Presidente Aquino mipahayag nga ang edukasyon mopalambo sa P292.7- bilyones nga budget

By Gideon C. Corgue

PAGADIAN CITY, December 7 (PIA) –- Si Presidente Benigno S. Aquino III nagkanayon ning Huwebes nga ang P292.7-bilyones nga budget nga gigahin sa Department of Education gikan sa 2013 General Appropriations Act pagagamiton aron pagpalambo pagtanyag ug edukasyon pagtanyag sa edukasyon sa mga tinun-ang Pilipino pinaagi pagtukod ug pagpahimutang sa dugang nga mga lawak-klasehanan, pagpalit sa daghan nga mga libro, ug pagseguro nga ang mga suhulan sa mga magtutudlo mabayran sa tukma nga panahon.

Sa iyang pakigpulong sa Ten Accomplished Youth Organizations (TAYO) awarding ceremony sa Malakanyang ning Huwebes, ang Presidente nagkanayon nga human sa hataas nga panahon, ang kagamhanan karon ang anaa na sa maayong kahimtang pag-aksyon sa mga reklamo sa katawhan sa maayong nga edukasyon alang sa atong mga kabataan.

“ Sa matarong dalan, namuhunan kita sa dekalidad nga edukasyon alang sa atong mga kabataan, busa atong gibubo sa DepEd ang pinakadako nga bahin sa budget sa 2013,” matud pa sa Presidente.

“Nagahin kita sa 292.7 bilyones pesos nga pundo para sa edukasyon, aron nga ang atong gisunod nato nga 66,800 nga tiwasonon nga mga lawak klasehanan ug ang makahadlok nga kakulangon sa mga kasangkapn sa eskwelahan ang matubag na,” dugtong pa niya.

Ang Presidente mihatag kaseguruhan sa hingpit nga pagpatuman ning maong budget ngadto sa katapusang sentimo.

“Ang matag-sentimo ning maong pundo ang nakapunting pagtukod sa bag-o nga mga lawak-klasehanan, pagpaayo sa mga naguba nga mga edepesyo, pagbansaybansay sa mga magtutudlo, ingon man ang pagpalit sa daghan nga mga libro, lingkuranan ug lamesa sa mga nag-eskwelang kabataan,” matud pa sa Presidente. (GCC/PCOO/PIA,Pagadian City) 

Kagamhanang Aquino nalipay sa mga taho nga ang inflation miubos sa 2.8 porsiento sa Nobyembre

By Gideon C. Corgue

PAGADIAN CITY, December 7 (PIA) –- Ang administrasyong  Aquino nagpadayag sa iyang kalipay sa mga taho nga ang inflation sa bulan sa Nobyembre mikunhod ngadto sa 2.8% gikan sa 3.1% sa Oktubre, ang opisyal sa Palasyo nagkanayon ning bag-o pa lang.

Si Presidential Spokesperson Edwin Lacierda mipagula sa pamahayag human sa mga taho nga ang inflation rate sa nasud mikunhod sa Nobyembre gikan sa nakalabay nga bulan nga nagdasig pag-ayo paglambo sa ekonomiya.

"Kini ang nahitukma dihang ang ekonomiya sa Pilipinas miuswag sa lig-on nga 7.1% sukwahi sa mga pangagpas nga ang paspas nga pag-uswag sa ekonomiya kasagaran pagakakuyugan sa gitawag nga inflationary pressures," matud pa ni Lacierda.

Matud pa usab sa  National Statistics Office (NSO), nga ang pagpasayon sa inflation nagsumikad sa lig-on nga mga presyo sa pagkaon ug sa mga dili ilimnon ug mga sakyanan. 

"Kini nga gamay nga pagkunhod sa inflation nagdala sa consumer price index gikan sa Enero hangtud sa Nobyembre ning tuiga sa 3.2% kon maayo sa ubos pa sa medium-term target sa 3-5% nga natala sa Philippine Development Plan," matud pa ni Lacierda.  (GCC/PCOO/PIA,Pagadian City)