DBM mi-aprobar sa P3.5-B alang sa SSS education aid

Ni Claro A. Lanipa

PAGADIAN CITY, 09 Jan (PIA) – Gipahibalo sa Department of Budget and Management (DBM) nga gipagawas na nila ang P3.5 bilyon ngadto sa Social Security System (SSS), aron sa  pagpatuman sa counterpart funds sa nasudnong pangagamhanan ubos sa GSIS-SSS Educational Assistance Fund Program (EAFP).

Ang P3.5 bilyon nga gihatag sa SSS kabahin sa P5-bilyon counterpart fund sa kagamhanan ubos sa GSIS-SSS EAFP. Ang nagpabiling P1.5 bilyon gigahin ug gihatag ngadto sa GSIS.

Ang maong kantidad pagakuhaon sa Unprogrammed Fund ubos sa 2012 General Appropriations Act kon GAA.

“Pinaagi niining pondo, ang SSS makahatag ug financial aid ngadto sa mga kuwalipikadong miyembro kinsa nangandoy nga makaangkon ug college degree kon mapatos sa kolehiyo. Ang mga miyembrong-benepisyaryo mahimong makapahait sa ilang talento isip pagpangandam alang sa sayon ug malungtarong nga pag-empleyo,” matod pa ni Budget and Management Secretary Florencio Abad.

Ubos sa EAFP, mga kuwalipikadong miyembro sa SSS makakuha’g P15,000 nga loan alang sa upat ka tuig kurso, ug P7,500 matag termino alang sa  technical/vocational courses.

Ang assistance package gilangkoban sa mosunod:

Alang sa 4-year Degree Course, P15,000 matag semester kon suma total nga kantidad sa P120,000, adunay interes sa 6% ug pagabayran sulod sa lima ka tuig ug magsugod usa ka tuig human sa graduation.

Sa Technical/Vocational course, P7,500 kon suma total sa P30,000 adunay interes sa 6% pagabayran sulod sa tulo ka tuig nga magsugod usa ka tuig human sa graduation.

Ang employment market may purohan nga mosaka karong tuiga, ug daghan mga oportunidad alang sa  mga natapos sa kolehiyo, matod pa ni Abad. (DBM/CAL/PIA9)

Kagamhanang-Aquino nalipay sa pag-ubos sa gidaghanon sa pamilyang nakasinati’g kagutom sa Disyembre 2012

Ni Alfonso T. Ruda

DIPOLOG CITY, JAN.9(PIA)---Malipayong gidawat sa Kagamhanang-Aquino ang taho nga miubos ug 16.3% ang gidaghanon sa pamilyang Filipino nga nakasinati’g kagutom niadtong Disyembre 2012 gikan sa 21.% niadtong Agosto 2012, matod pa sa usa ka Opisyal sa Palasyo.

Si Deputy Presidential spokesperson Abigail Valte miluwat sa maong pahayag human migawas ang Fourth Quarter 2012 SocialWeather Station Survey on Hunger nga nagpakita sa pag-ubos sa gidaghanon sa mga pamilyang nakasinati ug kagutom niadtong miaging tuig.

“Kini nagkahulugan nga dugang kapin sa milyon pa ka pamilyang Filipino ang nakasinati’g dili tinuyoang kagutom sa katapusang quarter sa 2012,” matod pa ni Valte.

Taliwala niini, determinado pa gihapon ang administrasyong Aquino nga tubagon ang kagutom nga nagumikan sa kawad-on.

“Pinaagi sa social intervention sama sa Conditional Cash Transfer Program nga naghatag ug premium sa pagpalit ug pagkaon para sa pamilyang-benepisyaryo ug supplemental feeding program sa Department of Social Welfare and Development (DSWD), padayon pa gihapong gipalapdan sa gobyerno ang pagpaningkamot nga mapalambo ang kahimtang sa atong mga kaigsoonang Filipino,” matod pa ni Valte.

Matod pa ni Valte, ang CCT program ug uban pang inisyatibo sa gobyerno nga nagtumong nga maibsan ug gilatag nga pundasyon nga matabangan ang mga pamilyang Filipino pagbuntog sa kapobrehon ug pagpalambo sa ilang kinabuhi.(ATR/PCOO/PIA9-Zambo Norte)

Palasyo meseguro nga walay pagtabon sa nagpadayon nga imbistigasyon sa pinusilay sa Quezon

By Gideon C. Corgue

PAGADIAN CITY, January 8 (PIA) –- Walay pagtabon.

Kini mao ang kaseguruhan nga gipalanog sa Malakanyang  ning Martes kalabot sa imbistigasyon nga  gipahigayon sa Philippine National Police ug National Bureau of Investigation sa pinusilay tali sa  security forces sa kagamhanan ug sa gikatahapan nga mga criminal sa checkpoint sa lalawigan sa Quezon ning nakalabay nga Domingo. Sa briefing nga gipahigayon sa Malakanyang, si Presidential Spokesperson Edwin Lacierda nagkanayon  nga ang Presidente nagsunod sa pamaagi sa imbistigayon ug nagpaabot sa opisyal  nga resulta. “Walay pagtabon nga mahitabo. Mahatagan kamo ug kaseguruhan nga walay bisan unsa nga  pagtabon. Ang Presidente interessado mahitabo sa mga detalye sa kaso ug kung unsa man an gmga resulta ato kini nga susihon, ug mohimo kita sa paghukum apan kita ang makapasalig nga walay pagtrabon kung ang imbestigayon sa  PNP ug NBI ang pagahisgutan,” matud pa ni Lacierda. “Interesado ang Pangulo niana, gusto niya nga iyang masusi ang kinailawoman niini. Busa kamo ang mahatagan ug kaseguruhan nga adunay resulta sa imbistigasyon ug iduso kini sa Presidente,” dugtong pa niya. Iyang gihatagan ug gibug-aton nga bisan nga ang Presidente wala mitino sa kung kanus-a ang imbistigasyon matapos. Ang Presidente gusto sa hingpit ug halawom nga imbestigasyon sa maong panghitabo,” matud pa ni Lacierda. (GCC/PCOO/PIA,Pagadian City)