidential Spokesperson Edwin Lacierda nagkanayon nga lakip sa gilaumang motambong sa pagpirma sa kasabutan mao sila si Malaysian Prime Minister Datuk Seri Najib Tun Razak, MILF Chairman Al Hadj Murad, MILF contingent ug uban pang partners nga nakatabang ug dako sa malampusong pagtapos sa negosasyon didto sa Malaysia.

Ang mahitabo karong Lunes mao usab ang labing unang higayon nga motunob si Murad sa Malakanyang, matod pa ni Lacierda.

Sa dili pa pirmahan ang Framework Agreement, magpahigayon una ug bilateral meeting sila si Malaysian Prime Minister Datuk Seri Najib Tun Razak ug Presidente Benigno Aquino III.

Gipatin-aw ni Lacierda nga ang pirmahan mao ang Framework Agreement ug dili ang mga annexes, tungod kay ang Framework Agreement maoy magsilbing pundasyon para sa detalyadong implementasyon sa kasabutan sa kalinaw.

Isip reaksyon sa taho nga kono gipahayag sa Moro National Liberation Front nga gibati nilang gilimbungan sila sa Framework Agereement, si Lacierda miingon nga ang MILF ug MNLF dunay nagkahiusang kasabutan ug nga ang MNLF kanunay tipik sa himoong negosasyon. Mahimo usab kining tipik sa pagpanday sa Bangsamoro Basic Law, matod pa ni Lacierda.

Niadtong miaging semana, gipahibalo ni Presidente Aquino nga hapit na pirmahan  ang Framework Agreement sa gobyerno ug MILF.

Ilalom sa Framework Agreement, matawo ang bag-ong political entity nga pagatawgon ug Bagnsamoro, puli sa kasamtangang Autonomous Region in Muslim Mindanao(ARMM).

Human mapirmahan ang Framework Agreement, mo-isyo dayon si Presidente Aquino ug Orden Ehikutibo nga magpabarog sa Transition Commission nga morekomendar sa pandayong balaodnon ngadto sa kongreso nga magmugna sa Bangsamoro Congress nga maoy magtuki o magdeliberate sa Bangsamoro Basic Law, sumala pa sa Hepe sa mga negosyador sa gobyerno nga si Marvic Leonen.

Ang komisyon nakatakdang magpahigayon ug konsultasyon sa mga maapektuhang lugar aron makuha ang ilang pulso sa gisugyot nga ipabarog nga Bangsamoro.

Matod pa ni Leonen ang kasamtangang Autonomous Region in Muslim Mindanao magpabiling magpakabuhi hangtud nga mapanday na sa kongreso ang bag-ong balaod.(ATR/PCOO/PIA9-Zambo Norte)

Presidente Aquino mitumbok sa mga natampo sa kooperatiba sa nasud pagpalambo sa kinabuhi sa mga kabus nga sektor sa katilingban

Ni Gideon C. Corgue

PAGADIAN CITY, October 11 (PIA) – Si Presidente Benigno S. Aquino III mihatag gibug-aton sa natampo sa kooperatiba sa nasud pagpalambo sa kinabuhi sa katawhan ilabi na gayud ang mga kabus.

"Ang cooperative model nagpamatuod sa iyang kamahinungdanon pagpalambo sa atong mga katawhan gikan sa kawad-on pinaagi pagtanyag kanila sa mga kahigayonan alang sa ilang paglambo nga personal ug pinansyal," ang hepe ehekutibo nagkanayon sa iyang mensahe sa Philippine Cooperative Center (PCC) sa okasyon sa iyang ika-11 ka tuig nga National Cooperative Summit on Wednesday. 

Ang PCC uban sa pakig-alayon sa Cooperative Development Authority (CDA) nagpahigayon sa 11th National Cooperative Summit nga nagsugod adtong Miyerkoles sa Atrium of LimKetKai Center sa dakbayan sa Cagayan de Oro. Ang tulo ka adlaw nga kalihokan matapos sa Oktubre 12.

Ang tema sa maong panagtigum ning tuiga mao ang  “cooperative leaders is Cooperative Enterprises Build a Better Philippines"

" Sanglit ang pinakadako nga panagtigum sa mga pangulo sa kooperatiba sa tibuok nasud, ning maong katiguman naghimo sa kamahinungdanon sa mga bag-o nga direksyon aron pagpaabante sa mga prinsipyo sa kooperatiba," matud pa ni Presidente Aquino.

Siya ang mipahayag mga ang maong panagtigum nagsulbad sa mga panginahanglan alang sa hinusa nga paningkamot sa komunidad nga nagsuporta sa panginabuhian ug nag-awhag sa ilang kakugi.

"Hinaut nga kamo ang magpadayon pag-usab sa kinabuhi ug motuman sa inyong papel isip maoy paagi sa kalamboan. Hinaut nga magpabilin kamo nga gigiyahan sa mga mithi sa kadasig, katarong, ug kamaayo sa inyong mga trabaho samtang kita ang mokab-ot  sa atong hiniusa nga tumong sa mahayag nga kaugmaon alang kanatong tanan nga mga Pilipino," matud pa niya. (GCC/PCOO/PIA9-ZamboSur)