Sin tax bill makatabang sa dugang nga 5.2 milyones nga pamilyang Pilipino, matud pa ni Drilon

Ni Gideon C. Corgue

PAGADIAN CITY, November 12 (PIA) – Si Senador Franklin Drilon mipahayag ning Domingo nga dugang 5.2 milyones nga mga kabus nga pamilyang Pilipino ang ma-enroll sa Philippine Health Insurance Corp. (PhilHealth) program kung ang sin tax reform bill ang mapasa pagkabalaod.

”Kung kita ang makapasa sa maong balaodnon, dugang 5.2 milyones nga pamilyang Pilipino  nga gikan sa ikaduha nga pinakaubos nga income group ang ma-enroll sa P2,400 matag tuig nga premium sa PhilHealth,” si Drilon mipahayag sa interview sa radyo.

Sa kasamtangan, si Drilon nagkanayon nga ang kagamhanan mibayad sa P2,400 matag tuig alang sa matag usa nga na-enroll nga 5.2 milyones nga pamilya.

”Sa kinatibuk-an, sobra sa 10 milyones nga pamilyang Pilipino ang mahatagan ug libre nga  PhilHealth insurance kung kita ang makapasa sa pagkabalaod ning maong balaodnon,” pagpadayag ni Drilon.

Si Drilon nagkanayon nga ang iyang Senate committee on ways and means nakatutok pagpasa sa maong balaodnon sa Nobyembre 19.

”Atong target mao ang pagbotar sa third and final reading sa ika- 19 sa Nobyembre aron nga kita ang makapasa sa ika-20 0 21 sa giplano nga 2013 national budget. Kana mao ang atong gipunting,” matud pa ni Drilon.

Ilawom sa Senate Bill No. 3299, si Drilon mipahayag nga ang kagamhanan makakuha sa P40 ngadto sa 45 bilyones sa una nga tuig sa iyang pagpatuman.

”Ang atong tumong mao ang pagkolekta sa mga buhis gikan sa sin products ilabi na ang tabako ug produktong alcohol,” matud pa ni Drilon.

Si Drilon mitaho nga ang Department of Health (DOH) nagkinahanglan ug P12.5 bilyones sa dugang nga  5.2 milyones nga family enrollees sa PhilHealth.

Matud pa ni Drilon nga 60 porsiyento sa 17 milyones nga Pilipino kinsa ang nanabako ang nagagikan sa kabus nga pamilyang Pilipino.

Ang senador mipahayag nga ang Pilipinas adunay pinakaubos nga presyo sa mga sigarilyo sa Asia nga miresulta sa sobra sa  80,000 nga namatay tungod sa cigarette smoking-related diseases.

Matud pa niya nga subay sa pagtuon sa  Philippine General Hospital, ang produksyon ug bili sa public health mao ang P155 bilyones.

”Nagpasabot nga tungod sa premature nga kamatayon ug sakit, ang epeketo mao ang productivity sa atong nasud ug galastohan sa mga balay-tambalanan,” matud pa ni Drilon.

Si Drilon nagkanayon nga siya ang naglaum nga ang balaodnon ang pirmahan pagkabalaod ni Presidente Benigno S. Aquino III sa dili pa matapos ang tuig. (GCC/PCOO/PIA9-ZamboSur)