5 ka adlaw nga liquor ban magsugod karong Huwebes

By Gideon C. Corgue

PAGADIAN CITY, May 7 (PIA) –- Ang Commission on Elections nagpahibalo sa katawhan nga ang lima ka adlaw nga liquor ban mo-epekto sugod karong Mayo 9 hangtud sa Mayo 13.

Ang poll body milugway sa liquor ban gikan sa duha ka adlaw ngadto sa lima human nga si  Metropolitan Manila Development Authority Chairman Francis Tolentino mihangyo alang sa lugway sa maong pagdili.

Matud pa ni Tolentino kini mao ang pagpakunhod sa kabalaka sa mga hilig moinom ug alak nga mga tawo nga maghisgot sa eleksyon sa mga adlaw sa dili pa ang eleksyon.

Ang mga makalapas sa liquor ban mag-atubang sa unom ka tuig nga pagkabilanggo.

Ang walay labot sa pagdili mao ang mga langyaw ug tourism-certified hotels ug mga establisimiyento.  (GCC/PNA /PIA9-Pagadian City)