Dili kinahanglan pagpataas sa alert level sa piniliay sa Lunes

By Gideon C. Corgue

PAGADIAN CITY, May 7 (PIA) –-Ang Armadong Kusog sa Pilipinas ning Martes nagkanayon nga dili kinahanglan sa militar pagpataas sa alert levels ning nagsingabot nga Mayo 13 nga mid-term elections.

Si Major Ramon Zagala, ang AFP public affairs office chief nagkanayon nga kahimtang sa seguridad ang lig-on.

Iya usab nga gipatin-aw nga ang insidente sa pagpamanhig batok sa mga tawo nga magpapili sa nagkalain-laing posisyon ang dili makatandog sa seguridad sa nasud sanglit kini nga mga panghitabo ang mga krimen lamang ug masulbad sa kapulisan.

"Ang katungod sa pagpili usa  ka normal nga kalihokan ug ang kasundaluhan sa pagkakaron walay nakita nga hinungdan pagpataas sa iyang alert level," matud pa ni Zagala.

Hinoon, gipuno pa niya nga ang militar mas andam pag-ayuda sa Philippine National Police sa iyang tahas sa kalinaw ug seguridad kung ugaling kini ang gikinahanglan man.  (GCC/PNA /PIA9-Pagadian City)