PAGADIANCITY, August 10 (PIA) – Si Presidente
Benigno S. Aquino III mitumbok sa mahinungdanon nga papel sa local government
units pagtabang sa nasudnong kagamhanan pagsulbad sa mga suliran nga gidulot sa
natural nga kalamidad tungod kay sila ang first line of defense pagtabang sa
katawhan sa mga kalisdanan sama sa pagbaha.
“Dako nga butang kung sama ning maong
makalilisang nga panghitabo, dakong tabang ang local government units,” matud
pa sa Presidente.
“Sila ang una nga naa sa lugar, sila ang una nga moresponde,” dugtong pa niya.
Ang Presidente nagpasalamat ni Quezon
City Mayor Herbert Bautista, Vice Mayor Joy Belmonte ug Kongresista Winston
Castelo tungod sa madaliong pag-aksyon sa pagtabang sa ilang mga lumulupyo
kinsa ang labihan nga naapektuhan sa mga pagbaha.
“Dako ang among pagsalig nga giatiman nila ang atong mga katawhan,” matud pa sa
Presidente. (GCC/PIA9-Zambosur)
DIPOLOG CITY, AUG.
10(PIA)--- Human
niya tubaga ang problema sa mga residente sa Marikina City, subling gipahayag
ni Presidente Benigno Aquino III ngadto sa mga residente sa Dakbayan sa Quezon
nga gitrabahona karon sa iyang administrasyon ang pagpanday ug permanenteng
solusyon sa tinuig nga problema sa pagbaha human ang makusog nga ulan.
Sa
iyang pagpakigpulong atubangan sa mga apektadong residente nga kasamtangang
nanimuyo sa Bagong Silangan basketball gym sa dakbayan sa Quezon, ang
Presidente miingon nga iya nang gimanduan ang Department of Public Works and
Highways (DPWH) ug uban pang hingtungdang ahensiya sa gobyerno nga magpanday ug
permanenteng solusyon sa pagbaha nga nasinatian sa siyudad matag tuig.
Si
DPWH Secretary Rogelio Singon, kinsa kauban sa Presidente miingon nga ang gisugyot
nga permanenteng solusyon mao ang paghimo ug “embankment” ug “catch basin” sa
ibabaw nga bahin ug uban pang agianan sa tubig sa Marikina River nga magpahinay
sa bul-og sa tubig-baha nga modagayday gikan sa bukid nga nalinya sa siyudad
panahon sa maot nga lakat sa panahon
Iya
pang gipatin-aw nga pinaagi sa pagpahinay sa bul-og sa tubig-baha gikan sa
kabukiran sa Antipolo, San Mateo ug Rodriguez sa Rizal maoy maghatag ug
kahigayonan sa drainage system nga matrabaho ang pagdala sa tubig-ulan ngadto
sa dagat.
Busa,
ang maayong himoon nga matigom ang tubig sa ibabaw aron dili magdungan-dungan
ang pagtubo sa tubig sa ubos .
Matod
pa sa Presidente nga sa mga mosunod nga semana, ipagawas na ang plano sa gisugyot
nga permanenteng solusyon sa baha aron masugdan dayon sa mga hinugtungdang
ahensiya ang pagtrabaho niini.
Human
sa iyang pakigpulong sa katawhan, gipangunahan usab dayon sa Presidente ang
pagpang-apod-apod sa mga hinabang (relief goods) sa mga apektadong residente sa
dakbayan.(ATR/PCOO/PIA9-Zambo Norte)
DIPOLOG CITY, AUG.
9(PIA)—Bugtong mga
Kagamhanang-Lokal lamang nga dunay Seal of Good Housekeeping (SGH) ang mahimong
makautang sa bangko, matod pa ni Department of Interior and Local Government
(DILG) Secrretary Jesse Robredo.
Matod
pa ni Robredo, kining kalambuan migawas samtang ang Bureau of Local Government Finance
(BLGF) nag-isyo ug circular nga naglakip sa SGH isip usa sa mga rekisitos para
sa mga LGUs nga mo-apply ug otoridad aron makahulam ug kuwarta sa bangko ug
uban pang institusyong-pinansyal.
“Among
gidawat kining maong kalambuan tungod kay giila na sab ang SGH sa ubang nasudnong
ahensiya sa gobyerno ug nagpakabanang sektor isip epektibong paagi sa pag-ila
kon ang usa ka LGU duna bay maayong pagdumala sa ilang panalapi ug andam nga
mangutang ug mobayad niini,” matod pa ni Robredo.
Ang
SGH gihatag sa mga LGUs nga walay di-maayong report gikan sa Commission on
Audit (COA) ug nakatuman pag-post sa 12 ka mga gikinahanglang mga dokumentong-pinansyal.
Ang mga SGH awardees kwalipikado usab nga makadawat ug incentive fund gikan sa
1 ngadto sa 7 ka milyon ka pesos alang sa ilang mga proyektong pangkalambuan.
Di
pa lang dugay, gilusad Sa DILG ang SGH Bronze, Silver ug Gold, diin gawas sa
naunang duha ka rekisitos, gidugang usab niini ang uban pang mga rekisitos sama
sa pagtuman sa Government Procurement Act ug Anti Red-Tape Act; Comprehensive
Development Plan; ug taas nga benchmark performance sa Local Government Performance
Management System (LGPMS).
Matod
pa ni Robredo, uban ang pagkalakip sa SGH isip dugang rekisitos para makahulam
ang usa ka LGU, nahimo nakarong dalan nga subayonn sa matag kagamhanang-Lokal
ang maayong pang-gobyerno.
Karon,
ang mga Kagamhanang-Lokal na lamang nga dunay SGH ug nagsubay sa Tul-id nga
Dalan mao ang makahulam ug kwarta sa bangko aron pondohan ang ilang lokal nga
mga proyekto.
Ang
Local Finance Circular 1-2012 naghan-ay sa mga gikinahanglang dokumento nga isumiti
sa LGU ngadto sa BLGF sa di pa sila hatagan ug Certificates of Borrowing ug Debt
Service Capabilities kon kinahanglan gyud silang mangutang.
Ang
circular nga gipirmahan ni Finance Sec. Cesar Purisima nga mao ang naglantaw sa
BLGF mao ang mopuli sa Local Finance Circular No. 1-2000 nga gi-isyo niadtong Enero
19, 2000.
lalom
sa bag-ong circular, gawas sa Seal of Good Housekeeping, ang mosunod nga mga
dokumento gidugang na usab sa naunang mga rekisitos: sulat-hangyo gikan sa Lokal
nga Hepe Ehikutibo; sertipikasyon gikan sa Legislative Body nga ang gisugyot
nga proyektong pondohan sa maong loan nalakip sa na-aprobahang Annual
Investment Plan sa kasamtangang tuig; authenticated nga kopya sa resolusyon nga
naghatag ug pagtugot sa Hepe Ehikutibo nga mosulod sa “contract of loan”; ug
kamatuoran sa pagsunod sa “full disclosure policy sa DILG, ug uban pa.(ATR/PCOO/PIA9-Zambo Norte)