By Gideon C. Corgue
Si Presidente Benigno S. Aquino III miingon ning Huwebes nga ang Department
of Energy ang mihatag kaseguruhan kaniya ug sa kinatibuk-ang katawhang Pilipino
sa tukma nga abiyo sa sugang dagitab sa nagsingabot nga adlaw sa piniliay sa
Mayo 13 human sa imbibistigasyon sa pagkawala sa kuryente nga miigo sa Luzon niadtong
Miyerkoles.
Ang Presidente nagkanayon sa press briefing nga human sa political rally
sa mga magpapili nga local Liberal Party ang gipahigayon sa Quirino Elementary
School Multi-Purpose Building sa dakbayan sa Quezon nga ang DoE nagpahigayon ug
makuti nga inventory human sa pagkapalong sa sugang dagitab kagahapon ug
nakamatikod nga walay dako nga problema sa iyang power generating plants.
“Una, nasusi na ang gitawag nga physical tripping. Nasusi ang mga linya
ug walay nakita nga mga pagkaputol ug
padayon ang imbistigasyon. Ingon ni Energy Secretary Jericho Petilla nga siya
ang mohubit niini nga giimbentaryo nila ug masusi nga dili na mausab kini ug
kahitabo, matud pa sa Presidente.
“Adunay angay nga buhaton sa mga switches. Mas
tecknikal ug sila na ang magpasabot. Pero tungod sa tanan nga giimbentaryo nga
ilang gihimo mas midako pa ang ilang papagtuo nga nga ang pagkanaa sa sugang
dagitab sa tibuok nasud ang anaa sa adlaw sa sa piniliay,” dugtong pa niya.
Iyang gihatagan ug
gibug-aton nga wala siya’y tuyo nga iuswag ang pagpahigayon sa piniliay karong
Lunes ug buot nga ang pagpahigayon sa piniliay ang mahuman aron nga mapunting
sa mga kasamtangan nga suliran nga giatubang sa nasud.
“Alang sa inyong kasayuran,
paminawon pud ko ninyo. Ug akong ikagarantiya sa inyo nga bisan unsa nga
bibliya mahimo nako nga ipatong ang akong kamot nga walay tinugha nga iuswag
ang maong piniliay, matud pa sa Presidente.
“Naghinamhinam na kita nga mahuman na ang campaign ug election period ug modiresto kita sa pagpunting na lang sa pagsulbad sa mga suliran sa atong nasud,” matud pa niya. (GCC/PCOO /PIA9-Pagadian City)
No comments:
Post a Comment