Kagamhanang Aquino nagpabiling masaligon pagbatok sa kapobrehon – Palasyo

Ni Claro A. Lanipa

PAGADIAN CITY, 23 May (PIA) – Gibutyag sa Malakanyang nga nagpabilin kini masaligong sa pagsulbat sa kapobrehon  sa nasud pinaagi sa nagkalain-laing mga inisyatibo ug wala kini magsalig sa gipahigayong mga survey isip sukaranan sa pagpataliwala niini.

Sa usa ka pinaka-ulahing Social Weather Stations (SWS) survey, nagpakita kini nga misaka ang ihap sa hunger incidence sa nasud, gikan sa 16.3 porsiento niadtong Disyembre ngadto sa 19.2 porsiento sa Marso ning tuig.

Apan, sa usa ka press conference sa Malakanyang, si Deputy Presidential spokesperson Abigail Valte miingon ang SWS survey, tungod kay gihimo kini matag upat ka bulan, wala kining piho usahay mopataas ug usahay mopaubos.

“Mao kini kabahin sa rason ngano wala kita magsalig lang sa survey isip bugtong sukaranan aron hatagan ug unang pagtagad sa daghan mga butang angay natong tutukan,” miingon si Valte.

“Daghan pa kita ubang mga kapasikaran nga atong gilantaw aron makita nato kon asa  kita… kinahanglan aduna kitay istratehiya sa paggahin sa atong mga pondo  sa pagpakubos sa kakabus.

Usa sa nagpadayon giduso sa kagamhanan mao ang  pagpalapad sa programa sa conditional cash transfer (CCT), matod pa sa opisyal sa Palasyo.

Ang kagamhanan miingon sa tibuok nasud adunay 3.9 milyon ka mga pamilyang benepisyaryo sa CCT. Kining CCT usa ka programa sa pagpalambo sa tawo nga namuhunan sa maayong panglawas ug edukasyon sa mga pobreng pamilya, ilabi na gayud ang mga kabataan nga gipang-edaron 0-14 ang tuig.

Laing mga programa naglangkob usab mao ang panginabuhian alang sa mga kabos, miinogn si Valte. Kining inisyatibo nagtanyag ug mga pagbansay aron suportahan niadtong gusto maghimo ug gagmay mga negosyo, small ug medium enterprises, dugtong pa ni Valte.

Ang kagamhanan nag’ila usab sa daghang mga butang aron hatagan ug pagtagad ug aron makamugna dugang mga trabaho ilabi na sa agri-business ug sekta sa turismo, gitapos ni Valte. (PND/CAL/PIA9)