Ni Alfonso T. Ruda
DIPOLOG CITY, JAN.
26(PIA)---Ang
Palasyo namahayag nga imbestigahan ang giingong padayong paghatag ug bonus ug
allowances sa mga opisyal sa Metropolitan Waterworks and Sewerage System
(MWSS).
“Among
susihon kining maong taho, tungod kay sa akong nahibaw-an, ang dunay otoridad
kanila mao ang GCG kon Governance Commission for GOCCs,” matod pa ni Deputy
Presidential Spokesperson Abigail Valte sa usa ka pakighinabi sa sibya-anang
DZRB-Radyo ngBayan.
“Tan-awon
kana. Human nga masusi, tan-awon kana,” matod pa ni Valte diang gipangutana kon
iporsige ba sa Palasypo ang pag-imbestigar sa taho.
Sa
report sa Commission on Audit (COA), kini nagkanayon nga nagpadayon gihapon ang
dagko kaayong mga bonus ug allowance sa MWSS niadtong 2011.
Sa
ilang report niadtong 2011, matod pa sa COA, ang MWSS nanghatag ug bonus,
allowance, ug insentibo sa ilang mga opisyales ug personahe bisan ug walay pagtugot
gikan sa Department of Budget and Management (DBM).
Sumala
pa sa COA, padayong nanghatag ang MWSS ug nagkalain-laing matang sa allowance,
bonus ug insentibo bisan ug walay pagtugot sa DBM.
Gikuwestiyon
usab sa COA ang paghatag ug hazard pays sa mga personahe nga dili angay modawat
niini. Misulod usab ang MWSS ug usa ka medical coverage uban sa pribadong
kompaniya nga Medicard Philippines, Inc., bisan ug ang medical coverage
mahimong ihatag sa Philippine Health Insurance Corporation kon Philhealth.(ATR/PCOO/PIA9-Zamboanga del Norte)
