Sa iyang mensahe atol sa iyang panagtigum uban sa mga lokal nga lideres sa dakbayan sa General Santos, ang Presidente nagkanayon nga pipila sa mga tawo ang nangutana kaniya kung unsaon niya pagseguro nga ang mga reporma ug mga inisyatibo batok sa pagpangurakot ang nagsugod sa kagamhanan ang magpadayon human sa iyang termino sa pagpangatungdanan.
“Gipanguntana ako, ‘unsay mahitabo sa imong pagnaog sa 2016?’ Nagbakasyon lang ba kita ug sa 2016 balik ba sa naandan? Ingon ko, ‘Lig-on ang akong pagtuo sa mga Boss ko; gipangita nila ako, makapangita sila usab ug mopuli kanako nga ipuli ka nako nga magpadayon ang atong gihimo,’” matud pa niya.
Apan sa kasamtangan, iyang giingnan ang mga katawhan sa dakbayan sa General Santos nga siya ang nanginahanglan ug tawo kinsa ang motabang kaniya sa reform agenda sa iyang administrasyon.
Iyang giawhag sila nga mosuporta sa senatorial slate sa coalition aron pagseguro nga ang mga reporma magpadayon sa iyang lehislatura. Siya usa ang nag-awhag sa mga katawhan sa nasangpit nga dakbayan nga mopaluyo sa mga lokal nga mga kandidadto sa administration party.
Ang Presidente nagkanayon nga siya ang masaligon nga ang mga katawhan mosuporta sa mga kandidadto sa administrasyon tungod kay kini ang ilang gihimo kaniadto dihang siya ang midagan pagka presidente sa 2010, ang katungdanan nga iyang nadag-agan atol sa maong piniliay.
Ang pagpakigbatok korupsyon ug reporma sa mga buhatan ang karon namunga na. Sama pananglit ang kagamhanan ang naghinlo na sa kanhi nabulingan nga Department of Public Works and Highways (DPWH), kinsa nakadaginot sa dakong bili sa kwarta sa iyang mga bag-o nga mga proyekto. (GCC/PCOO/PIA9-Pagadian City)
