Ni Alfonso T. Ruda
DIPOLOG CITY, SEPT.
11(PIA)---Uban ang
pormal nga pag-ila sa panginahanglan nga matubag ang problema sa korupsyon ug “transparency,”
nagkauyon ang 21-ka membrong ekonomiya sa Asia-Pacific Economic Cooperation nga
wagtangon ang korupsyon.
“Hugtanon
namong isaad ang pagpakig-away batok sa korupsyon aron masiguro ang pagka-bukas
ug ka-aninag sulod sa APEC,” nagkanayon ang mga lider sa APEC Declaration nga
gipagawas niadtong Domingo atol sa
pagtak-op sa 2-ka adlawng APEC Leaders Meeting sa APEC Conference Center sa
Vladivostock, Russia.
“Uban
ang pag-ila nga ang korupsyon mao ang sugnod sa illegal nga patigayon ug
way-kasigurohan maoy usa ka dakong babag
sa ekonomikanhong paglambo, kaluwasan sa katawhan, ug paglig-on sa eckonomikanhon
ug pamuhonang kooperasyon tali sa mga ekonomiya sa APEC, among itugyan ang
among pasalig nga batukan ang korupsyon ug sigurohon ang kaklaro,” matod pa sa mga
lider sa APEC.
Ila
usab nga gidawat ang pagtubag sa 2012 transparency isip sunod nga bag-ong
henerasyon ug pamuhonan.
Nagpabilin
kaming mosaad pagsulbad sa mga problema sa isyo sa sunod nga henerasyon ug pamuhonan
nga sama kamahinungdanong aspeto sa among trabaho aron labi pang masagol sa ekonimiya
sa APEC ug labi pang mapalapad ang patigayon sa rehiyon.
Sukad
siya milingkod niadtong Hunyo 2010, kanunayng gipangasawa ni Presidente Aquino
ang klaro ug maayong pang-gobyerno sa bureaukrasya ug serbisyo-publiko. Banhaan
usab kaayo siya kaayo sa iyang adbokasiya sa pagpakig-away batok sa korupsyon
sa gobyerno.
Misulbong
siya sa gahum pinaagi sa iyang sikat nga slogan nga “Kung walang corrupt,
Walang mahirap” nga hangtud niining adlawa,
nagpabilin nang ilhanan sa tinguha sa iyang administrasyon nga makab-ot ang
kalambuan ug kauswagan sa nasod.(ATR/PCOO/PIA9-Zambo
Norte)